رسالة من طفلة سورية الى ...رئيس الحكومة

رسالة من طفلة سورية الى ...رئيس الحكومة

عمو رئيس الحكومة الحباب..
أنا اسمي سلمى بيضلو البابا والماما يتخانقوا فوق راسي
وبيضلو زعلانين ومكشرين وعم يتخانقوا على المصاري
وأنا بخاف كتير لما بيعيط البابا وبزعل وببكي كتير لما بتبكي الماما
ياعمو ليش ما بتزيدولهون المصاري شوي
لحتى يشترولنا بندورة وبيض وتطعمينا الماما جظ مظ ( هي أكلة خليط من بندورة وبيض وبصل )
أنا بحب الجظ مظ كتيروبحب اللحمة بس ما بيشترولي ياها أهلي إلا قليل

مبارح ياعمو أخي محمد كان مرضان كتيروالبابا اخدو على المستشفى بنص الليل
الماما كانت عم تبكي ولما رجع كمان تخانق البابا والماما على المصاري
وعيط البابا كتير وقلها من وين بدي جيب حق الدوا بنص الليل
وأخي سخن كتير وأنا سهرت جنبه وحطيت مي باردة على راسو
والبابا كان عم يستنى يصير الصبح ومن بكير دق على باب الجيران واخد منهون مصاري ليجب الدوا..
أنا يا عمو زعلانة كتير منك لانو سألت البابا من وين بتجيب المصاري قلي من الشغل
قلتلوا ووين بتشتغل.. قلي عند الحكومة..
وأنا شفت صورتك مبارح بالتلفزيون معك كتير عالم عم يزقفولك وأنت وعم تقص شريط..
وسألت الماما عنك وقالتلي هادا رئيس الحكومة..يعني أنت رئيس البابا بالشغل
قلت لأبعتلك هل الرسالة بلكي بتعطيه للبابا مصاري أكترلأنو البابا بيستاهل وبضل يقول للماما انو تعبان من الشغل وبيشتغل بالليل..
وبشوفوا عم يقرا ويكتب على وراق كبيرة اسمها ددابير (اضابير)ـ بيجيب ددابير وبياخد ددابير.. وبيتأخر كل يوم على الغدا..يعني بيشتغل كتير..
ليش ما عم تعطوه مصاري..
حرام يا عمو البابا حرام أنا بحبو كتير وبس أكبر بدي اشتغل وساعدو وأصرف على أخواتي..بس ما رح اشتغل عندك بالحكومة..
بدي صير شرطية مرور متل جارنا أبو فيصل كل يوم بياكلوا لحمة..
أو بدي صير مسؤولة متل أبوها لربا عنا بالمدرسة..ويصير عندي سيارة وشوفير..
أنا كل يوم يا عمو ! برجع مشي والبيت بعيد..وبخاف كتير وأنا عم قطع الشارع كلو سيارات..
مرة وأنا وصغيرة لما سألتو للبابا ليش ما عنا سيارة...؟؟
ضحك كتير وبعدين حاشني وبكي وبكيت معو وما فهمت شي..وبعدين لما كبرت عرفت أنو السيارة بدها مصاري كتير والبابا مامعو..
وأنا هلأ عم جمع مصاري بدون ما قول للبابا بدي اشترليوا سيارة..صار معي 13 ليرة ورح ضل صمد ليصير معي مصاري كتير..
يعني شي 50 ليرة واشتري لبابا سيارة..ليوصلنا على المدرسة ويجيب الماما من الشغل الضهر..لأنو الماما كمان عم تتأخر كتير..أولت مبارح نطرتها أكتر من ساعتين أدام الباب بهل البرد..وكل ما بسألها ليش بتتأخري بتقلي اسألي يلي عمل العطلة يومين..
بس ما يكون أنت يا عمو اللي عملت هيك..حرام عليك الماما عم ينشغل بالها علينا كتير..وما عم تلحق تعملنا غدا..وأنا عم ابرد كتير بالشتي..
مع أنو الماما عم تلبنسي كنزة أخي محمد لما كان صغير تحت الصدرية..بس ما عندي جاكيت والبابا صار بيوعدني من تلات عياد يشتريلي جاكيت..وما اشترالي بآخر عيد شي..
وأنا قلت لحالي حرام وما ذكرتو..يلا بس أكبر بدي اشتري لبس كتير..واشتري لفحة وطاقية صوف كمان وكندرا زهرية وكولون أبيض جديد..لصير أميرة وأتجوز أمير..
وبدي اشتري تخت زيادة لانو اخواتي عم يحشروني كتير بالتخت يلي عم نام فيه..وبدي اشتري لعبة فلة من عند سبيس تون..وبدي زفت الحارة..وركب حنفية فيها مي للشرب..وبيت ما بتنقطع الكهربا فيه..وبدي اشتري بيضة يلي فيها لعبة عرفتها هي يلي بتطلع بالتلفزيون
وبدي اشتري للبابا موبايل وللماما سوارة.. يالله أنا بحب الماما كتير..الماما كتير زعلانة.. مبارح بالليل قعدت جنبنا ونحنا نايمين بالتخت تطلع فينا وتبكي..شفت دموعها من تحت اللحاف..كنت عاملة حالي نايمة.. غطيت راسي وبكيت..يمكن سمعتني.. شالتني من التخت حاشتني..
الماما بتحبني كتير..والبابا بيحبني كمان أنا أصغر وحدة بين أخواتي..امبارح اشترالي صندويشة شاورما طعميتوا منها لقمة.. بس قلي لا تقولي لاخواتك..بس أنا اشتهيتلون ياها كتير..وهي شغلة كمان بدي اعملها بس اكبر بدي اشتري لاخواتي شاورما من عند عمو البياع ..
شوف يا عمو مبارح وأنا عم رتب البيت شلت صباط البابا وشفتو مبخوش..ويمكن صرلو زمان عم يلبسه هيك..وإذا بدي قلو يشتري واحد جديد بدو يقلي ما معي مصاري..والبابا موظف بالجامعة..وعيب يروح على الجامعة هيك..
فبعتلك هل الرسالة ياعمو بلكي بتديني شوية مصاري.. بين ما اكبر..لاشتري للبابا صباط..يا عمو أنا بحبك كتير ومبين عليك كتير طيوب..
وما بترضى البابا يروح عل الشغل هيك..
ايه عمو
ما تعملي مشاكل أحسن ما اشكيك لعمو الشرطي..
أو رح خليه يشتغل عند حكومة تانية..هي تبع آه يا نيالي..وقد ازعر (أعذر) من انذر

***********************************

أحبتي اذا ما شفتوني بعد اليوم
بتعرفوا وين تلاقوني

لا تنسوني من العيش والحلاوة ..
والشاطر فيكم يطلعني

المصدر: شبكة ومنتديات صدى الحجاج

ذكرتني رسالة الطفلة بهذه القصيدة :

زار الرئيس المؤتمن
بعض ولايات الوطن
ولما زار حَـيَّـنا
قال لنا
هاتوا شكاواكم بصدق في العلن
ولا تخافوا أحدا ….. فقد مضى ذاك الزمن
فقال صاحبي (( حسن )) :
يا سيدي
أين الرغيف واللبن ؟؟؟
وأين تأمين السكن ؟؟؟
وأين توفير المهن ؟؟؟
وأين من
يوفر الدواء للفقير بلا ثمن ؟؟؟
يا سيدي
لم نر من ذلك شيئا أبدا
قال الرئيس في حزن :
أحرق ربي جسدي
أكُـلُّ هذا حاصل في بلدي ؟!!
شكرا على صدقك في تنبيهنا يا ولدي
سوف ترى الخير غدا
******
وبعد عام زارنا
و مرة ثانية قال لنا :
هاتوا شكاواكم بصدق في العلن
ولا تخافوا أحدا

فقد مضى ذاك الزمن
لم يشـتـكِ الناس !!!!
فقمت معلنا ً :
أين الرغيف واللبن ؟؟؟
وأين تأمين السكن ؟؟؟
وأين توفير المهن ؟؟؟
وأين من
يوفر الدواء للفقير بلا ثمن ؟؟؟
معذرة يا سيدي …
و أيــن صـاحــبـي حــســن ؟؟؟؟!!!!ا


مشكورة شيماء

اقتباس : المشاركة الأصلية كتبت بواسطة المشتاق [ مشاهدة المشاركة ]

ذكرتني رسالة الطفلة بهذه القصيدة : زار الرئيس المؤتمن بعض ولايات الوطن ولما زار حَـيَّـنا قال لنا هاتوا شكاواكم بصدق في العلن ولا تخافوا أحدا ….. فقد مضى ذاك الزمن فقال صاحبي (( حسن )) : يا سيدي أين الرغيف واللبن ؟؟؟ وأين تأمين السكن ؟؟؟ وأين توفير المهن ؟؟؟ وأين من يوفر الدواء للفقير بلا ثمن ؟؟؟ يا سيدي لم نر من ذلك شيئا أبدا قال الرئيس في حزن : أحرق ربي جسدي أكُـلُّ هذا حاصل في بلدي ؟!! شكرا على صدقك في تنبيهنا يا ولدي سوف ترى الخير غدا ****** وبعد عام زارنا و مرة ثانية قال لنا : هاتوا شكاواكم بصدق في العلن ولا تخافوا أحدا فقد مضى ذاك الزمن لم يشـتـكِ الناس !!!! فقمت معلنا ً : أين الرغيف واللبن ؟؟؟ وأين تأمين السكن ؟؟؟ وأين توفير المهن ؟؟؟ وأين من يوفر الدواء للفقير بلا ثمن ؟؟؟ معذرة يا سيدي … و أيــن صـاحــبـي حــســن ؟؟؟؟!!!!ا مشكورة شيماء

يبقى ممكن بعد عام تسألوا أين شيماء الشام

شكراً لزيارتك لمتصفحي مشتاق
دمت بخير

اه متى العمر ياتي نجمع ثمن السياره الى الوالدين
ونقضى على دفتر الدين والريس يدخن سجار كل يوم فى الفين والفقير يموت كل ليله مرتين

اشكرك على الرساله المعبره اختى شيماء

اه متى العمر ياتي نجمع ثمن السياره الى الوالدين
ونقضى على دفتر الدين
والريس يدخن سجار كل يوم فى الفين

والفقير يموت كل ليله مرتين


كلمات في الصميم
شكراً لك أخي كامل
كفيّت ووفيت
دمت بخير

اه من غبق السنين على الفقير
اه لو تعلمين ضنك الحياه فى جيوب الفقراء وبطر الحياه فى انوف الاغنياء

لله در هذه الحياه
اشكرك على الرد الجميل

اقتباس : المشاركة الأصلية كتبت بواسطة علاء عيسى [ مشاهدة المشاركة ]

موفق بإذن الله ... لك مني أجمل تحية .

شكري موصول ومضروب ب 4 هههههه

منك لله شيماء حزنتيني كتير ع هالبنت....الله يفرجها عن كل العباد
وياخد كل رؤساء البلاد....قولي آمين


لك شيماء مابتخافي من بعد هالرساله هي...تاخدك الحكومه ع بيت خالتك (الحبس) ؟

تقبلي مروري

اقتباس : المشاركة الأصلية كتبت بواسطة ميس [ مشاهدة المشاركة ]

منك لله شيماء حزنتيني كتير ع هالبنت....الله يفرجها عن كل العباد وياخد كل رؤساء البلاد....قولي آمين لك شيماء مابتخافي من بعد هالرساله هي...تاخدك الحكومه ع بيت خالتك (الحبس) ؟ تقبلي مروري

اللهم أمين الله يفرجها على كلّ العباد ..
الذاكرى تتألم من الماضي , والقلب كسره الحاضر..والخيال يحلم بالمستقبل ..

هههه الحكومة مو فاضية النا
اذا كان السلطان صالحاً ووزراءه وزراء سوء , امتنع خيره من الناس ولم يُنتفع به
مشان تكون الروحة لبيت خالتي محرزة

كلهم حزنانين على الطفله
شو ريكم نجمع التبرعات
لان كل اطفال البلاد سوف يصبحو شحادين

دمتم بود ايها الاخوه