الادمان على الصلاة

الادمان على الصلاة

يمكن العنوان غريب ... يعني بعيدة عنا نربط الادمان بالصلاة ... بس ما بعرف ليش اجاني هاد الاسم فجأة

لكن ليش لا؟؟؟... ليش ما ندمن على الصلاة ؟؟؟

انا عن نفسي ما كنت ملتزمة بالصلاة بس من ثلاث سنين التزمت الحمد لله فيها
لكن بتعرفوا شو سر التزامي فيها 100% ... رح احكيلكم السر هو اني أنانية لا تستغربوا فعلا أنانية
اكتشفت انه الصلاة بتقدملي اشياء كثيرة ومن دون مقابل مني
يعني هي خفيفة لطيفة وقتها قليل وحركاتها حلوة ومريحة ...
ولما اكون متدايقة وتعبانه بروح بفش غلي بركعتين بس شو تكون ركعتين بخشوع تام تكون انت وربنا لحالكم وتطلب منه انه يخفف عنك وتدعي وتحكي كل شي بقلبك مع انه ربنا بيعرف كل شي بقلبك بس برضه الاعتراف بريح وخصوصا بالسجود ... هون بصير الادمان على الصلاة بتصير تستنى موعد الصلاة على احر من الجمر لحتى تتخلص من كل اللي بداخلك من هم وغم وقهر بتحس بهدووووووووء و لما تحس بالنشوة والصفاء الداخلي شعور ولا اروع ما بقدر اوصفلكم اياه بس بتمنى الله يطعمكم وتحسو فيه
ولما تدعي وانت بتصلي من كل قلبك وتنزل دموع الرجاء يللي بتحسها بتغسل اللي جواتك بتحس روحك المعنوية فوووووق يعني ربنا معك شو بدك اكتر من هيك !!!

انا بعتبر الصلاة هدية من ربنا فرض علينا نقبلها لانه عادل بدو الكل يحس بحلاوتها عشان هيك هي فرض
يعني اللي ما بصلي بجد شخص بيستاهل انك تحزن عليه لانه بيخسر كل شعور جميل ممكن الانسان يشعره

يعني الصلاة الك بتريحك دنيا وآخرة ...

ملاحظة انا حاولت اكتب بالفصحة ما عرفت بتمنى تعذروني ...المهم الرسالة توصل ومو مهم بأي لغة


وعلى فكرة انا ما فكرت اكتب عنالصلاةبس في عضو بالمنتدى طلب مني اكتب عنه مشان هيك انا كتير بشكره

المصدر: شبكة ومنتديات صدى الحجاج

الله يرضى عليكي دانا الصلاة عمود الدين ومو مهم لغه فصحى والا غيره المهم انه موضوعك حلو وبيدخل القلب قبل العقل

انا مرة سمعت في درس ديني بيحكي لما الانسان يكون يصلي ومتذايق وعنده هم يدعي ربنا بكل جوارحه وبخشوع تام

ولما بتنزل دموعه ازا الشخص شعر بقشعريرة ورجه في جسمه والعلم عند الله انه ربنا استجاب دعائه هو ربنا دائما بيستجيب الدعاء

لكن دعوة المضطر غير

جد الموضوع رائع دانا في ميزان حسناتك حبيبتي

تسلمي ريماس وانت كمان يجعل معلومتك في ميزان حسناتك وانت قلبك كبير مشان هيك الموضوع دخله

جزاك الله خيراً يا دانا
وجعل ذلك في ميزان حسنات يا رب
تقبلي مروري واحترامي

تسلم مشتاق على مرورك

موضوع حلو وغعلا عنوان رائع جزاك الله خير وجعله في ميزان حسناتك

الرسالة وصلت دندون
الله يهدينا اجمعين
موضوعك جدا رائـــــــع

قول الرسول صلى الله عليه وسلم اذا مر عليه أمر صعب قال ....( ارحنا بها يا بلال))
لاشك ان الصلاة أيضاء تنهى عن الفحشاء والمنكر...لذلك المدمن على الصلاة يكون دائما في راحة بال وسكينة لا توصف...
بارك الله فيك دانا وكثر الله من امثالك ...موضوعك دخل والله في القلب
دمت ِ دائما في حفظ الله ورعايته حبيبتي

مي حبيبتي يا اسرار على مرورك الراااائع

مشكورة فلة على الاضافة الحلوة متلك يا فلتنا