العقــ☺ــل زيــنـــ☺ـة !

العقــ☺ــل زيــنـــ☺ـة !

☺ مـــ ♠ ـــع زيـــ ♠ ـــاد رحبـــ ♥ ـــاني ☺

- اقتباسات .
- أغاني .
- خَبْريات .. منوعات .
~.~.

زياد الرحباني / في سطور :
فنان لبناني ، سنّ خطا فنيا فريدا بالفن المعاصر ، الساخر بحنكة ،
ناقد سياسي .. ناقد للمجتمع ، بلهجة يرتفع سقفها اللاذع ،
المرح .. الدقيق !
مواليد الـ 1956 ، ابنا للفنانة الأسطورة الصباحية ( فيروز ) ،
ابنا للمبدع الأشهر من الأخوين الرحباني : ( عاصي الرحباني ) ...
بذرة وخلاصة لعملاقين من عمالقة الفن اللبناني !
والده الذي خلق خطا فنيا جديدا عامّة ، ولبنانيا خاصة ،
هو من وهب لعالم الفن ، جوهرة الفيروز ..
فــلـ عاصي ، الفضل في اخراج صوتها إلى العالم ، واقناعه به ايضا !
زياد الرحباني ، استطاع أن يفرض نفسه على العالم
بأنني موجود .. ببصمتي الخلاّقة الخاصة
لا لأنني ابن فيروز وعاصي ، وفقط !
موسيقى .. كتابة .. مسرح .. اذاعة ونقد ، فرض نفسه وبقوة ، وثبّتها .
كان أول لحن قدمه لوالدته ، أغنية غنتها فيروز لوالده ، " سألوني الناس عنك يا حبيبي " ، كان عمره حينها ، لا يتجاوز السابعة عشرة .

♣ هنا .. سنكون مع جنونه ، الحكيم ! ♣

المصدر: شبكة ومنتديات صدى الحجاج

ـ
كل ما تسألني كيفك ، بتزكر إني مش منيح
يعني بتعرف ..؟ لو بلاه هالسؤال !
اوميلي بإيدك بس تلتئي فيّ ، بكون ممنونك !
يعني لإنه صراحة .. أنا مش منيح
بس معئول تئلّي كيفك ، وئلّك مش منيح!!؟
... بدك موضوع من غيمة إنت !
إزا سمعت إني مش منيح بدك تسألني ليه
وخود بئى إزا خبرتك ليه
ما بعود بس مش منيح
بتصير حالتي تتدهور أنا وعم برويلك
تركني خيّي ..
أنا بيني وبين حالي ماشي
ع أساس إنّو : يالّلا منيح ماشي الحال

ماشي أنا والحال
كيف الحال .. كيفني أنا
وأكيد مش منيح
بس أنا مزبّطا مرغلجها
وما بفكر فيّا
ولا مرة سألت حالي ع العالي
كيفك منيح
وهالأيام ماشية.. سيبا بهمها يا أخي
وخلينا نسلم بالوما
ــــ

ـ
" نص الألف خمسمية / كاملة - زياد رحباني "
انشالله بينعاد عليكم من الألفين وستة، للألفين وستين.. سبعين.
لأنو في قصص، بتضلها هيّ زاتها.
مثلاً
كلمة بينعاد عليكم. هلق مش مقصود ينعاد عليكم السنة اللي فاتت ، للجميع.. لأ طبعاً.
بينعاد عليكم بس ، الأشيا اللي ما بتتغير.
متل مثلاً " نص الألف خمسمية ". موافقين ؟ شكراً.
ليك : مش ضروري تضل عم تشرح شي لناس معتبرين حالهم بيعرفوه.
لا بل بيعرفوا كل شي.
مش ضروري تحاول تترجم لأشخاص موضوع مش هاممهم بلغتو الأساسية.
مش ضروري تضل تعمل إشارات لعالم .. عم يتطلعوا على غير محل يا خيي..
ليك: مش ضروري تضل سهران على جماعة ناموا من زمان في واحد منهم قشط راسو بصحن التبولة بالعلامة .
روح. ضهار، تمشّى..أستأجر بسكليت ...
بكرة بيكبروا الولاد وبيخففوا تدريجياً الكاتشب بإذن الله .
فحاج تخوتي عليهن وتسفقي فيهون يا ماما.
بكرة بيكبروا الولاد وبيعرفوا انو الهمبرغر الطيب داخللو كاوتشوك : حاج تفنجري فيهم!
بكرة بيكبروا الولاد وبيعرفوا أنو البطاطا أحسن وأطيب من الفريت.
وبيعرفوا انو بعد ما في شوكولا ع لوبية ورز.
وأنو اللوبية تعتبر غداء ، والشوكولا رح يضلوا شوكولا.
ونص الألف.. خمسمية.
بالنهاية بيعرفوا إنّك بتحبيهون وانك أمهم ومش مرا مهسترة ع الكاتشب، وساحبة عليهم الحنجور ومحتجزتون بالمطبخ. يعني لوقتها.
هلق عم قلك كل شي انو بكرة بكرة.. يعني أيه مش انو بكرة بكرا يعني
حاول عموماً انو تبتسم للناس معليش. هيدي لا ع الكهربا ولا ع البطارية.
لا ع البنزين ولا ع المازوت. شغلة ما رح تزيد شي ع مصروفك.
مصروفك عم يطلع من شي تاني. أكّد عليه.
أنا مش كل مرة خبروني نكتة وضحكت، كانت النكتة بتضحك.
أنو طيب شو؟ بدك تعمل مشكل ع نكتة بايخة؟
في عندك مشاكل كثيرة صدّقني، واهم.
أضحك . أضحك لأّنا بايخة !
في واحد إلو بيطلع ع الراديو وع التلفزيون من وئت ما خلئت .. انا
وأنا مش مهم ، من وئت ما هوي خلئ أو حتى ئبل يمكن
كان عم يطلع ع التلفزيون ، عم بيطلع ويئول :
نحن نحذر ونشدد على بناء لبنان على أسس متينه وجديده
شو العمل ؟؟ بيشغل الفكر هادا
خاصة انو على فياء المتواصل عليه ما عم يلمح ايمتى بدو يبلش ، وخاصة ازا بيشدد
يعني لو بيئول يوما ما .. يمكن ما حدا بيراجعو !
بس " ابدا " .. انو شو بدو فينا هادا ؟؟ لشو بيطلع يؤلنا هالاشيا !
وشاعر شكله بهالمسؤولية الضخمه اللي ما مأشعرنا فيا !
دخلك كل ما طلع نحنا كمان .. شو بدنا فيه !
انو معئول الله اللي خلئنا هوي زاتو اللي خالئه ؟؟
كل شي معئول ! سبحانه بملكه .. بس هاي غلطه !
قلتلي مش عم تفهم شي من الوضع حتى ولو قريت الجريدة.
إيه نكبة .. مش هم.
خليك عم تقرا الجريدة حتى ولو مش عم تفهم شي بالوضع.
خليك.. ثابر ع الجريدة لأنو هيدي وسيلتك الوحيدة لما ما تفهم شي وحجتك معك.
يعني بتكون مواطن متابع رصين راصد كل التفاصيل بأدق الأمور وما عم تفهم شي. طبعاً.
هيدا مصدر قوتك. في ناس بعدن لهلق وبعد الألفية اجلّك،
بيدفعولك وما بيعرفوا ياخدو منك وصل.
وإذا ذكرتون بيقولولك " خلص يا شيخ ". أنو شي منيح؟ لأ... بس هنّي مناح.
تصور انو حضرتك تجي يوما ما تتزعرن على هولي بالذات تـ تعلمون الأصول، تبع الوصل ..
لـــــــــــــــــه !!
في ناس أصولون اهم من الأصول ، الأصول انعملت على أصلن.
الخمس دئايئ بيسيروا سته ، ازا في شي بالنسبه لإلك راح

وهنّي زاتن بسيروا اربعه وهني عم يسيروا سته ، ازا في اشي بالنسبه لالك جاي
بس هيّ الساعه لا عم تروح ولا عم تيجي
والوئت كل الوئت عم يبرم من الشمال صوب اليمين
هلا انت بتشوف السته اربعه والسبعه تلاته
هيــدي : انطبــاعـــات !
ما ني ئادر فيدك على هالصعيد ، بس فيّ اضمنلك انو دائما : نص الألف خمسمية
لاحظ إزا في واحد عم يكتب شيكات ئديش مسلا .. شيك بيئول مبلغا وقدره
مائة وخمسة وسبعون الفا وستمائة وتسعة وثلاثون ليره لبنانية فقط
ئيه هادا مثلا اطول من شيك بيئول مبلغا وقدره مليار ليره لبنانيه فقط
أكيد يعني ازا شايف الشك الأول من بعيد انتِ بتهيأ الك انو كتب الك
ثروته كلها واملاكه كلها ، بينما لأ
التاني مليار ليره لبنانيه .. وو تنيناتهم : فقط !
أصيله كتير : كل ما تزيد المصاري كل ما يئل الكلام ، وبعد فتره بيسير يئل التعاطي
بعدين بتلحئهون الأخلاء ، وآخر شي بتسير تئل الكريات الحمر
مهي الأرئام ئئصر من الكلام ئد ما تكون كبيره ..
لاحظ اللي معون كتير مصاري ئديش بيئل حكيون وتعبيرن
بيسيروا يشبهو المبالغ اللي هنن مجمدينها بالبنوكه وداير عليها التبريد
امشي معي يا اخي في محل الهوا نضيف بدون لا تجميد ولا تبريد
آآآه مدام لور: أرجوك وما تفهميني غلط ، مدام لور:
انت عم تاكلي بالسر صحيح ، بس.. عم تنصحي بالعلن!
بليز افهميني... كلي ع راحتك مدام لور: شو فيها؟
وقدامنا. له يا خيي مزبوطة هلق الحكيم ع راسي الحكيم،
بس انو شو بيتمنالك الحكيم؟ انو تضلك متل النمر يعني؟ ما في ما بدو يشتغل هوي كمان.
والمستشفى شو بالله؟ انو المستشفى بتتمنى تظل فاتحة ليل نهار وهالعالم عم تتغندر حولها مثل الأحصنة؟
ما.. أيه
أذا بتشلي امك ع جنب بيطلع آخرة النهار انو ما في إلا هول جماعة التأمين هني اللي بيتمنولك كل خير.
ما تدقك شوكة. شو بعملك؟ بس مزبوطة.
طيب انو هالختيار يا بيي اللي ميطأ كل النهار بزاوية بالمطبخ: طيب ما بيخصّنا هيدا يا بيي؟
ما جدك هيدا شو باك وله! وانو إذا كل يومين أو تلاتة رمى لو حكمة
او شي على وعظة عن الاخلاق. شو فيها ولا بيي؟
أسمعها. حط لها كاتشب واسمعها. كلها ع بعضها مع صفناتو بين كلمة وكلمة بتطلع لها دقيقة.
يحرق سماك ما بتحضرلك مية دعاية ونصيحة بالنهار. هلق دعاية جدك ما فيها إخراج بعرف ولا نسوان عم تلمح ولا سيارات عم تفرقع.. وناقصها ألوان
طيب... بس بالمقابل هالزلمة ما بدو يشرّيك شي أو يغشك بشي.
عم يحكي عموما بالأخلاق ومن المطبخ لنقول.
شو انو هوي وكيلها الحصري؟ لأ. انو حيطلعلوا عليها شي أذا مشيت؟. لأ.
أسمعلو انت وأنت وماشي لوين ما كان. بكرة بيموت جدك وبتبقى انت والدعايات.
بعرف ئديه ئضيت لتأمن على بنك ، وئدّي سألت لأعتمدت على بنك
تتعامل معو وبالنهايه انت كاين داحشهن تحت البلاطه او بحشنا وحطيناهن بالجنينيه
بالنهايه اهم بنك اعتمدت عليه
وما كنت مسدئ بس فتت تفتح حساب شو هيدا !! شو هيدا !!؟
يعني ما لحئت تستوعب عدد الموظفين من الكمبيوترات لماكينات الحساب والعد لسنتريلات التلفونات
وللكراسي الصحيه اللي كلها بتبرم للشاشات للرواء المتلج يعني شي متقدم وخيالي ومش مهم ، المهم انصرعت
هلأ اول مره طلبت كشف حساب اجاك الكشف مكتوب عليه هيك ع جنب : ما عدا السهو والغلط
اي نعم .. انو كان فكرك انو حترتاح من الغلط والحساب ومراجعة الحساب اللي مراجعينلك ياه تتراجع من وراهن تلات مرات
لأ طبعا ..
الغلط هادا يا حبيبي ، كيف إزا معو سهو !
طبعا السهو ممنوع بالبنك ، بس مطبوع ع كل معامله
يعني ليك وينك ..
بس تبئى تمرؤ ع دكان أبو احمد، طبيعي يعدّ الأغراض مرتين
ويقلك خمس أغراض أحدعشر ألف وخمسمية.
ليك لا قَوّْى تتمسخر ع أبو احمد.
17 هلق. مع انو بس يموت الواحد ما بياخد معو شي: هيك علمونا.
في ناس ما زالوا عم يخبوا ويضبوا. الأرجح مش قاطعين الامل.
وبرأيي أنو أكيد مش بسبب الإيمان يعني . هني رأيون ربما أنو هلق
وع مضض بعد ما بيقدر ياخد معو شي الواحد. بس من هلق ولوقت ما هني يتوفوا،
إلا ما يلتقى شي طريقة بالعلم بالتكنولجيا ياخد الواحد معو مش بس شي، ياخد معو كل شي.
بس لوين؟ وكيف؟ وبأي طابق هالجماعة؟ شحن ما شحن تخليص بوالص.
ولشو رح يعوزوهم؟ وبأي منطقة؟ ما بعرف.
ما هو اللي بيبقى هيك منو قاطع الأمل.. هوي مفروض يعرف.
انت بهالوقت عيش. وإذا معك قرش، قرش واحد، أعمل جهدك تصرفو خلال هالحياة الجارية.
مالقرش نصو نص قرش..
كل حياتي كنت علق اهمية كبيرة على صلاحية كل غرض أشتريه.
كثير مهم هالشي بالنسبة لألي. من فترة بطلت.
بطلت لأنو لاحظت انو كل شي عم أشتريه تاريخ صلاحيتو أبعد بكثير من تاريخ صلاحيتي أنا ... انا والبلد.
يعني شاري اجلّك مرهم صالح للألفين وتسعة! عم فوت عالأوضة طلعوا بوجي بطاريات عم يضاربو عليه هوليك طالعين للألفين واتناعش!
أووووف. كثير. كثير كثير. يعني صاير عم جيب أشيا تاريخ صلاحيتها مؤسفة فعلا!
مادي منيح لأنو ألها مستقبل.
تعا نفكر بتاريخ صلاحيتنا خيي شو رأيك؟
مش معقول نظل نفكر من هلق لشهر وشهرين لقدام ماكسيموم.
علبة اللبنة صالحة لشهر وله !
واحد وتسعين. لحظة خليك معي: أيه مدام لور.. والله سمعتك.
عم تقوليلي ما عم يزبط معك ولا حكيم. وانا عم قلك أزبطلك
يعني بليز ما تفهميني.. مش مصدقتيني؟ ما عم يزبط معك ولا حكيم... الله بيحبك بيكون. انجح شي انت مدام لور بتكوني بالسوسيتي!!
رايح جايي بهالمكتب، وفي ورقة واقعة بين طاولتين، وع الرايح والجايي، اللي هوي انت، عم تشوفا وعم تنسّم.
طيب ما.. شيلها. هلق مش انت موقعها، عال. بس ما حدا عم يشيلها.
وصار إلها يومين وهاليوم بيصيرو تلاتة. يعني رأي: شيلها وارتاح.
لأنو اولا: لو حدا بدو يشيلها كان شالها.
تانيا: هيدا بيأكد انو إذا سألت مين موقّعها؟ ما حدا رح يقول.
تالتا : أكيد ما حدا بهيك مكتب مسموم من الورقة قدك.
رابعا : مين ما كان موقعا الله لا يردو، الله لا يقيمو. منيح هيك.
خامسا : وقفلي هالموسيقى يا خيي. مش ضروري الواحد ما يلم ورقة إلا إذا هوي موقعها. خاصة إذا سامتو وما عم يشيلا ورايح جاي.
سادسا : بهيك مكتب في احتمال كبير انو ما حدا يلاحظ أن حدا شالها. ولا حدا يعلقلو وسام برتبة كوماندور مجهول او مقبول.
سابعا: بهالوقت اللي عم نحكي فيه.. كنت شلتها.
وبعدين انا عم يخبروني،
ثامنا أذا بدك، انو انت مع التغيير ومع تطهير الأدارات وأعادة الهيكلة والبناء وحرية الراي وحرية وسيادة واستقلال واشيا كثيرة،
وموعود بمساعدات دولية للبنان. هلق اوكي ما دخل..
شيلك من هالاشيا.. بس بالأول (تأهّب) شيلها.. الورقة الورقة..
ـ

بلا ولا شي

بحبك..
بلا ولاشي
و لا في بهالحب مصاري
ولا ممكن في ليرات
ولا ممكن في أراضي

ولا في مجوهرات
تعي نقعد بالفـي
مش لحدا هالفي
حبيني و فكري شوي
بلا ولا شي
وحدك..
بلا ولا شي
بلا كل أنواع تيابك
بلا كل شي في تزيين
بلا كل أصحاب صحابك
الثقلا و المهضومين
تعي نقعد بالـفي
مش لحدا هالفي
حبيني و فكري شوي
بلا جوقة أمك، بيّك
و رموش و مسكرات
بلا مالنسوان تحيّك
بلا كل هالمسخرات
تعي نقعد بالـفي
مش لحدا هالفي
حبيني و فكري شوي

،
شو هالأيام اللي وصلنالها
قال إنه غني عم يعطي فقير

كأنه المصاري قشطت لحالها
عاهيدا نتفه وهيدا كثير
حلوة دي، حلوة دي ، تعجن في الفجريه
بيقولوا لك من عرق جبينه
طلّع مصاري هالإنسان
طيّب كيف هايدا وكيف ملايينه
وما مرّه شايفينه عرقان
مش صحيح، مش صحيح، الهوا غلاّب
الغني من تلقاء نفــسه
حابب يوزّع ورق المال
ما انّه بخيل أبدا على عكسه
تذكركن يا ولاد الحلال
ليل يا لال ، ليل يا لال، وحوّل
كل واحد منّا عنده ستيلو
ما بمينع إنّه يصير تنسيق
جيب لي لامضي لك قلم ستيلو
كل الشعوب بكره حَ تفيق
يا سلام ، يا سلام،سلّم
كل المصاري اللّي مضبوبة
اللّي ما بتنعد وما بتنقاس
اصلها من جياب الناس مسحوبة
ولازم ترجع عً جياب الناس
هي دي هيّ ، هي دي هيّ، الأصليّه
،

،
الحالة تعبانة يا ليلى خطبة ما فيش
وانتِ غنيّ يا ليلى ونحنا دراويش
انتِ في وادي .. ونحنا في وادي
وكل لحظة تبعدنا زيادة

أرض العنّا بلا سجادة
وانتِ معوّدة تمشي عالريش
احتاروا فيكي وحيّروكي
وضلّوا حتى غيّروكي
لبّسوكي تاج ملوكي
وانسيتي أهل الطرابيش
رزق الله لمّن .. كنتي وكنّا
نجي لعندِك وتجي لعنّا
تاري العاش حدّك وتهنّا
صعبة يرجع وحدو يعيش
،

.
إزن كما وعدناكن رح نحدد شو هوي التسطيل

التسطيل هوي اسم عام لعادة إعادة الشغلة
أو إعادة هالشغة اللي هي : التسطيل
التسطيل هو مبدأ المداومة على التسطيلة
ما هي التسطيلة إزن .. ؟
التسطيلة هي الحالة اللي بيصير فيها الواحد منا يا إخواتي بيشبه السطلة
السطلة بيبقى معروف ، و مش بس معروف .. أشهر من أن يعرّف
و السطلة بطبيعتو بيبقى شي أكبر من السطيلة
السطيلة الها سعة من السطلنة أو الحليب أو اللبن أئل من السطلة
والسطلة كمان (مؤنث السطل) لأنها أئل ضخامة منو
فالسطل هو الريس و مستعبد مجتمع الأوعية و اللكونة (جمع لكن)
والدسوتة مع أنو السطل هوي ...
و السطل بيساع اشيا كتيرة مو دايما بكون هوي بدو ياها
إنما واجباتو بتقضي يستوعبا ، هي صفت مصيرو شي مكتوب
والمكتوب ما منو مهروب و بعبوه و بدبو في شغلات ما بيتمنوها لحالهن أخوات (الملايك)
والتسطيلة بعيارات أخرى هي المنحى المعين اللي بتتخزو أطباع الإنسانية
بالتوجه نحو السطل ، والسطل بلا مخ !
السطل ما عندو إلا انو يتوئع شو رح بيدبو فيه
ومش هوي بيفضي نفسو ، هنه بيرجعو اللي عبوه ، بيفضوه !
فلنحمد الخالق ازا ، فلنحمده فهو قد خلق السطل بلا مخ
لأنو إزا بلا مخ وهيك ، لو فيه مخ أكيد كان بيسوسنا !
منيحه هاي !
بيسوسنا ولمزيد من المعلومات بيسوسنا يعني بيديرنا !
كان السطل يا شباب .. كان شو ؟
كان بيحكمنا !

.

ولقد .. فيطيب لي ، بأن
فإن هذه الواقعه .. وقعت ، فهي اذا واقعية
وبالتالي فقد تم تلحين هذا لحن
بعد أن وقعت هذه الواقعة
وكان زلك في العام 1975 / حكمه !
لزا أود لواقعيتها أن أغني مقطعا منها
في الأول .. ومقطعا في الآخر
شكرا جدا .. جزيلا !
مَربى الدلال ربوكي، وتعزبو فيكي يا دلال
ورحنا نكلم أبوكي، ويا ريتك كنتي وشفتي شو قال أبوكي
وعلى كل.. على كل حال، يعني بكل الأحول..
ممنونه أنا لبوكي، ممنونه ع الاستقبال.
قلي يا ابني كيف أحوالك وصرنا نتحدث بالأحوال
قلتلو سيدي يطمنلك بالك، عيشة رضيّة قد الحال
قلي بتعرف بنتي، طلبها المحامي واللي بيجو لعنا
من أحسن عيال
مش كل ساعة في محامي، لكن في متلك أمتال
وعلى كل.. على كل حال، يعني بكل الأحول..
ممنونه أنا لبوكي، ممنونه عالاستقبال.
قلي شو عندك، وين رسمالك، قلتلو بتعرف والله يا خال
حبي رسمالي، وهيّ اني قبالك.. لا هدية جايب ولا أموال
ورح قلك للدغري، أحوالي ما بتغري.. ورتوني المكنسة وطلعت زبال
واذا بيني وبين المحامي شغله ما بدا سؤال
وعلى كل.. على كل حال، يعني بكل الأحول..
ممنونه أنا لبوكي، ممنونه عالاستقبال.
قلتلو ساكن خلف العَمارة.. لا هي تخشيبة ولا عرزال
بغسّل عإيدي، وبنشر بالحارة.. لا فريزر جايب ولا غسّال
عندي صوفا صغيرة فيها تصفّي كبيرة بتقدر تستعملها بكل الأشكال
وهيدا المحامي منين نبّت لا عالخاطر ولا عالبال
وعلى كل.. على كل حال، يعني بكل الأحول..
ممنونك أنا يا عمي ممنونك عالاستقبال.

~.~.~.

زياد الرحباني ينكر أبوته لابنه عاصي

حين أطلق زياد الرحباني أغنية "مربى الدلال" وبدا واضحاً أنها موجهة لزوجته السابقة دلال كرم، بكل ما في هذه الأغنية من سخرية لها ولذويها، بدا واضحاً أن الأمور بين الطرفين قد وصلت إلى نقطة اللارجعة، ليس لناحية إعادة اللحمة بينهما، بل لمجرد استمرار علاقة شبه طبيعية تجمعهما، خصوصاً بوجود إبن يربطهما بطريقة أو بأخرى
ومر الزمن على الأغنية وعلى الطلاق وعلى التصريحات والتصريحات المضادة، والأهم مضى زمن ليصبح المولود الطفل رجلاً يحمل أحد أهم الأسماء العريقة في الفن اللبناني وهو عاصي الرحباني، وهو قد اختار الفن أيضاً مهنة له، ولو بعيداً عن الموسيقى والغناء.
وكان لافتا قبل ايام ان بعض وسائل الاعلام تداولت خبرا يفيد بأن زياد الرحباني ينكر ابوته لعاصي، وأنه اجرى فحص ال"دي ان أيه" عام 2004 وظهرت النتيجة سلبية. الخبر كان اشبه بإشاعة والبعض ذهب إلى الاعتقاد انها كذبة أول أبريل، ولكنه راج اكثر من اللازم وتناوله زياد في جريدة الاخبار.
وذكرت صحيفة "القبس" ان زياد الرحباني تقدم بدعوى أمام محكمة الدرجة الأولى في المتن شمال لبنان، والمسجلة برقم 910/2008 وموعد نظرها في 23/4/2009 وموضوعها "إنكاره أبوته لعاصي زياد الرحباني وطلب شطبه عن خانته ومنعه من استعمال شهرة الرحباني وتدوين خلاصة الحكم في سجل النفوس".
واثبتت سجلات المحكمة صحة قضية زياد وابنه المفترض، تضيف المعلومات بأن زياد انتظر كل هذه المدة من دون أن يقدم على أي خطوة قانونية، بغية الحفاظ على خصوصيات العائلة.
غير ان رفض زوجته السابقة القيام بخطوة قانونية، وحصول الشاب على جائزة عن فيلم قام به، وتركيز وسائل الإعلام على كونه وريثا لعاصي وفيروز، أشعر زياد بأن الوضع بات محرجاً، خصوصاً أن الشاب أكد في أكثر من مقابلة أُجريت معه أنه لا يؤمن بموضوع الوراثة الفنية.
زياد أوضح في حديث لجريدة "الأخبار" أن الوضع أصبح محرجاً، ما اضطره إلى التسريع ببتّ الأمر بشكله القانوني الصرف، أي "لدعوى"وأوضح انه لم يكن بنيته أن يتكلم في هذا الموضوع، خصوصا أنه يتعلق بعاصي، وقال "لم أتكلم سابقا احتراماً لحياة هذا الإنسان، كما كان من الممكن أن تسوّى هذه القضية، من دون إعلام، لكن والدة عاصي لم تقم بأي خطوة قانونية متكتمة".

وأكد زياد أن هناك جهتين متضررتين، ويهمه أمرهما: هما عائلته التي لها عليه حق إنساني وغريزي، وعاصي الذي لا ذنب له بهذا الواقع، وأكد زياد أن عاصي مثله، عالق في وسط هذه القضية، حيث "إنني أنا أيضاً لا ذنب لي".
قبل حوالي شهرين، أطل عاصي زياد الرحباني في برنامج "ضد التيار" مع الإعلامي زياد نجيم، الذي ركز على دور آل الرحباني والسيدة فيروز في حياة عاصي الصغير، الذي بدا حاقداً على جدته ووالده، رافضاً التعريف عنه كابن لزياد، وذهب إلى رفض الحديث عن والده في أكثر من مقابلة أجريت معه بمناسبة فوزه بجائزة عن فيلمه الأول قائلاً "لأمر يتوقف على موضوع المقابلة، فإذا كانت المناسبة عيد الأب "نحكي قد ما بدّك" لكن الفيلم هو محور اللقاء حالياً.
لا يستفزني، لكنه في غير موضعه، الموضوع بحد ذاته ليس محرّماً عندي". وأوضح عاصي أن "عائلة الرحباني من دون استثناء عملت في المسرح وعالم الأغنية، أما أنا فهدفي الإخراج السينمائي، لكن ضمن نمط جديد، بحيث لا يقال لي إنني أقلد فلاناً أو علاناً، خصوصاً أن تقليد الأبناء آباءهم منتشر بكثرة في لبنان" وأوضح أنه لا ينكر أصله، لكنه لا يريد أن يكون التركيز عليه فقط. متسائلاً "ل يمكنك أن تبدئي ريبورتاجاً تلفزيونياً بالقول "فيد فلان" وكان عاصي قد اطل من قبل عبر اثير احدى الاذاعات اللبنانية، ولدى سؤاله عن السيدة فيروز، قال "فيروز جدتي، بس شو نفع السؤال؟!" وتابع: " لزوم لهذا السؤال لأنني لم أشتق لها، ولم أشعر بها جدّة"!
في العام 2002، أطلت طليقة زياد دلال كرم في مقابلة مع مجلة لبنانية فنية اسمها كوكتيل، وتحدثت عن علاقتها بزياد وبالسيدة فيروز، وتهجمت على الفنانة الكبيرة ونشرت رسالة كان طليقها ارسلها الى ابنه عاصي، وفيها تحذير من طريقة والدته في تربيته، التي تعتمد فيها اسلوباً ارستقراطياً لا يليق بتاريخ الرحابنة المتواضع. وبعدها علم زياد ان دلال تكتب مذكراتها معه، فقال بما يشبه السخرية "هي تكتب مذكراتها معي. فهل تعتقد انها ايفا براون وأنني هتلر؟!".
واتهم زياد حينها زوجته بأنها قبضت مالاً لتقول ما قالته، وأنها لم تفعل شيئاً سوى ايذاء عاصي الذي بات يقضي أوقاته خارج المنزل في وضع لا يحسد عليه، حسب تصريح زياد، الذي أكد ان عاصي ابدى انزعاجه لنشرها رسائله الخاصة التي كان والده أرسلها إليه، وقال "لا أدري كيف وصلت إلى يدها؟".
وعن علاقته بابنه يقول في احدى مقابلاته النادرة: "متعلق بعاصي، ولكن الابتعاد لم يترك مجالاً لإنشاء علاقة بيننا، فهل هناك أحد يرى ابنه وعمره 11 عاماً ولا يعرفه؟".
وعن اتهام زوجته المتكرر له بخيانتها مع الفنانة كارمن لبس يقول " ليست خيانة، أنا تركت دلال وعشت مع كارمن، وخطبتها وكنا سنتزوج، حينها كانت علاقتي مع دلال بحكم المنتهية، فقد كنا من أزواج الحرب. ثم اتهمتني بالعلاقة مع الفنانة ليال ضو".
يذكر أن زياد الرحباني كان متزوجاً بدلال كرم عام 1979، وانفصلا بعد سنوات قليلة وحصلا على حكم الطلاق مطلع التسعينات.
وقد دأبت الزوجة طوال هذه المدة على اتهام زياد بخيانتها مع الممثلة كارمن لبس، قبل ان يكتشف زياد بعد مرور اكثر من عقدين انه هو نفسه ضحية خيانة اثمرت شابا اكتشف انه حمل اسمه زوراً.