الطنط !؟

الطنط !؟

(الطنط): هو انسان مثلك مثله بوكل وبشرب وبنام لكن مشكلته انه لا يعيش من دون 'واكس'!


ظهر الطنط مع ظهور 'المولات', حيث كانت تلك الاماكن سببا في انتشاره, حيث توفر له كل وسائل 'الفياعة' .. 'فالطنط' طبيعته هكذا يحب 'الفياعة' ولا يستطيع ان يعيش من دونها .. طبعا 'الفياعة' أشي مش عيب .. لكن قد تبقى من وجهة نظر مجتمع لا زال يعول على الشباب في 'حتات' الزيتون فيها 'إن'!

من حيث النشأة: عادة ما يأتي 'الطنط' لعائلة يكون فيها الرجل على 'الرف' فينشأ هو في احضان 'الماما' فيتعلم منها : 'ئال وئلنا' و 'الهاي' و 'البليز' و ظلك جر لحد ما توقف عند 'sory' .. ولان حنانها عادة ما يكون زيادة عن الحاجة تجد المسكين قد اصبح من دون قصد 'خوّيفة'!

من حيث الشكل: عادة ما يكون له شعرات مثل 'القنفذ' وملمس ناعم مثل 'الارنب' .. ويستدل عليه بسهولة من خلال صوت 'الخراخيش' و 'الدناديش' التي يفضل لبسها اضافة الى بنطلونه 'الساحل' ..

يعتقد خبراء ان لبس 'الطنط' للبنطلون الساحل يعود فقط الى انه: 'أبيش ناس تقوله أرفع 'بنطلونك' ' .. ويؤكدون ان هذا فقط هو سبب 'السحولة' ولا يوجد اسباب اخرى والدليل ان 'الطنط' عندما يتجاوز مرحلة المراهقة يرتفع 'البنطلون' لديه شيئا فشيئا دون رضوخه لمؤثرات خارجية!

من حيث التسمية: من غير المعقول ان تجد 'طنطا' اسمه عقاب او فلاح او مجحم .. لان تلك الاسماء تصلح 'للفزعة' لا 'للنعومة' التي يجب توفرها في 'الطنط' .. فعادة ما يتم تسميته بأسماء تهمس همس ولا تصدر ضجيجا مثل : سوسو .. ومومو .. ويجب ان نأخذ بعين الاعتبار عند تسمية 'الطنط' معرفة اسم 'البس' الموجود في المنزل حتى لا يحصل تشابه أسماء .

العلاقة مع الحكومة: طالما توفر في الاسواق السنكرز والمارس والواكس وظلت المولات مشرعة الابواب فالعلاقة ممتازة جدا .. اما في حال حدوث تقصير حكومي تجاه مطالبهم فلا خوف من الشعارات التي من الممكن ان يطرحوها حال فكروا القيام باعتصام فأقوى شعار قد يكون: بلا بياخة .. بدنا 'نفيع'!

'الطنطات' هم فئة من فئات المجتمع لهم بعض الخصوصية الغريبة عن مجتمعنا مما جعلهم عرضة - في كثير من الاحيان - للنقد .. لكننا نؤكد ان 'الطنط' عندما يتجاوز تلك المرحلة من 'الفياعة' يعود لطبيعته وكثيرا منهم اصبحوا من قادة المستقبل لا بل ان بعضا منهم اصبحوا 'زقرتات' بنحسبلهم الف حساب!

قد يتساءل القارئ العزيز عن سبب الكتابة عن 'الطنط' .. في لحظة يشتعل فيها الشارع العربي والمحلي بأحداث يجب عدم تجاهل الكتابة عنها . ونجيب بالطبع ان 'طنطا' ما قد يقرأ المقال ويشعر بالذنب فيرفع 'البنطلون ' .. لكن المسؤولين لو تظل تكتب عنهم ليل نهار ما واحد منهم بتنازل يرفع 'التلفون'!

عن العرب اليوم

المصدر: شبكة ومنتديات صدى الحجاج

بالله عليك هاي موضوع ,, تهبدنا اياه
بالله عليك
يعني هلا ,, خلاص المخترة كملت ,, ومسكنا المزبطة

طيب وين اختم بالمزبطة للطنط,,
شو تحكي امو ورفئتو ,,
مو شي بفلــء
شو طنط ,
مين قصدك ,

الشب فيهم بكون حاطط كيلو ونص جل .....وشرطك ...اذا انقطع الجل من السوق بتلاقيش ولا شب في الشارع ......

ان ما كان البنطلون واصل خصره للركبه ....ما
بيلبسو......بتحكيلو ... ولك شو هاد...؟؟؟ بحكيللك والله هبلة
هاي الموضة ....

بيرجع عالبيت الساعة 3 الصبح......واذا بتسأله شو بتعمل كل هاد برا؟؟؟ بحكيلك فايع مع صحابي...هو قصدو (صايع مع صحابو)......

اذا بحب ... بحب بنات عمان كلهم ...البنت وصحباتها واخواتها وقرايبها وبنات جيرانها وبنات الحاره .......و....و.....و....الخ...لحتى يوصل على الحدود ...كل بنت بشوفها الله وكيلك بحكيلها بحبك .....وبححكيلها انتي غير البنات اللي شفتهم .......

في الجامعه كل بنات الجامعه زميلاتو .... هاد اذا مش حاكي لكل وحدة فيهم (زميلاتو) انو بحبها ..... *

في عيد الحب..لازم هي اللي تتصل فيه وتحكيلو (كيفك حبيبي..اذا ما حكت حبيبي معناتو بتكرهو...) وطبعا بتتصل فيه بكون هو نايم بسابع نومه ولا داير عن الدنيا....وبرد عليها بصوت الله مولاه ... اهلين ؟؟شو بدك بتتصلي عالهصبح ؟؟؟ في حدا مدايقك اعملو فزعة......(كل تفكيرهم بالفزعات ..ولما ييجي وقت الفزعه اول واحد بيرجع عالبيت....)

فنانتو المفضلة ....هيفا...ومروة...وروبي..وماريا ...(يعني الشله اللي ما الها داعي)..... 8-اذا بتطلع هي وياه مشوار....كل صحابو بيعرفو...(كيف ما بتعرف ) وازيدك من الشعر بيت...بكون حاكيلهم عن الطلعه قبل بشهر.....


اذا بتسأله معك سياره ...... معك سياره؟؟؟؟ بحكيلك ..اه ب..ب..ب...ب.. بس عملت فيها حادث هداك اليوم ...الله لا يفرجيكي.(وبيبدا يحكيلك قصة حياه اهلو

-لما تسأله عن شغل ابوه .. بيحكيلك كان وزير سابق .....او تاجر سيارات (فراري) بمعرض في عبدون...بالاخر بتسأل عن ابوه بيطلع بيبيع غاز...في

-اما شوفة الحال ...عند شباب البتراء...فحدث ولا حرج ....بتلاقيه ماشي بهالمول ..ومناخيره بالسما....قال يعني مش شايف حدا...... ولما يقعد بيعمل تقرير كامل عن البنات اللي بشوفهم......

- ناهيك عن اسماءهم في البلوتوث....اسماء ما انزل الله بها من سلطان ....اشي اسمو تعبان غرام ...واشي تعبان هيام....واشي تعبان مرشح .....(اوعى ليكون انفلونزا طيور) .....واشي مش عارف شو مالو...

اما الفاظهم....فيا حبيبي.....(ولك عنجد هاي طقع......ولا هاي ولا اشييييي.... بس بلاش بتعرفها ..هاي معها سياره وابن عمها مش عارف شو مالو..... ولك يا زلمة مشان الله ....)..... والفاظ غيرها وغيرها كثير ...بدها قاموس .....لا يسعني ذكرها في هذا السياق......

اما اكلته المفضلة ...فهي معروفة .منسف ...منسف منسف .... اذا بسمع انك حتموت في المستشفى...بحكيلك يلا هيني جاي....بس بينساش يحط كيلو ونص جل ويلبس البنطلون الساحل للركبه.....وبيجيكي بتمختر بيطلع على هاي وهاي اما اذا حكتيلو في منسف...بتلاقي صاروخ ...شو صاروخ لو في اسرع كان وصفتو.... حتى الجل بينسى يحطو......

اذا بتسأله ...وين رحت بالاجازة ....بحكيلك : عالعقبه.....(العقبة ...بلفظ بدوي محض.... يعني بفتح العين والقاف والباء والهاء....)والله رحنا انا وصحابي (الله يهنيه بهيك صحبه ) وانبسطنا كثيييييير...تمنيت لو كنت معي .....عاد هو بكون رايح على مول(حدود مكة مول) .........

بحب البنت يكون وزنها ...70 الى 80 كيلو ....وفايعه كثيييييير ( على قولتو...) شعرها مسشور وطويل واصفر....(صبغة بمشي الحال).....ولابسة جينز ديق وبدي لونو حلو.....ومعاها شنطة سبور وفيها مصاري .......وموبايل فيه بلوتوث....واهم اشي يكون معاها سياره (عشان تطلعو).....وتكون وحيدة امها وابوها ...عشان ما يطلعلوش اخوها بالسحبة..... واهم شي بحبها تكون زنخه زيو ...عشان يشوف حالو على صحابو .......