أبو قنوة على بساط الهمس

ر ابا القنوة ، مساء الورد
طحشة اسئله اتسلى فيهن : اه

آخر يوم يا رايح كثر الفضايح :
،
تاريخ ميلادك بالنتفه : ::: ساعة 6 دقيقة 6 يوم 6 شهر 1والباقي تقدير سن
شو دراستك :ادارة اعمال – ودبلوم تجميل ,, وخبرة رهيبة في الكسدرة
هواياتك اللي بتمارسها واللي بتتمنى تمارسها :سابقا كرة القدم (حريف ) حاليا المطالعة وتسلق الاشجار ولا تنسي المداقرة والمناكدة ,, والمباطحة ,, والمؤامرات ,والجلطات
موقف طريف تعرضتلو وما بتنساه :نعم ,,, اوقفني شرطي ولم اكن احمل الرخصة ,, اخذت رخصة صديق جالس بجانبي اسمه ابراهيم ,, واكلت مخالفة عليها ,, فقال لي الشرطي لا تسرع يا ابراهيم ,, فقلت له مين ابراهيم .


موقف محرج :كنت على علاقة غرامية بفتاة جميلة ومن عائلة ثرية ,, وكنت قد اشبعتها خرط عن الاموال والعقارات والفلل والشقق والاسهم والارصدة التي املكها .. وكله خرط .. المهم بيوم اخذتها على الشط ,, وجلسنا قرب الماء فطلبت ان نشلح الاحذية ونتمدد على الرمل لغايات المصمصة والمباوسة ,, والذي منه .. المهم ,, ولاني خراط ما صدقت وقلت لنفسي ,, بلشنا بالحفايات شوى وبنكون زلط ملط ... شلحت الكندرة وبلشت خرط والبنت المسكينة بانجة يعني تحجرت عيونها وهي تتطلع على اقدامي ,, وانا نازل خرط ولا هامني ,, بعد حوالي ساعة ,, اتطلعت على رجلي ولا شو ,, ولا انا لابس جرابات .. واحد ازرق و واحد كحلي .. مش هون الاشكال .. الاشكال كل فرده من الجرابات كان فيها عشر خمصطعشر فتحة تهوية ,, ممكن حمار يمر منها .. وقال شو قال ارصدة وفلل ,, دمار.
اول ما بتولع معاك عصبيه شو الكلمه اللي بتحكيها :عن جد بسب الدين , بدون خرط
كيف بتشرب قهوتك :على الريحة
ما هو هدفك بالحياة حاليا :راحة البال
بتعتبر حالك شخص جيد ؟ اسالي الاخرين
شو اكتر اشي بتحبو بحالك ؟ حنون
اكتر اشي بتكرهو بحالك ؟ العباطة
شو الحب بالنسبالك ؟ بعرفوش
عمرك فزت بجائزة وشو وليش ؟ نعم .. بطولة شطرنج .وبطولة رمي رمح وبطولة العاصمة بكرة القدم للمدارس .. زمان
بتتخالف مروريا كتير ، كيف سوائتك يعني ؟ لا .. شبيح سواقة
متى آخر مره اشتريت فيها شي لنفسك وشو كان ؟ يوووووووووووووووووووووو
متى آخر مره حكيت لحد بحبك ولمين ؟ ولا عمري حكيتها ,, بدون خرط
آخر مره بكيت فيها وليش ؟ عند وفاة ابي .. كان مهيب
بتطبخ ؟ وان طبخت شو بتطبخ ؟ صواني .. شوربات ,,
بتحب الشوكولاته ؟ جدا