واعدنى يا بحر

واعدنى يا بحر

كذب من قال موج البحر خاين والبحر غدار
وانا في عيني امواج قبر .. وادفن بها اسراري


لك الله يابحر من وين جبت الصبر ياصبار
وانا صبري عجز لايكتم اللي شفت بأقداري


انا يابحر همي ساحلك .. والمركب الدوار
يسوق الموج للمينا وتصدم في صخر ظاري


انا مدك وجزرك والهوي والليل والانوار
طلبتك يابحر .. نزل شراعك واسمع اخباري


انا شلت الغرام اللي سنين العمر به تحتار
وتهت وضعت بين المستحيل .. ورغبه اصراري


سريت الليل انا يابحر كن النجم لي سمار
ووصلت لشطك الظالم ولا ادري وين مشواري


وعجزت اغلق شبابيك الحزن وارخي عليها ستار
واخاف الشمس تفضحني نهار يشوفني جاري


سبحتك لين سموني بعدك (بـ فلان ) البحار
تعال وعوم فيني .. شوف لولوي ومحاري


تعال وشوف اثر عصفور سطح الماء فزعه وطار
ودور لي هنا ضلع تواري .. وين متواري


توارت قبله دموعي عن الجلاس والانظار
وتوارت قبله احلامي وعاشت خارج اسواري


سرت الليل واثر الليل ناوي يفضح الاسرار
واثاري كل ليل مرني من فرحتي عاري


انا مااذكـر من الرحله سوي دمع هما مدرار
ومجداف رميته في ظلامك جيت به ساري


انا غصن ظلمه الوقت ماعدت عليه امطار
رداة الحظ خلتني اعيش اطار اثاري


انا ادري مابيدينك تعطيني عليه اقرار
وانا ادري ان السكوت ارحم من الشكوي لجزاري


انا جيتك ابي اخمد علي شاطيك بعض النار
واثر حالك مثل حالي تعاني الجرح وتداري


بحــر .. بالله توعدني وعد .. لاتفضح الاسرآر
يهـون المـوت بأمواجـك ولاتتشتـت أسـراري


كذب من قال موج البحر خاين والبحر غدار
وانا في عيني امواج قبر .. وادفن بها اسراري


لك الله يابحر من وين جبت الصبر ياصبار
وانا صبري عجز لايكتم اللي شفت بأقداري


انا يابحر همي ساحلك .. والمركب الدوار
يسوق الموج للمينا وتصدم في صخر ظاري


انا مدك وجزرك والهوي والليل والانوار
طلبتك يابحر .. نزل شراعك واسمع اخباري


انا شلت الغرام اللي سنين العمر به تحتار
وتهت وضعت بين المستحيل .. ورغبه اصراري


سريت الليل انا يابحر كن النجم لي سمار
ووصلت لشطك الظالم ولا ادري وين مشواري


وعجزت اغلق شبابيك الحزن وارخي عليها ستار
واخاف الشمس تفضحني نهار يشوفني جاري


سبحتك لين سموني بعدك (بـ فلان ) البحار
تعال وعوم فيني .. شوف لولوي ومحاري


تعال وشوف اثر عصفور سطح الماء فزعه وطار
ودور لي هنا ضلع تواري .. وين متواري


توارت قبله دموعي عن الجلاس والانظار
وتوارت قبله احلامي وعاشت خارج اسواري


سرت الليل واثر الليل ناوي يفضح الاسرار
واثاري كل ليل مرني من فرحتي عاري


انا مااذكـر من الرحله سوي دمع هما مدرار
ومجداف رميته في ظلامك جيت به ساري


انا غصن ظلمه الوقت ماعدت عليه امطار
رداة الحظ خلتني اعيش اطار اثاري


انا ادري مابيدينك تعطيني عليه اقرار
وانا ادري ان السكوت ارحم من الشكوي لجزاري


انا جيتك ابي اخمد علي شاطيك بعض النار
واثر حالك مثل حالي تعاني الجرح وتداري


بحــر .. بالله توعدني وعد .. لاتفضح الاسرآر
يهـون المـوت بأمواجـك ولاتتشتـت أسـراري

المصدر: شبكة ومنتديات صدى الحجاج