شور النساء على النساء .. يوردهن المهالك

شور النساء على النساء .. يوردهن المهالك

بسم الله الرحمن الرحيم

السلام عليكم ورحمة الله وبركاته

قصتنا اليوم فيها شيء من الطرافة .. وهي قصة قديمة من التراث ..

كان فيه رجال توفت زوجته اللي كان يحبها بسبب مرض .. وقدر الله وتزوج امرأة أرملة أيضاً كانت تحب زوجها الأول .. لكنها حاولت تعيش حياتها .. ومع مرور الأيام لاحظت المرأة إن زوجها ما يميل لها .. وعرفت إنه لا زال يفكر بزوجته المتوفية .. فراحت تحكي قصتها لوحدة تعرفها .. وشارت عليها صاحبتها إنها تسوي روحها مريضة .. وتختبره .. وطبعاً الزوجة نفذت الخطة و ( عصبت راسها ) .. وجلست تون عنده أول ما دخل البيت .. والزوج بعد ما تأملها عرف إنه تمثيل واختبار لغلاها عنده .. وحس إن التصرف هذا يمس كرامته .. وتذكر زوجته الأولى فأنشد الأبيات هذي :

اللي تون الصدق مرحومة الـروح
انتي تونيـن الغـلا سـدي بابـه

فعلك على قلبي سـواة السكاكيـن
واللـي بقـى بالقلب لا تبحثيـنـه

من عقبها قلبي من الهـم مجـروح
ودمعي على خدي سـواة السحابـة

بيني وبين صويحبي عِشرة سنيـن
ومعك ترى نفسي بهم وسجينـه

ما من ورى كثر الحسوفـات مصلـوح
وصفي كما شايب تمنـى شبابـه

احرص على ديني وفعل الردى شين
يارب تلهمنـي الهـدى والسكينـة

يا بنت يوم إنك بوجهـي تمهزيـن
فعايلك يـا بنـت ماهـي بزينـه

قومي تراك مطلقة يا أريش العيـن
كفـي توالـي الهـرج لا تلحقينـه

أحست الزوجة بإهانة كرامتها .. وفكت العصابة .. وقالت :

هات الثلاث وخل عنك التزفات
كلن على فرقى خليلـه يونـي

إن كان تبكي لك على فايتٍ فـات
فجروحِ قلبي من خليلي تونـي

قلبي معه ما تفيد كثر الحسوفات
ولا فادني يا ناس كثر التمني

يالله يا عله في منازل رفيعـات
وسط الجنان مكيف ٍ ومتهنـي

ما عاد أجمع لو قران التحيات
دايم افكر فيه واقرع لسنـي

القلب يفضح لو تماديت بسكات
ولو ما نطقت عيوني اللي حكني

كلن يبي يلقى نصيبه ولا فـات
لو كان فيك اليوم قد خاب ظني

ما رأيكم بتصرف الزوج ؟ .. أليس فيه إهانة لزوجته ؟ ..

وهل تصرفها فعلاً فيه إهانة لكرامته ؟ ( يا بنت يوم إنك بوجهـي تمهزيـن // فعايلك يـا بنـت ماهـي بزينـه )

المصدر: شبكة ومنتديات صدى الحجاج