موسوعة المسجات ( 10.000 ) مسج

موسوعة المسجات ( 10.000 ) مسج

أروي ضمى غيرى وأنا يابس الريق
وأضحك واجامل لو مانـى برايـق
وإن ضقت أسلّي خاطري بالطواريق
وأستلهـم الفرحـه لنفسـي دقايـق
وإن شفتك بعينيي وفي خاطري ضيق
إنزاح هم القلـب وأصبحـت فايـق
sadaalhajjaj.com
أبكي قصيده وأشبك البيت بالبيت
وأشكي قوافي الليل من كل ضيقه
وأدخل في بحور الشعر لامن تجليت
وأغوص في وسط البحور العميقه
في حبكم لاني بحي ولا ميت
كني كسير الطير ماله طريق
sadaalhajjaj.com
في زمانك محد يشيل همك
لاحبيبك لا أخوك لا رفيقك

ماتهم اللي يهمك
لو بغيت تعيش صح
صل فرضك وأقضب أرضك
وخلها للي عيونه ماتنام ونام
sadaalhajjaj.com
صرت أنا للحب والدمعة أسير
في حياتي يوم راحة ماظهر
مظهري جنه ومضموني هجير
مرقدي تمثيل والواقع سهر
جيت يمك وأنت عزمت المسير
صرت ضدي مع صواديف الدهر
الوداع فراق والموقف مرير
والعزى ماضيك والحاضر قهر
sadaalhajjaj.com
وعذابي كان لي نفس صحيحه
خيرت مابين صدك والمنيه
أن نويت البعد ضاقت بي الفسيحه
وأن بغيت القرب خان القرب فيه
كيف بخفي الحب وجروحي صريحه
كيف أحجب الشمس ياخلي بيديه
كيف أداوي علة النفس الجريحه
وين أودي دمعة العين الشقيه
sadaalhajjaj.com
من مواني الليل لعيونك سريت
ودمعتي تحلف علي أهلها
كم بكيت بداخلي لو مابكيت
كبرت همومي وقلبي شلها
كم تناسيتك ولكن مانسيت
لو تغيب الشمس يبقى ظلها
بأنتهي بك مثل مافيك أبتديت
وماسوت عزة زماني وذلها
sadaalhajjaj.com
أنا بدوي وبعيشتي ماتنعمت
ورمز البداوه سيف وللكيف دله
محبوبتي صحراي في حبها همت
أعشق سهلها والرجوم المطله
يكفي إني من البداوه تعلمت
إن الركوع لغير ربي مذله
sadaalhajjaj.com
أنا الذي من شوف الأحباب محروم
والله يكافي شر زلات الأقدام
قبل أمس مع ربعي سواليف وعلوم
واليوم طاويني هواجيس وهيام
أضحك ضحى قبل أمس وأبكي ضحى اليوم
ياسرع دورات الليالي والأيام
sadaalhajjaj.com
شكواك للي طالبه مابعد خاب
ودعواي لك يالله تطول سنينه
كم واحد من الحب منصاب
الحب قاتل ماأحد يقدر يدينه
يادمع عيني لمن تغرب ومن غاب
ياشيب عيني لمن يفارق ضنينه
قلبي عذلته لكن القلب ماتاب
والحب تلعن ساعته وسنينه
sadaalhajjaj.com
أبشتكيلك دامك أعز الأصحاب
شكوى جريح يبتسم من ونينه
القلب ياخلي جريح ومنصاب
خلا دموع العين تنزف حزينه
على هنوف صكوا دونها الباب
من عقب ماحنا ظنين وظنينه
حلفت ماأنساها ولو فوقي تراب
وأنا بوسط القبر لأقول وينه
sadaalhajjaj.com
يامرحبا أعداد ما لاحت بروق
ترحيبة المؤمن بحكم الشريعه
رسالتن جتني من أعز مخلوق
ومن كان مثلك طيب مانبيعه
ياطيب الجدان من جذر وعروق
أفعالهم كل الخلايق تذيعه
sadaalhajjaj.com
من يوم ماذوقتني حر فرقاك
واليأس والحزن في حياتي غرسته
شريت لي ثوب على شان لقياك
والثوب راحت موضته ما لبسته
وشريت عطر مازهاني بلياك
أربع سنين بعلبته ما لمسته
sadaalhajjaj.com
أرسلك المرسول يامعرب الجد
من ساس قوما"يحتمون المظله
يحمل تحياتي بها الود ممتد
من ضامري ماهي سواليف شله
البعد ماعنه الرجاجيل تنحد
لو حال من دونه سماء نجد كله
والحر مهما راح لابد مايرد
للنايف اللي كل حر فطن له
sadaalhajjaj.com
الليالي شرهتني ودنياي أمحقاء
بين كتمان الحقايق وشرهات الرفيق
والله أني ماتوقعت مدري ماهقاء
ينخدع فيني صديق وغيره في حريق
مستعد أقضي العمر من دون أصدقاء
بس ماأخون الصداقه ويجفاني صديق
sadaalhajjaj.com
مافيك عيب إلا قلبك متيني
وتصد عني والصدود القطيعه
إن كان واصلني فهذي يميني
مبسوطه لك والمواصل شريعه
0وإن كان قاطعني يبالله يعيني
مر الفراق ولا حلاوة خديعه
لكن صبري والرجاء واليقيني
وسيلتي عن كل بلوى وجيعه
sadaalhajjaj.com
كان ودك ماتزيد الصدر ضيقه
لاتسمع للدعاوي والشكاوي
وش يهمك وش صديق من صديقه
مامشالك بالمحاسن والمساوي
رافق اللي فاهم واجب رفيقه
لانخيته جاوبك راعي نخاوي
sadaalhajjaj.com
غربة عمر منها المشاعر عطيبات
ولجل الرجاء جربت كل الطرايق
ورد الامل في زحمة اليأس مامات
يحيه دمعن به رموشي غرايق
بصوتي أجاوب صرخة العمر بآهات
مدام حظي من عناء الوجد عايق
sadaalhajjaj.com
وش حيلة اللي علته داخل الجوف
نار الفراق بوسط صدره تصلى
وش حيلتي ياناس والحال منصوف
منصوف نصفين على اللي تغلى
نصفه يقول أصبر يمكن يحن ويروف
ونصفه يقول اللي تغلى يخلى
sadaalhajjaj.com
يازين حبك رج قلب العناء رج
شف له طريقه قبل توقف عروقه
أما تدور له عن الحب مخرج
ولابعد حرقه تداوي حروقه
هذي سنه وخيول حبك تسرج
من فوق قلبي لين بانت فتوقه
أما أنتصافا بالهوى ونتهرج
ولانكب الحب ونكب سوقه
sadaalhajjaj.com
زينه على كل المخاليق غطى
عقل وجمال وخف دم مخلوطي
عمره صغير وجاهل توه ماتغطى
ولاغيره أحد يخيط قطوطي
غرون على عرش البنات أيتوطى
قطع على الزينات كل الخطوطي
ياليل قلبي على قلبي أخطى
حط القدر بيني وبينه شروطي
sadaalhajjaj.com
مات حبك والبقية في حياتك
في حنايا خافقي لاقى مصيره
خذ مع الجثمان باقي ذكرياتك
تجربه حبي معك كانت مريره
مايعرف الحب من سوى سواتك
يجهل الإخلاص من ضيع ضميره
غرني ياصاحبي ظاهر صفاتك
غلطتي يا للأسف كانت كبيره
sadaalhajjaj.com
صديقنا الصادق بروحي فديته
وعدونا يخذل ويقهر وينظام
وللاش ولد اللاش لامن لقيته
مع كلاب الضير نرمي له عظام
وأنا معك بمشي بدرب مشيته
سوا سوا لاقلت قدام قدام
sadaalhajjaj.com
من دون ماأقصد ياهوى البال مريت
قدام بابك وأنجبرت أشتكيله
ياباب قله في عذابي تماديت
ومرت على فراقه سنين طويله
شوقي فضحني في عيوني وصديت
الدمع مايرحم وماقويت أشيله
sadaalhajjaj.com
العام رجلي بالطويله تعدي
واليوم كني مكتف الرجل تكتيف
ضيعت عمري في أسترح وأستعدي
نوب جزاء ونوب أنقريه وتنظيف
يارجل سجي وياعين لدي
لديار نجد وعاليات المشاريف
sadaalhajjaj.com
مني للغالي سلام وتراحيب
مضمونها تقدير من قلب صافي
سلام ياراعي الوفاء والمواجيب
سلام يارجل مع الناس وافي
أجيك لو ماأرسلت يمي مناديب
آصلك لو أني على الرجل حافي
sadaalhajjaj.com
خانت الأيام شخص مايخون
ولاهقيت أنه كذا طبع الزمن
كيف أصبر وأعيش مغبون
كيف اداف طالما الحظ أندفن
بس ليه أشكي وأحسب للظنون
وراس مالي تالي الدنيا كفن
ذي بداية والنهاية وش تكون
هو يزول الهم عني ما أظن
sadaalhajjaj.com
سافر حبيبي مابقى غير تذكار
تذكار عين للمحبة سهيره
سافر وقلبي من عنا البعد صبار
مبعد من عيوني وقلبي يديره
أجامل الضحكة وقلبي على نار
والجمر في جوفي تزايد سعيره
sadaalhajjaj.com
عرفت بحياتي لوعت الوقت والحرمان
وعرفت العذاب وتعبت أميز ألوانه
وجلست أذكر الماضي على قول كان وكان
غرام حفظته ياعسى صاحبي صانه
تراك بحياتي نابض القلب والشريان
ودونك حياتي ياهوى البال خسرانه
sadaalhajjaj.com
سلام ياشيخ تربى على الطيب
سلام يارجل عزيز وغالي
تعيش ياحر تعلى المراقيب
حر ولد حر على الرجم عالي
يحتار فيه الشعر تشريق وتغريب
رجل عزيز النفس ماله مثالي
رجل الوقفات راع المواجيب
صلف على الصكات مابه جدالي
sadaalhajjaj.com
غايتي ومناي بالدنيا رضاك
لو يقولون العرب صابه جنون
لو جفوني من نهوني عن هواك
لو رضيت فراقهم عندي يهون
لو تغيب سنين قلبي مانساك
لو تعذبه المواجع والطعون
حالف ماأنساك لو بعدك هلاك
ومن حفظ عهد المحبة مايخون
sadaalhajjaj.com
هذي رسالة تاصلك في قصيدة
فيها بأعبر لك من القلب بإحساس
أببتدي وياك صفحة جديده
ولا أتركك وأتوب ياشمعة الناس
لا تبتعد عني بديره بعيده
كيف يتحمل غيبتك قلب حساس
sadaalhajjaj.com
وصلك مثل غيم الربيع أستخيله
وأنا على باب المحبة رجاوي
حاولت قربك مالقيت الوسيله
أنا أشهد أني بالمحبة شقاوي
مالي على مايجري اليوم حيله
ولاني على بعد المحبين قاوي
sadaalhajjaj.com
ولعتني يانور عيني وصديت
وخليتني من طول هجرك أعاني
مدري جفاء مدري علينا تغليت
ولا دخل في جوكم شخص ثاني
وأنت الذي في وسط عيني تعليت
وليا ذكرتك داعي الشعر جاني
ماطاب لي زاد ولا مقعد البيت
حتى لذيذ النوم راح وجفاني
sadaalhajjaj.com
ليتك تعرف أن الهوى سهم ذباح
وقلوب عشاق المحبة رقيقه
وليتك تعرف أني ليا شفت رقمك أرتاح
والقلب يسعد يوم يلقى رفيقه
أنا الحزين وباقي الناس بأفراح
وأنا الأسير وخلق ربي طليقه
sadaalhajjaj.com
مايبعدك عني ولا أي مخلوق
وإن غبت يبقى في غيابك خطوره
مثل الشجر مهما رفع هامته فوق
يبقى مصيره مرتبط في جذوره
حنا تخاوينا على سلم وطروق
ياحلو خوة طيبين المشوره
sadaalhajjaj.com
أسأل وأنا كلي من أجلك إجابات
كل الصعايب لأجل عينك سهاله
يضيق صدري لو بقارقك لحظات
وأصير بعدك بألف حاله وحاله
لو كنت غايب وأبعدتك المسافات
لك صاحب ماغبت عن خياله
sadaalhajjaj.com
أنا الذي من بدة الناس أغليك
وأنا الذي عينه تراعي خيالك
وأنا الذي لو تزهمه ماتعداك
وتطلبه في كل حزه عنالك
يالعنبو دنيا تهمك وتشناك
موتي ولا شيء يكدر مزاجك
هذا كلام اللي يعزك ويفداك
ماهو كلام اللي يدور ضياعك
sadaalhajjaj.com
سيدي بالحال رد النظر
وأرحم محب حياته بين يديك
إلى متى يازين وأنا أنتظر
صبري قضى والعمر منك وإليك
الناس طلعت على سطح القمر
وأنا معك ماقدرت أوصل إليك
ماعاد باقي علي إلا أنتحر
وأموت لجلك حسبي الله عليك
ليه يا دنيا تعزين الرخوم ؟
والشجاع يعيش عمره في نكد
تطرحينه كل ما حاول يقوم
كل ما يبني يفاجأ با الهدد
والخبل جظه ورى ذيك النجوم
عالي مرتاح دايم في سعد
والشجاع تحاصره سود الهموم
وان تخلص من نمر طاح بأسد!
للفرح يوم هليت في قلبي هبوب
sadaalhajjaj.com
ما اظلم زماني يوم عن الكون
غايب
لك بسمة تتملك الكون
بالطيب
ولك نظرة سوت بروحي
العجايب
يا جعل عمرك سعد وايامك
تطيب
وجعلني فدا حبك ماعنه
تايب
sadaalhajjaj.com
حرام ما ترحم
احوالي
وانا اللي بك عرفت
نفسي
اشوف في طيفك
آمالي
وانسى في بسمتك
امسي
الا يا أغلى من
الغالي
عساني في همستك
منسي
sadaalhajjaj.com
لاتسأليني عن سبب كتم الآحزان
بس اسأليني عن غيابي وحضوري
لاتسأليني عن سبب دمع الآعيان
بس أسأليني عن دواعي سروري
لاتسأليني عن تصاريف الأزمــان
أجامل أحبابي وربعي والأخـــوان
جبر الخواطر صار معنى حضوري
أعطيهم الفرحه وأنا وسط الآحزان
وأجبر كسور الغير وأهمل كسوري

المصدر: شبكة ومنتديات صدى الحجاج