***يمه***

***يمه***

يمه …شعر للشاعرة البحرينية / بنت الرويعي __________


راح الليل يا يُمه,وغابت نجمة الأحباب

وذابت شمعةٍ ظلت,سنين طوال تضويني

عز الوقت بافراحه,وطالت غيبة الأحباب

ماظلت في هالدنيا ,غير اِيدن تعطيني

تبقى دعوتك يُمه,بشاير خير يَمْ الباب

وتبقى شمعتك تضوي,زوايا الدار في عِيني

كان الحبْ يغشيني,يعطيني أمل كذاب

يجري خافقي والقى,حنانك حيل يشفيني

وليغطى ظلام الليل,واستاحش قمرنا وغاب


يكفيني سنا عينك,ينَّور كِل ما فيني

ياريحة هَلي وناسي,ياسدره ثمرها طاب

يا غيمه غدت تِمطرْ ,مزون الشوق وترويني

ودي أملك اللحظة,وارسم فرحتي بكتاب

واهديك عمري الباقي,رسالةْ شُوق بِيديني

ودي احضن كفوفك ,واشري غفوة الاهداب

واشرب من رضا عِينِكْ,دمع يَسقي بساتيني

راح الليل يايُمه,والغلطه عمرها شاب

غفري زلتي يُمه,مناي اِنك تعذريني

وسلامتكـــــــــــــــــــــــــــــــــــــــــــ ــــــــــــــــــم ,,,,,,,,,,,,,,,,,,

المصدر: شبكة ومنتديات صدى الحجاج