مزايا صبايا جامعات الاردن !!!

23-03-2009, 20:00

يصبحكم في الخير ..... يمسيكم في الخيييير
والنعسان يصحى ...واللي مش نعسان يشرب ميي
وانا بحبش في تلفوني لقيت في الملاحظات هالملاحظة ... فرطت من الضحك عليها ... قلت اضحك لحالي ياحيف .. لازم نضحك على بنات الجامعه شو بعملن وعلى مزاياهن
خذو عندكوا والي مش عاجبه يبلط البحر بلاط صيني عشان يتعب .. وبس يخلص تبليط يحكيلي ... عشان يرجع يقبع البلاط

مزايا صبايا جامعات الاردن ....
1- انا وماما زي االصاحبات ... دايما بحكيلها كل إشي , ماما بتعرف عنك كل إشي
(شغل عرط وبس طبعا ... ولا لو امها تعرف عنها غير في الكندرة على صباحها )

2- كلهم شقر وعينيهم لينسيز ملونه (يخزي العين تقول هاي رجعتهم من السويد ) بتسالها بتحكيلك ششو لينسيز؟ هدول عيوني الحئيئيين ....

3- كلهم ببعثولك المسج التالي : اتصل فيي مامعي رصيد , وعندي امتحان مش آدره أروح اشتري بطاقه...

4- لو سالتها عن احلى سنين بحياتها رح تحكيلك ما بين 19 و23 وبتشرحلك كيف كانت حلوة ومجننه شباب الجامعة وكيف كلهم ببركضوا وراها وهي ما كانت تعبرهم ...

5- الشاطرة اللي بدها تقهر صاحباتها ..بترن على 1234 وبتنزل عرط وتخويث .. وعلى آآه حبيبي وشو حياتي و i miss u ياعمري وبشوفك يا baby ...

6- كلهم اخذوا رخصه السواقه بالواسطه ... (واكيد هذا واضح من البريكات الخبط ..او السرعه اللي ما بتطلع عن 20 ,او مجزام الامان اللي بروح ما ينقطع من كثر ما هو مشدود ) ...

7- بالجامعه بتطلب ساندويش لبنه واذا بدها تزود على حالها مع سنيورة دايما لبنه واذا بدها تغير بتطلب منقوشة زعتر , والكولا دايت طبعا .. ( بس ترجع عالبيست بتقوم بصدر منسف لحالها .. والله بوكلنا من الجووع ! )

8- اذا حاولت تمسك نفسها بعد شهرين صحبه بتسلخك كف خماسي بتعمي ضوك , ومش بعيد تبزق عليك قدام كل الجامعه , (بس اذا لقيتها " صدفه " ابن خالة ابن عم امها , بتضلكوا عالبست للصبح .. وبتشبكوا هوارة ابو حلاني ...ورووووووووح لصبح رقص سلووووو على اساس فريندز طبعا )

9- كلهم بابا بحبهم اكتر وحده بين إخوانها ..وهي وبابا زي الصحاب وبابا بوخد رايها بكل إشي ...

10- اكره شي عليهم يشوفوك بتحضر مباراه , بمعنى اخر اكثر شي بكرهوا كرة القدم , ( الا اذا كانت المباره فيها ايطاليا او انجلترا بتلاقيهم قعدوا وبسطوا يبصبصوا على إجرين مالديني وبيكهام ... بهاي معهم حق , يعني بصراحه مالديني منظر وحسونه الشيخ منظر )

11-مريحين بالهم وتنحصر اهتماماتهم في المواضيع التاليه : روجيم (لازم انزل كمان خمسين كيلو ) ,
حومرة وبودرة (نزلوا حومرة جديدة بطعم الكيوي .) أووولتك اسشور شعري ولا اعمله كيرلي /
الاكل : ماما طبخت جاجه محشيه تفاح وسفرجل / وما بتغدوا غير ستيك مشوي وما بشربوا غير مي صحه
الفن : ما ازكاه brad pitt ... ريان شعره بجنن / شفتي اصاله نصري ما ازنخها ..مش ألتلك انه بشار بحب سلمى / شفتي صندل نانسي /احمد الشريف احلى واحد بالعالم !/ لون بشرة اليسا وااااااااو / وحضرتي كليب جاد شويري ما افيعوو! / مو معئوله هالشاكيرا !!!

12- كلهم ما بدخنوا .. بس بابا سمحلهم يأرجلوا عادي...

13- عندهم حالة تشابه غريبه : اذا واحدة عملت تاتو ثاني يووم كل البنات تاتو ., واذا وحده حطت خلخال ثاني يوم كل البنات خلاخيل , اذا وحده صبغت شعرها بنفتحي او فوشي او اخضر ثاني يوم بتنزلك موضة البنفتحي او الفوشي او الاخضر

14- مواصفات حبيب القلب :-
فايع وشعره طويل ,معه سياره حلوة , موبايله اخر موديل , بعزمها كل يوم ع كوفي شوب واذا بشبه توم كروز بكون احسن .
15- بتكون ادفش من حكيها مافي ..وكلو قال وغاد واندار وهالويه لعاد وهيكاظانتي وقرفاه .... بالجامعه بتقلب آآل وهوناك وهوني ومو عارفه وسانك يو وكتييييييير زهئانه

16 - دايما شنتتهم مليانه اشياء زاكيه , اذا جعت بتلاقي معهم السيفوي بالشنته .. شيبس شوكلاته ,بسكوت دروبس , علكه , سوس

وسلامتكم ... وكل واحد بدو يخطب من ديني بقطع ذراعي اذا فيكوو واحد رايح يخطب

المصدر: شبكة ومنتديات صدى الحجاج

23-03-2009, 20:05

ها احلى صبايا بس انت خليك براتها بتعمر شو بدك ببنات العالم

في احلى من بنات الاردن اكيد لا مستحيل

23-03-2009, 20:22

ههههههههههههههههههههه دانا .. بس لا تصدقوا حالكم يا بنات الاردن
الله يعينا عليكم

23-03-2009, 20:40

هو انت صاحلك اصلا ابو زغيب

خليك ورى نسيبك ادي دئني اهي لو فلحت السنه ادي

ههههههههههههه

23-03-2009, 21:04

هههههههههههههههههههههههههههههه رييماس
اذا انتو بتبعدوا عنا احنا الشباب بنفلح وبنصيير

24-03-2009, 09:44

في من كلامك صح احمد يعني في هيك نوعيات اما بنات الاردن نحنا زينة البنات ونحنا الحلا كله

24-03-2009, 10:24

امممممممممممممممممممممممم
انداري عنك يا ميسم .. انا بالنسبه الي مقتنع بس شوفي باقية الاعضاء

هههههههههههههههههه

24-03-2009, 10:30

ما بنستنى رأي حدا ولا حدا

24-03-2009, 10:59

هاي شريحة زغيرة من الصبايا في الاردن انا من راي انك تاخذ الك جوله في القويرة او الغور او الموقر او القطرانة
واكيد راح تغير رايك 100%
بس ما حدا يزعل منا في هاي المناطق كلهم اهلنا وناسنا وع الراس والله

24-03-2009, 11:23

أكيدين رح يغير رأيه ما في كلام

إحصائية مشاركات »
عرض المواضيـع :	[+]
عرض الـــــــردود :	[+]
بمـــعــدل	0.00 يوميا

إحصائية مشاركات »
عرض المواضيـع :	[+]
عرض الـــــــردود :	[+]
بمـــعــدل	0.78 يوميا

إحصائية مشاركات »
عرض المواضيـع :	[+]
عرض الـــــــردود :	[+]
بمـــعــدل	0.00 يوميا

إحصائية مشاركات »
عرض المواضيـع :	[+]
عرض الـــــــردود :	[+]
بمـــعــدل	1.70 يوميا

إحصائية مشاركات »
عرض المواضيـع :	[+]
عرض الـــــــردود :	[+]
بمـــعــدل	0.00 يوميا

الذين يشاهدون محتوى الموضوع الآن : 1 ( الأعضاء 0 والزوار 1)

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الرفاعي يكشف حقائق ويرد عل هيكل	Gladiator	منتدى عَالم الَسياََسَة	6	05-04-2009 10:26
الجامعات الخاصة في الاردن	م.محمود الحجاج	منتدى الاخبار وتسجيل والقبول في الجامعات الاردنيه	0	19-12-2008 22:46
الجامعات الرسمية في الاردن	م.محمود الحجاج	منتدى الاخبار وتسجيل والقبول في الجامعات الاردنيه	0	19-12-2008 17:24
المملكة الأردنية الهاشمية	م.محمود الحجاج	منتدى ألتاريخ والوثائق الاردنيه والعربيه	0	14-06-2008 07:29
نص الكامل لوثيقة - الأردن أولا	MOHCEB	منتدى عَالم الَسياََسَة	1	20-01-2008 21:10

مزايا صبايا جامعات الاردن !!!

يصبحكم في الخير ..... يمسيكم في الخيييير والنعسان يصحى ...واللي مش نعسان يشرب ميي وانا بحبش في تلفوني لقيت في الملاحظات هالملاحظة ... فرطت من الضحك عليها ... قلت اضحك