شاطرين ..

شاطرين ..

قبل ايام ليست بالكثيرة .. جاء في الاخبار .. قامت سرايا العقبة بعمل جولة لوكالات الانباء والصحفيين في مشروع سرايا العقبة .. وبتوع السرايا عن جد .. شاطرين
مدير السرايا قال مما قاله ..ان المشروع وان تأخر كمن شهر فهذا لا يؤثر عليه ابدا ولا يمس بمصاقيتة او مصداقية الشركة التى تنفذة بقيمة مليار وكمن مليون ..والسبب في التأخير هو ارتفاع اسعار مواد البناء ... وطبعا كان لابد لمدير المشروع ان يحملنا جميلة بقولة ان العمالة في المشروع هم من الاردنيين وان المقاولون المنفذون للمشروع هم اردنيين طبعا من خلال سعودي اوجيه المقاول المنفذ والوحيد للمشروع .
طبعا الجولة شملت كافة الاقسام وتضمنها غداء عمل ويمكن توزيع الهدايا على الحضور ....
*****
وجاء في الصحف بعد كمن يوم من الخبر اعلاه ... ان شركة سرايا العقبة ياها تقوم بالتفاوض مع ائتلاف بنكي للحصول على تمويل لانهاء العمل بالمشروع ...
انتهى الخبر ..
ما شاء الله ..
يا سادة يا كرام .. هاولاء شاطرين كثير في فتل مخنا .. وفي الظحك على ذقونا ..

افهم..... كيف مشروع متأحر ست سبع شهور .. ويقولون لنا هذا غير مهم ما بأثر على المشروع ..
طيب اذا مقاول يقوم بتنفيذ مشروع للحكومة وبتأخر يومين بلعنو سنسفير ضهر الي عقبة ...
طيب لشو هالجولة اذا كانت الامور بخير.. لشو هالرعط الي مالو ملزوم ...لشو القرض البنكي .. وليش التاخير .. شكلكم كاينين نايمين سته سبع شهور....
ولشو الحكي انو المقاولين اردنيين .. والعمال اردنيين .. يعني تحميل جمايل .. ما احنا عارفين انه من دهنه قليلو .. يعني المشروع لبناني .. والمقاول لبناني .. باسم سعودي .. علشان الهيبة قدام الناس ....
اذا كان العمال اردنيون يا اخوان .. طيب من وين اجونا البنغالديش.. بالمئات .. ولمين سكن البنغال بمنطقة المعامل .. ليكون فاضي .. او بربو فيه غنم ..
طيب فرجوني مقاول واحد اردني شغال بالمشروع .. .. لا يوجد ولا حتى عامل مصري واحد .. ليش لانه البنغالي بمية دولار لا غير .... يعني ارخص من الرخاصة ...ومن الفجل تبع الحفاير ابو ضمة بشلن ...
وبعدين اذا كان المشروع بخير لشو التفاوض مع لبنوك علشان الحصول على قرض بنكي ..
وين راح ثمن الفلل والقصور والشقق التي تم بيعها على المخطط قبل ضرب اول ضربة فأس ...سلفا قبض المستثمر قبل ما يحط تعريفة بالبلد ... قبض من برجوازية البلد ... وشكلو حلقلهم .. بستاهلو ....
وبعدين شو هالمستثمر الي اخذ الارض بحال البلاش باجمل واغلى منطقة بالعقبة .. وطلع مشطوب ومفلس .. يعني جاي يستثمر بمصارينا وفلوسنا .. شو هالاستثمار المستوي .... ارض مجانا وبحرثو بمصاري البشر والبنوك بتدفع من مصارينا .. يا حبيبي .... على هيك فن ...
وبعدين .. كيف انه المشروع تأثر وتأخر بسبب ارتفاع اسعار مواد البناء .. يا عمي .. لما بلش المشروع كانت اسعار مواد البناء حينها اكثر منها اليوم ... كان طن الحديد بالف نيرة .. اليوم الطن بخمسمية شامل الضريبة ... وبعدين هاي مشكلة المقالو مش مشكلة الناس ... ارتفعت الاسعار .. او نزلت .. لما تنزل مهو المقاول بعبي جيبتو ليرات ... ساعتها بدو يوزع على الناس .. ناقص يقول النا انه بدفع ضرايب ...
بصراحة .. المشروع لانه غلط ولفلفة من تحت لتحت .. وكمان مليان عنصرية .ولبننة وسعدنه .. ودبرني لادبرك ....... ومليان تهليس وتدليس على الناس ..واقع واقع ...
وبالعربي الفصيح ما بدنا هيك مشاريع .. شغل فلل واماكن فساخة .. وغيرها ..بدنا معامل ومصانع علشان الايتام والارامل والعاطلين عن العمل يعيشو .. قرفتونا كذب ..
شاطرين كتير بالخرط واللفلفة .. شاطرين كتير بالتصريحات ... بس مش شاطرين باقناع الناس ولا اقناع انفسكم ...
شبعنا خرط.

المصدر: شبكة ومنتديات صدى الحجاج

ااااااااااااااااااخ يا ابو قنوه دايما بتحط ايدك على الوجع
.

هو في مقاولين اردنيين كثير بالمشروع بس صغار كثير، يعني مقاول يجيب مي بتنكو العوايه.
او طوبرجي معه ست سبع عمال وعامل معلم.
او واحد بنقل تراب بقلاب مفرهل.
والادهى من هيك انهم قبل فتره بلغو المقاولين الكبار ان الواحد يشتغل على قد المواد الي نزلهم بالمشروع وما ينزل غيرهم
علشان الازمه الاقتصاديه وانهم ما بعرفو شو بدو يصير وهيك بتحكي بدورو على قروض وتسهيلات.
انا عارف والله ملاخمه.
.
.

هيك عارف ...طيب .. قطر علينا من بلاويهم شوي ..شوي.

	بسم الله الرحمن الرحيم شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية .

اشكر لك كلماتك الجميلة ..
بارك الله بك ...

وما زال العمل اعرج

فعلاً ما هو الا كذبة كبيرة هي جارنا مهندس بشتغل معهم و هيهم روحوه عشان ما في شغل حرمنة عينك عينك

اصل الاستثمار .... نهب شفط ولهط ...........الخ

شكرا للمرور الطيب