بتخوثو على مين ؟؟؟؟؟؟

بتخوثو على مين ؟؟؟؟؟؟

التاجر الصدوق جليسي يوم القيامة ......................( حديث شريف)..
ولو وجد تاجر صدوق او لو كانت مهنة التجارة والتجار صادقون .... لما كان الحديث...
اذا التجار الصادقون ندرة وقلة ... او كما الشعرة البيضاء في وبر العنز السوداء................
صباح يوم من ايام هذا الاسبوع وفي برنامج الدكتورة لينا مامكنغ اطل علينا عبقري الزمان وفطحل التجار خليل الحاج توفيق ... نقيب تجار المواد الغذائية وجنرال الشبس والمايونيز وقائد قوات الحلقوم والغريبة ... هذا اللواء تحدث وقال وفصل واجمل وطاح وراح وساح واستباح عقولنا و و و و و ............................
واسهب وتحدث بأحاديث اعتقد انها لم تكن لنا بل كانت لسكان الواق واق ....
اخونا ابو الحاج ...
قال ان التجار يخسرون ...
وانهم يتحملون مسؤليتهم في دعم الاقتصاد وبعدين بهرها بشوية وطنية نص كم ................... مثلو مثل غيرو ........الزلمة طبعا وطني .................... لانه مستفيد على ظهر الوطن .....................................
مما قالة ابو الحاج ان المؤسستين العسكرية والمدنية قد تعاقدت مع الموردين لمدة سنة لتوريد السلع اليهما ...
وبالسعر السابق.... مما يعني خسارة التجار ...................
طيب ليش زادت اسعار المؤسستين يا ابو خليل ...
وقال ان الاسعار ستنزل ...................... لنزول المحروقات ....
طيب ليش بعدها طايرة يا ابو خليل ....
وقال ان العرض والطلب هما المؤديان لرفع الاسعر....
طيب ليش ما تزيدو العرض يا ابو الخل .........................
وقال ان التجار يهاجمون من الحكومة والناس لتنزيل الاسعر ............. طيب ليش تجارك بخبو المواد بمستودعاتهم ..................
اخونا (( خلو )) بدنا يقنعني انه انا غلطان وريما غلطانه والناس غلطانيين والحكومة غايبة فيلة ... وحضرة جنابو صح وفاهم الامور ....
طيب ليش سعر الحديد نزل والاسمنت كمان ... كلها نزلت .... لانه الموردين الاجانب صادقين مو مثل جماعتنا ...
وليش اسعار زيوت الطبخ طارت عندنا مع انها باغلبها سعودية وما زاد سعرها هناك ...
وليش ابو الخل بيفترض انه العرض والطلب هما اساس ارتفاع الاسعار ..وليس البترول ..... اذا كلامك صح يا ابو الخلاخيل ... ليش طيرتو الاسعار عندما ارتفع النفط ... وبعد نزول النفط ... ظليتو مكانك راوح ...وبتشكلو لجان لدراسة تنزيل الاسعار ... ليش ما عملتو لجان في حالة الرفع ....
وليش اذا ارتفع البترول بنسبة 5% بس رفعتو اسعاركم بنسبة 50% ومش بس ...
معه ان معادلة الانتاج يكون البترول جزء منها وليس كلها .....
ابو الخل بتخوث مثلة مثل الناطق الاعلامي للحكومة اللذي قال وعلى الشاشة ان نزول النفط لا يعني نزول اسعار المحروقات ............. لاننا نعتمد اسعار المشتقات مش اسعار النفط ... شوفو هالكلام ...يعني اذا سعر الحليب نزل مش شرط اللبن والجميد والزبدة تنزل ...
لازم سعر مشتقات الحليب تنزل ... مهو احنا بنشرب الحليب من الحنفيات ....
شركة الكهربا بتقول انها خسرانة ونزول اسعار النفط ما خفف خسائرها ...
طبعا الشركة خسرانة بس مو من النفط .. من المياومات والاضافات والبدلات والسيارات .. والكهربا كلها مافيها بركة لا هي ولا المي ولا الاتصالات ولا الخلويات ... عارفين ليش .... لانهم بسرقو الناس وبضحكو علينا ... ومصاريهم حرام بحرام................

فسرولي الضرايب والمبالغ الاخرى والرسوم الي بتكون بفواتير المي والكهربا والتلفون ...
فسرو لي ليش كل هالمبالغ بدفعها المواطن على السكيت ...وليش هاي الشركات بتفرض ضريبة مبيعات على هذا المبالغ والضريبة بدفعها المواطن ... طيب ماهي مبالغ ورسوم كمان بحطو عليها ضريبة ... الاساس ان تدفع الشركات الضريبة مش انا ولا انت ....
هنالك احتكار ثنائي ثلاثي لدينا وكل ما صارت شركة بنقول بصير منافسة مع الشركة المحتكرة بقومو الشركتين بتفقو على كتاف الي خلفونا ...
خذ عندك : بيبسي وكوكاكولا ...زين واورنج وامنية واكسبرس شركات الالبان كلها ...الراي الدستور .... الفيصلي والوحدات ...0... شركة جت وشركة الثقة .... فردة كندرتك الشمال فردة كندرتك اليمين ...
كلهم بسرقونا ... وكلهم بتخوثو على سمانا ...
بفكرونا هبايل .... وكل يوم خر بخرط .....
واهمل ما في الموضوع جمعية حماية المستهلك ...
انا مش غلطان ولا ريما غلطانة ولا الناس غلطانيين ولا الحكومة غلطانة ...
التجار كذابين .................................................. .........
زيتون برما داشر وتعيشو يا همل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

المصدر: شبكة ومنتديات صدى الحجاج

الموضوع نزل غلط هون ..

اشحنو على المنتدى العام .................
علسريع .......................

تعجبنى يا ابو قنوه

تلحس بعضك انت وابو قنوة معاك ....................

معلش ابو قنوة الموضوع هون مناسب تماماً وعاجبني كمان مو لأنه اسمي بالنص بس لأنك هالمرة والله جبتها صح ونشنت وصبت عزيزي


يسلمو اديك وحياك الله

السلام عليكم ورحمة الله وبركاته

لا تدقق يا ابو قنوه


اذا يعني ما تخوثوا علينا

على مين بدهم يتخوثو....
.
.
.
.

بتخوثو على حالهم مش علينا .............

احنا عارفين الصح ولابدين ...
يعني من اساسو لو الحكومة الله يطول عمرها بدها تخلصنا من بلاوي التماسيح والحيتان ومصاصين دم الناس ... على اقل تقدير تعمل دائرة مختصة بمراقبة الاسعار اذا الحكومة ما بدها وزارة تموين ...لانه التجار ما عليهم رباط والواحد منهم ببيع ابوهم لوطلعلو ....
بعدين لما واحد من التماسيح يخطب على التلفزيون او على الاذاعة ... ما بسمحو للواحد منا يوخذ راحته بالكلام ومن محمد الوكيل وجر ... كلهم مع ضيفهم والمواطن الي بسأل سؤال بالعظم بدخل المذيع فورا وبصير يقول لا معليش خلينا بالموضوع ...
الدول العربية هي الوحيدة بالعالم التي تستضيف اذاعاتها وشاشاتها ضيوف علشان تنفخهم وتبين انهم فطاحل وباقي خلق الله حمير ....
تكميم افواه غريب عجيب ... وعندنا مش من الاجهزة الامنية او من المخابرات ... لا ولكن من الناس انفسهم ومن المسؤلين وعلى الحرام والحلال الواحد بحكي مثل ما بدو مع المخابرات والاجهزة الامنية وما بقدر يحكي مع بواب خشة بجنب وزارة هاملة ما حدا بعرف اسمها ...
ويا ماما ريما انا ادخلت اسمك بالموضوع لانه سبق ان قمت بطرح مماثل ...
قبعت معاي من الحيتان والخريطة ... ولو واحد منهم اصادفة بالسوق اليوم لدعسة واخلص وراس مالها فنجان قهوة وعبايتين مصديات ....

بعين الله ابو قنوة شو الي حارق بصلتك انت

الي حارق البصلة انه لما تم رفع سعر البنزين تعريفة رفع التجار والفرانيين والسواقين والعتاله والحمير رفعو اسعارهم اضعافا مضاعفة وما استشارو حدا .... وسكتنا ...
ولما نزل البترول عشر مرات ... صارو كلهم يتحججو ويكذبو ومنهم من قال ان الرفع كان لامور اخرى غير النفط يعني الجماعة كان بدهم يرفعو اسعارهم تحصيل حاصل ...
ولما نزل النفط صارو كل يوم يكذبو علينا ... اللبانين اي تجار ومصانع الالبان قالو ان رفع السعر كان بسبب رفع سعر الحليب ...طيب ليش نزلو اعلانات عن رفع لاسعار.. بسبب النفط ...

الي حارق بصلتي انه الحكومة مثل شاهد الزور ... وكأنها حكومة شعب الواق واق .....
والنواب اظرط واظرط ....
والناس دايخين من بلاوي التجار ........
وانت بتقول شو حارق بصلتك ...
الي حارقها انها التعن سماها وهي على البابور .....
وما حدا سأل...........