خربشات قلم

خربشات قلم

زارتني بعد ما قتلتني

وقالت لي عوود


كيف أعود

والحزن رسم في وجهي حدود


كيف اعود

وانا الصاحي وكل من حولي رقود


كيف اعود


والهجر خلاني مثل هالعود



كيف اعود

وأشعل هالشموع

كيف اعود

وأمسح هالدموع

كيف اعود

وانا اصلا فيك مخدوع

كيف اعود

وأرجع للفرح

كيف أعود وانا قلبي انجرح

كيف اعود وانا ادري ان الوفا خيال

كيف اعود وانا اسري فيك طال ياما طال

كيف اعود وعمري مضى

كيف اعود وحزني فضا

كيف اعود وعشقي قضا

كيف اعود وارجع للحزن واعود

كيف اعود واحساسي فيك مفقود

كيف اعود واعزف هالوتر

كيف اعود وانا قلبي انفطر

كيف اعود وانا مليت من كثر النظر

اناظر في الوجيه يمكن القاك صدفه

اناظر في العيون يمكن المح طرفه

اناظر في الكفوف يمكن اشوف كفه

اناظر

واناظر

واناظر

لين انعمى شوفي

وملت الكلمه حروفي

واحرقت نارك في صوفي

ووقفت لحالي بردان

اناظر في القمر هيمان

يمكن القا دفا

واتخيل وجهك في القمر

واضحك ودمعي منهمر

واسكت وانا منقهر

ليه تركتيني جاوبيني بأمانه

وليته فادك اللي ذبحتيني من شانه

كل همك ترضي غرورك بالسحاب

وانا ادري مايملا عينك غير التراب

ابعدي عني وخلي غرورك ينفعك

ابعدي عني واندبي غرورك اللي ضيعك

ابعدي عني وابكي حظك اللي ما وقف معك

ابعدي وخلي خاطري المكسور

ضيعت عمري وانا ادور له جبور

ولا فاد فيه طب دكتور

دكتور يادكتور وربي حالتي حاله


خاطري مكسور والهم شد فيني رحاله

ماشفت في عمري مسره

ولا لقيت في ليلي نور

قلبي تعب وزرد الهم ضره

وبيني وبين الفرح الف سور

احيان احس اني برا المجره

واحيان احس اني مقبور

الحب احيان احسه ذره

واحيان يجرفني وانا به مغمور

احيان اشيل دنياي مثل جره

بيدي اكسرها واجمع الكسور

دكتور قلي اذا حالتي خطره

وارحم عذابي تكفى يادكتوووور

تبسم بوجهي وكن قولي سره

وقال ياولدي هذه الدنيا تدور

بس انت لانك لهالحين علفطره

ظلٌمت دنياك ولا قد شفت نور

اللي نساك ابيك تنساه من بكره

وابيك من راسك لساسك غرور

وافتح عيونك تشوف الف مهره

تلبي نداك وانت مابك قصور

وقمت من نومي على حين غره

قمت وانا من حلمي مسرور

لأن حبيب عمري اللي انا انتظره

انكسر من فراقي مو انا المكسور

المصدر: شبكة ومنتديات صدى الحجاج