حكاية بليبل الصياح

حكاية بليبل الصياح

حكاية بليبل الصياح هي حكاية من حكايات التراث الفلسطيني جيلا بعد جيل واليوم يا اخوتي في هذا المنتدى الرائع اود ان احكيها لكم واتمنى ان تنال اعجابكم:
كان يا مكان في قديم الزمان ملك في هالبلاد وهالملك كان بحب يتفكد احوال شعبه وفيوم من الايام خرج باليل مثل عادته تعب الملك وقرر يرتاح تحت شرف بيت ,وهو كاعد سمع ثلاث بنات بيحكن اولى بتكول نفسي اتجوز طباخ الملك حتى كل يوم يطبخ الى اكل زاكي والثانية بتكول نفسي اتجوز الحلونجي تعي الملك حتى يطعمى ازكى الحلويات والثالثة بتكول نفسي اتجوز ابن الملك.سمع هالملك الخراف روح عالقصر.
والصبح نادى وزيرة وكالوا جيب هذولاك البنات جابهن الوزير وسالهن الملك بدكن تتجوزن الطباخ والحلونجي والامير رح جوزكن ,والله ما سدكن وطارن من الفرحة.
اتجوزت الكبيرة من الطباخ والوسطى من الحلونجي والصغيرة من الامير.
صارت سنة ومرت الامير كنه الملك جابت ولد كامن خواتها الكبار من الغيرة اتفكن مع الداية حتى تبدل الولد ببسة وينطينها كرشين وبدلت الداية الولد ببسة وانطتهن يعني لخوات الاميرة الولد.
سال الملك: شو جابت كنه الملك.
كالت الداية:بسه.
كال الملك:بسة.
وبعدها بسنة حبلت الاميرة وجابت ولد وبرظو اتفكن خواتها مع الداية يبدلن الولد بس هالمرة بجرو وبدلن الولد بجرو واخذنه.
سال المكم:شو جابت كنة الملك
كالت الداية: جرو.
كال الملك :جرو.
وبعدها بسنة حبلت الاميرة بس جابت بنت وبرظو اتفكن خواتها مع الداية يبدلن البنت بس هالمرة بحجر وبدلن البنت بحجر واخذنها.
سال الملك :شو جابت كنة الملك.
كالت الداية:حجر.
كال الملك:حجر.
كام زهك منها الامير وقرر يهجرها,اخذن خواتها الاولاد وحطوهم بسلة وحطوها بالنهر وصلت هالسلاة لبت ختيار وختيارة وكالوا:احنا الله ما طعمنا بولاد بدنا انربيهم مثل اولادنا,وكبروا هالاولاد والاولاد صاروا كويين والبنت يا صلاة النبي مثل شمس الضحى.
وكانت البنت اذا بتعطيت والدنيا مشمسة بتمطر الدنيا واذا بتظحك والدنيا بتمطر بتشمس.
وفي يوم من الايام ماتو الختايرة ودشروا وراهم مال كثير لهالولاد.
وقروا يشتروا قصر جنب قصر الامير ابوهم واشتروا.
ومرة من المرات طلعوا اخوت البنت وتركوها,كامت اجت عنده خيارة كالت الها قصركم بجنن لاكن ناقصو بليبل الصياح.
لما اجوا اخوت البنت صارت تعيط بدها بليبل وقرروا اخوها الكبير اروح على الغابة ويجيب لاخته الحلوة بليبل الصياح, وانطى اخوا الصغير الخاتم وكال الو اذا اذيك الخاتم على اصابعك اعرف انو انا بخطر.
وطلع هالولد عل الغابة وفي الغابة شوف غول كبير كال الغول:السلام عليك يا غول.
كالو الغول:لولا سبك سلامك كلامك لفصفت لحمك كبل عظامك؟
كال الغول لاولد شو بدك :بتكدر الدلني وين بليبل الصياح .كال الغول للولد:روح عند اختي في اخر الغابة وارظع من بزها اليمين ورايح تحميك وتوديك لعند بليل الصياح.راح الولد لاخر الغابة وشاف اخت الغول ,ورظع من بزه اليمين .كالت الغولة:مين رظع من بزي اليمين بصير مثل اسماعيل ومين رظع من بزي الشمال بصير مثل ابني عبد الرحمن.كال الها الولد انا كامت شالتوا وحطتوا بكلة في راسها لما رجعوا اولاد الغولة كالولامهم يما شامين ريحت انس كالت الهم هاي رظع من بزي اليمين وصار مثلك يا اسماعيل خذوا يما ووديه لعند بليبل الصياح.اخذو الغول اسماعيل وحطوا بكله على راسه وكالوا رح اوخذك لعند بليبل الصياح ورح يجي باليل ورح اكول 3 مرات ان بليبل الصياح مين يكول انا؟تردش عليه.وبعدها بنام يتخوذه. واذا رديت عليه بينفخ عليك وبتصير حجر.راح الولد لعند الشجرة الي بوكف عليها بليبل الصياح ,وباليل اجى بليبل الصياح وكال انا بليبل الصياح مين اكول انا, اول مرة مردش عليه ثاني مرة مردش عليه ثالث مرة رد عليه.شافوا بليبل الصياح ونفخ عليه وصار حجر.كام اذيك الخاتم الي في اصابع اخوه عرف انو اخوه في خطر ,لحكوا وراح على الغابه وشاف الغول وصار معه مثل ما صار مع اخوه ووداه الغول الصغير لعند بليبل الصياح وكالوا تعملش مثل والا بصير فيك مثله وبتتحول لحجر.في الليل اجا بليبل الصياح وكعد يكول انا بليبل الصياح مين يكول ان 3مرات ماحدا رد عليه نام بليبل واجا بسرعة الولد واخذ بليبل الصياح زكالوا انفخ على حتى يرجع مثل ما كان ,نفخ بليبل الصياح على الولد الكبير,ورجع مثل ما كان, ورجعوا عند اختهم وحطوا بليبل الصياح في قصرهم.

وفي يوم من الايام اخذوا بليبل الصياح معهم على الكهوة وبالصدفة كان كاعد المير هناك.
صار يكول بليبل الصياح عمركم شفتم كنه الملك بتخلف بسه وجرو وحجر .وفي وكتها حكى بليبل الصياح للامير قصة اولاده وشو عملن خالاتهم.
وعاشوا بسلام وامان.
*ملاحظه الحكايه باللهجة الفلسطينيه الفلاحه.
شوفوا اذا اعجبتكوا القصة انا ما عندي مانع اخرفكوا كل مره وحده .

المصدر: شبكة ومنتديات صدى الحجاج