ابيات في وصف الخيـــل,,

ابيات في وصف الخيـــل,,

ج م و ح


جتكم وصوف المسرجات السريعات
يالله عسى مـــــــــا اقول بالوصف زلّه


اللون وجه اللي غداشمله اشتات
ولاّ كمــــــــــــــا بنّ اليمن وسط دلّه



والراس حجمه معتدل بالقياسات
لاهو صغير ولا كبيـــــــــــــر ٍ تملّه



وآذانها ارقاقه وملسٍ لطيفات
اقـــــلام منتصبات مثل الاخلّه

واعيونها برّاقه ومستطيلات
عين الفتاه اللي لحقها مملّه


والناصيه فوق العيون الكحيلات
مثل السعف ومن الحـــراره تضّله


والجبهه تشابه ليوم البشارات
تزفّ للمــــــحزون فرقا المذلّه


ومناخره متباعدات ووسيعات
وامدوّرات وللنفس سهّــــل ٍ له

والفم واشدوقه وساع وطويلات
تحت اللجــام شدوقه ايمهّل ٍ له


وأعناقها ماهن عراض وقصيرات
طويلة ٍ والكتف مــــــــــالصّقن ٍ له


والعرف مسترسل كما شعورخفرات
والجذع صلب ومشرف ٍ غـــــــــــــاربٍ له


واصدورها متنهّضات و رحيبات
والظهر فوق الكاهــل مناسبٍ له

والبطن كنز أهل الخيول الأصيلات
رحيب بالأنثى وضامر بخـــــــــــــــلّه



واقطيّها متشبّعات و عريضات
صلبة قــــــــوايم مابها كلّ علّه

والذيل شعر الفاتنات الجميلات
اللي لـهن بالــــقلـب عهد وسجلّه


هذي وصوف الخيل ياهل البطولات
و يالله عسى بالوصف مـافيه زلّه



* * * * * *


* القصيدة للشاعر : مضحي عايد الشبرالعنزي ,,


كثيرا يجذبنا ذالكـ المخلوق ويحق له ذالك

لكمـ جميعا كل تقدير واحترامـ ،،،

المصدر: شبكة ومنتديات صدى الحجاج