الى عمرو موسى ..

الى عمرو موسى ..

يعطيك العافية يا عمرو ...
والله يعينك على بلاويك ...
شوف خيو ...
الوضع متأزم وانا بعرفك شاطر وحربوك ...
بس ما تقعد تفتي من دار الي خلفوك ..
لو فيك خير انت والجامعة قيتك ..
كان ما وديت مشكلة غزة على الامم المتحدة ...
علشان تريح حالك وتريح الدول العربية ...
هي الامم المتحدة حلقتك وحلقت لكل العرب وفرط القرار ...
قولي شو بدك تسوي يا فالح ...

بالحرب على العراق خزيتنا ...
وبالحرب على لبنان بودتنا ..
وبالحرب على ابو عمار فلقتنا ...
طيب هالساع بالحرب على غزة شو بدك تسوي ...
شو في بجرابك يا حاوي ...
بدك نصيحتي ...
ما دامك بلغت التقاعد يعني صرت هرش ...
مثل خيل الحكومة افرطها ريمي ...
وافرط الجامعة العربية كمان ..
وبدل ما تتخرين علينا صبح ومسا روح شوفلك شغلة اتسلى فيها ...
لانه الجامعة العربية ما غيرها بالعربي عفنت ..
وصارت طوابين واكوام بعر ولطع حمير ..
وصارت قهاوي للعيبة الطرنيب والكون كان ...
احسن حل تعتزل الفن وتروح تكتب مذكراتك ...او تروح تشتغل رقاصة ...اشرف الك والنا ...
لانه جامعتك هاملة والي بستحي على شرفة بسحب وراقه منها يعني انا لو عضو بالجامعة ...
على طول بسحب الكشف تبعي وبروح العب مع منشستر يونايتد او حتى مع مكابي تل البيب اشرف لي ...
يا راجل شو هالبهدلة الى انت فيها ..
تقول ممسحة زفر ..
يوم.............. اجتماع عاجل لوزرا الخارجية ............ يوم اجلنا مش عارف شو............. يوم ..............القمة الطارئة اجلتها لبعد قرار الامم المتحدة ..
بدي اعرف دخيل ربك يا عمرو ... كيف بتكون القمة طارئه وبتأجلها مرات كثيرة ...
كيف بدك قمة ونص العرب حردانين والنص الثاني سلمة تسلمك ...
دخيل ربك هات لي مرة نجحتو بشىء ..
هات لي مرة سويتو شغلة ترفع الراس ..
دخيل الله عليك صار للمجلس الاقتصادي للسوق العربي ستين سنة ومش متفقين ...
صار لمجلس الدفاع العربي المشترك خمسين سنة ومش قادر يسند حالو ...
صار للجامعة العربية ستين سنة وهي مش جامعة اشي ... بس جامعيتك انت وخصيانك .... المرميط ....
شو رايك بهالحكي ....
حل عنا ..
يعني بصريح العبارة فارقنا ..
واحلق على الناشف ....

المصدر: شبكة ومنتديات صدى الحجاج