مسألة قيادة المرأه للسيارة

مسألة قيادة المرأه للسيارة

مساء الخير ( هادا السمايلي .. كنفخة الحكام العرب خنطأ منطأ ! )
دخلت كم منتدى أردني .. لئيت على الأقل بكل منتدى عام فيها ثلاث مواضيع على الأقل بتحكي عن قيادة المرأه للسيارة في السعودية .
هادا ومنتدى اردني ، شلون لو دخلت منتدى سعودي !
حكيت يلا الكل بحكي اجت عليكِ يا علوش احكي يختي انتي التانيه
~~~
هلا الموضوع بلا شك بيحكي عن قيادة المرأه للسيارة بالسعودية ،
يعني مو عن قيادة المراه للسيارة بحد ذاتو ، وطبعا هناك فرق
واحنا مو سعوديه اخزي العين بس من باب قلوب دول الخليج على بعض نازلين نفتي فيها
~~~
هالموّال بننظرلو المفروض كما تقول علوش حماها الله
من بابين :
باب نظامي .. وباب شرعي ،
النظامي بيتعلق بخصوصية هالمجتمع السعودي ، وقانونه تجاه هالؤصه
هلأ الأطفال تحت سن 18 سنه ممنوع يقودو السياره مو ؟
هادا قانون .. ما حدن الو انو يطلع عنو ،
بالسعوديه القانون المتعارف عليه ضمنيا ، شنو ما بعرف ان في نص قانوني صريح يعني ..
لكن المعروف انو المرأه لا يجوز لها ان تقود السياره
من باب قانوني نظامي يا جماعه ما دخلنا بالشرعي لسه
فانو مجموعة نسوان يلمن حالهن يحكن باليوم الفلاني بدنا نركب السيارات بالخاوه ( كما مجموعة ناويه هالنيه ابصر فين ع الفيس بووك )
كمتل مجموعة اولاد بالصف الخامس يحكو باليوم الفلاني بدنا نركب السياره ( لا نساوي المرأه بالطفل نساوي الفعل بآخر انو خرق قانون )
الثنين متجمعين منشان يخرجوا عن قانون ، بنحكي بخصوصية هالمجتمع ركزوا معي بحكيش عن الأردن ولبنان انا
فهادا غلط
وخرق للقانون وان كان القانون الاجتماعي الموروث ، قبلنا ولا ما قبلنا هيك الواكع العدل واجب ، واذا قلتم فاعدلوا .
ما بيسير التطاول على القانون لان بيسير اي حد بدو شي بيخصو يلململو جماعه ويتظاهروا ويخرقوا القانون ، وهنن البعض بالسعودية عم بيعتبرو هادا بيطيح بهيبة القانون السعودي وخصوصية مجتمعه .

هلأ هادا الجانب النظامي ،

طيب والجانب الشرعي يا علوش ؟
شو بعرفني انا شيخ ؟
طب شوي شوي رايك الشخصي بس شه وك مالك معصبه علينا
طيب راي شخصي ماشي موافئة
نازلين نفتي وكأنا شيوخ والله لا وعما بنتطاول عالشيوخ خخخخخخخخخخخ دحريشنا اقوى نوع
مصايب هاي
ما في اي نص لا في القرآن ولا في السنة بيحرم قيادة المرأه للسيارة . بنحكي بشكل عام مو عن السعودية اكرر للتأكيد
وسائل النقل كانت موجوده عأيامه صلى الله عليه وسلم ، وركبنها النساء وقتها ، وفي حديث له صلى الله عليه وسلم ولن ادخل في تفسيره هو لا يتعلق بالموضوع ولكن يشير انهن ركبن الدواب : " خير نساء ركبن الابل " .
ما في اي نص بيحرم انو المراه تركب سيارة .
والشيخ الألباني ، يقول : انو بيجوز للمراه تقود السيارة شنو استر اساسا من ركوبها للدواب ،
وعلى فكره كل العلماء اجمعوا انو جائز للمراه تركب الدواب
هلأ بما انو ما في نص تحريم .. فالأصل انها حلال
فلو كانت حرام ، لحرمها صلى الله عليه وسلم وقتها .
~~~~
طيب وهلأ بهالؤصه يا علوش شو الخلاصة ؟
في بلاد عربية مسلمه كالأردن النسوان بيسوئن الهن سنين وعادي
هادا ما الو انو ندحشو بهالؤصه شنو هي محصوره بالمجتمع السعودي
المرأه بالسعوديه بتسوئش سياره بشكل اعتيادي وصريح

الحلال والحرام صفى مو بمسألة قيادة المرأه للسياره بحد ذاتها
بل بخصوصية المجتمع ، والخروج عن نظامه والاطاحه بهيبته ، ومفاسد ممكنة انو تترتب على هالؤصة .

هلأ لا يجوز نحكي هالطرف صح واصاب ( اللي مع قيادة المرأه للسياره وانا منهم وفي شيوخ افاضل معنا )
وهالطرف متشدد وظالم ( اللي ضد قيادة المراه للسياره وفي منهم شيوخ للأسف توسعوا بوصف المرأه بالفسق ان فعلتها ) ،
شنو مسأله خلافية اجتهادية سارت
علما افاضل بيوافئو
وعلما بيرفضو
المسائل الخلافيه لا يجوز ان يحتكر طرف انو رايه صواب والطرف التاني خطأ
مو حرب اهليه هي عزا ولا حرب فكريه وتغريب مجتمع وهالؤصص
هي مسأله خلافيه بين هالعلماء بتتعلق بخصوصية نظام ومجتمع
الفتاوي اللي عما بتحرم على المراه تركب هالسياره وتسوئها يعني ، لا تلغي وجود خلاف ووجود طرف يحلل هالموضوع

هالشيوخ سلفيه ما بيسير نحكي هادا ليبرالي ، هلا الألباني ليبرالي ؟
ولا نحكي متشددين وظالمين .. لا وبنغلط فيهم عمالنا وهنن علما عما بيجتهدوا
الاختلاف معناتو انو رأيّ لا يُلزِم الناس ، ورأيهم لا يُلزِمُني ، صفت مسألة تقديرية

واللي بيحكوا هاي فتنه وبدو يسير فساد ، وعما يحكوا حيتدمر المجتمع ان المرأه خرجت لقيادة السيارة
وان النسوان بؤرة فساد وحيدخلوا الرجال جهنم ( عأساس الرجال ملائكه اخزي العين )
لا نذهب للغيبيات ونشق لنرى ما في الصدور
اللي بدو يسير من الغيبيات .. ومش كل النسوان بؤرة فساد
والى ان يقتنع النظام بأهمية هالموضوع وحاجة ضرورية للمرأه الصحيح ، نتقبل هالخلاف بلا تعنت وتعصب وتتفيه لمجتمع وشيوخه
بس وسلامة تسلمكوا طولنا عليكوا

المصدر: شبكة ومنتديات صدى الحجاج

من وجهة نظري
لو بأيدي اطبق هالقانون بالاردن ما بوفر
صح شكلنا حلو واحنا بنسوق السيارة

بس بنجلط بالسواقه
قسما بالله بس اكون بسوق وقدامي ست بحكي اعوذ بالله منك ومن الي اعطاكي الرخصه
اول شي الشارع الهن مطوب بيع شرا
تاني شي اتمنى من الله انثى تتجاوز ابدأ طيب تعطيك مجال تتجاوز مستحيل طيب يا عمي اعطيها ديم مش مستعده تتطلع بالمراي مسنتره عيونها قدامها وبس

تاني شي بس تشوف سيارة واقفه بنص الشارع وعامله ازمه اعرف انه السايق حرمه
ويا حبيبي عند الدوار بدي مجلدات حكي وبتمرض وانت ماشي وراها
لذلك والله الي اسن هالقانون بالسعوديه انه بيفهم

اقتباس : المشاركة الأصلية كتبت بواسطة ريماس [ مشاهدة المشاركة ]

من وجهة نظري لو بأيدي اطبق هالقانون بالاردن ما بوفر صح شكلنا حلو واحنا بنسوق السيارة بس بنجلط بالسواقه قسما بالله بس اكون بسوق وقدامي ست بحكي اعوذ بالله منك ومن الي اعطاكي الرخصه اول شي الشارع الهن مطوب بيع شرا تاني شي اتمنى من الله انثى تتجاوز ابدأ طيب تعطيك مجال تتجاوز مستحيل طيب يا عمي اعطيها ديم مش مستعده تتطلع بالمراي مسنتره عيونها قدامها وبس تاني شي بس تشوف سيارة واقفه بنص الشارع وعامله ازمه اعرف انه السايق حرمه ويا حبيبي عند الدوار بدي مجلدات حكي وبتمرض وانت ماشي وراها لذلك والله الي اسن هالقانون بالسعوديه انه بيفهم

صباح الريماسه المميزة ،
يعني فكرك بس ربك حكى مباح وحلال المرأه تركب دواب
ما كان عارف حيجي يوم يسوئن سيارات ويعجبن ع الشوارع ؟
بعدين بيخنؤني انا باي اشي بالدنيا : التعميم
اول قاعده انسانية ، واعتقد كونية ممكن الناضج يوصل الها : التعميم من الحمق .
لا يجوز اطلاق حكم عام على كل النسوان انهن حمير سواقه لان وحده تنتين مليون حمير سوائه
ع أساس كل الزلم فنانين ؟
طيب اسألك سؤال : اذكريلي حادث سير مشهور سببه امرأه مو رجل كان قائد المركبة ؟
في ؟
لا فش .. غالبية كوارث الطرق اللي سمعناها من زلم .
~~~
خيتي ،
معي رخصة السواقه من 11 سنه ،
وكان ولا زال في سياره تحت ئيدي متوفره
وابدا ما بفكر سوء السياره بل بطلع بتكسيات او باصات او بخلي حد من العائله يوصلني
المرات القليله اللي سؤت السياره فيها كانت منطئ حوالين بيت وضروريه وسريعه
ليش ؟
لأني بعرف حالي مش خرج سوائه ..
مره شفت بالمراي ولد زغير بسياره وراي بتلاوأ علي
تركت السياره ماشيه ولفيت اتلاوأ عليه
هادا مثال على تركيزي .
وان اشي كبير زمرلي متل شاحنه او هيكت اشي
عادي بخش باللي جنبي تهرب منو
وما بئعود جنب سايئ الا وبيطلع عن دينو مني ئد ما بحكي خفف اوعى دير بالك
بخاف .. بكل بساطة وعارفه حالي مش خرج
لكن يا اختي ؛
هون بالرياض عم بحتاج السياره لضروريات مثال بسيط
ابني مره وئع وفتح دئنو دم فاير
المستوصف جنب البيت سياره خمس دئايئ عشر دئايئ
ابوه مسكر موبايلو باجتماع عمل
ما بعرف حد من الجيران ولا مستعده اطرؤلي باب حد يوصلني ويكونش بالبيت الا زلمه ، ويلا نتعرف !!!
شو الحل يضل ابني ينزف تيروح ابوه !!!
هادا ابسط مثال
السياره سارت للمرأه خيتي ضروره مش بطر ورفاهيه
وما دام الله ما مانع وحرمها
ما يتفلسف البشر ويحرموها عباطه
ويحكو النسوان خيخه
اعلى نسبة حوادث سير بالسعودية
والنسوان ما بيسوئن الزلم همو سبب هالنسبه