محارة الأردن .. على بساط الهمس

محارة الاردن هلا فيك نورتي الموضوع لانك ضيفته
1- اسمك وسنك وتهمتك ههههههههههههههههههههههههه لا بمزح
اسم محارة اسم جميل جدا ولكن ما سبب اختيارك هذا الاسم؟؟
رأيك بالصدى ؟؟ ما الذي جذبك للصدى (( غيري انا )) هههههههه حتى تكوني عضوة فيه؟؟
ما شاء الله انت اكملتي دراسات عليا برأيك هل الدراسه تغير اتجاهات الشخص ؟؟؟
هل ما وصلت له في مجال عملك يتناسب مع طموحك ؟؟
الامومه احساس رائع ما مدى تأثير الامومه على شخصيه محارة ؟؟
عبارة للصبر حدود لو طلب منك تحكيها لشخص لمين حتكون هالعبارة ؟؟
ريماس يا غاليه خفة دمك اعجبتني
وتواجدك او عودتك للصدى روعه كتير اجاوبك وحده وحده
واذا كان في بقيه للحديث فليكن على راسي اجاوب
اما اسم محارة اختاره لي انسان عزيز وغالي عل قلبي بعطي كل تحياتي وقبلاتي
ومن اضاف الاردن لمحارة حتى صار الاسم محارة الاردن صديق روحي ابو بكر بطوش
وانا فخورة جدا بذلك
رائي بالصدى اكتر من بيت واكتر من عيله والله لايحرمني من اهلي في الصدى سيد الصدى وعميده ابو معمر صديقي
اكيد منبر اعلامي حر ومن اروع المنتديات ملتزم بادبيات واخلاقيات كتير بتعجبني بيكفي فيه ابومجد وانتي كمان وفيه غوالي على
قلبي ابو قنوة تاج لراسي واخي و بطوش صديقي وقرة عيني .. وحسين.. ونكهة القهوة ..وانيسه . والفراهيدي .والي ما حكيت اسمه ما يزعل كلهم صبايا وشباب المنتدى حبايبي ربي اعطاني عيله تانيه افتخر فيها
طبعا اكيد الدراسه والعليا منها بتغير اتجاهات الشخص وبتعطيه نوع من الامان الاجتماعي
ولغة التفاهم مع الناس اكتر
طبعا طموحي كبير كتير ولولا ظروف كتير ومنها الصحيه كان زمان الدكتوراه وصلتها
شوفي يا غاليه يمكن الكل يستغرب كيف ما غيرت من معلمه لمساعده او مديرة
لكن لو عملت هيك بفقد البنات الي بيحبوني في الصف بموت في الحصص والتدريس
واخاطب البنات بالفكر الي بدي اياه يمكن كان بدي في البدايه ادرس صيدلانيه بس بابا ما رضي
هلاأأ كتير مبسوطه في التدريس والله ذاتي كلها في التدريس وخدمة بلدي وتعزيز انتماء الطالبات هو اكبر طموح عندي
اما الامومه واوووووو يا ريماس والله بتخليكي تتنازلي عن كل اشي بالدنيا وتيجي على حالك كتير علشان ابنك
الامومه ريماس اكيد الها تاثير كبير على شخصية المحارة لو تكوني موجوده يوم يدخل زيد اصغر ابنائي من المدرسه
على البيت والله احتفال بيكون

الامومه ريماس بتخليني انسى حالي علشان خاطر ابني يكون سعيد والله ما في الوجود اسمى من مشاعر الامومه ولا ارق منها
كل بنات المدرسه بناتي لاني بشوف فيهن مريم بنتي اتخيلي عاد شو تاثير الامومه على شخصيتي
ريماس الغاليه اكيد للصبر حدود رح احكيها لكل انسان ظالم ومفتري وما بيخاف ربنا وبتعدى على المحارة اكيد للصبر حدود
وبعد هيك خلص وانا بقول لكل واحد بتعدى على المحارة احذروا الحليم اذا غضب صحيح طيبه كتير بس مو ضعيفه وحيطي واطي
حيطنا مش واطي حنا اردنيه وحيطنا مش واطي لو على المنيه ما حطينا واطي هيك علمنا ابو حسين سيدي ومولاي
حضرة صاحب الجلاله الهاشميه
ريماس صديقتي يا رب يكون ظلي خفيف على بساط الهمس وتقبلي ردودي بكل احترام وود مني الك