الامل ضايع..ولكن..الاماني مو حرام

الامل ضايع..ولكن..الاماني مو حرام

ضاق صدري و رحت افضفض قاصد ٍ نفس الرصيف !
شفت نــور الحــي زايــد و آنـا خـبري بـه ظـــلام

و الغريب إنـه خفـوقي زاد نبضـه .. مـدري كيف !!
كني طفل ٍ .. يبكي .. خايف .. ضايع ٍ وسط الزحام


اثْرها كانت وراي .. و الضياء ما كان طيف
قبـل ما أوقف و أسلّم .. قلبـي المشتـاق قــام


ما طـرى في بالي إلا (يا بَخَت من لكـ وليـف )
عينها بعيني .. و نظرة .. رجعتني كم عام


فجأه شفت أشجار تخضر و هْيَ في عز الخريف
و هـذا هـو حـال المفـارِق يــوم يطري له الغــرام


يبتسم .. يشبه بشوقه .. للنظر شخص ٍ كفيف
الأمـل ضايـع .. ولكـن .. الأمـاني مو حـــرام



الثـوانـي تمـر و تمضـي .. أشهــــد إن الوقــت سيـف
فجأه قالت ( كيف حالكـ ) قبل ما أرمي السلام !


كنت أحسْب إني قوي .. لين إكتشفت إحساسي زيف
ما عرفت أنطق بكلمة .. شاعر و خانه الكلام !!!


كيف أقـول إنـي بخـير و بـاين بقلبـي النـزيف ؟
و المـلامـــح بـان فيـهـا عـيـن .. ما عـادت تنـــام

مرتبكـ .. واقف .. و ساكت .. أنفض غبار الرصيف
بالعجـل هـزيت راسي . . ( يعـني أخبـاري تمـام ). . !!


و إنسحـبت بْـلا تـردد لأني إنســان ٍ ضعيــف
و القوي لا شاف موته .. يوم يضعف ما يـلام ..!!

المصدر: شبكة ومنتديات صدى الحجاج