ارحموا جامعة الطفيلة من ألسنتكم

ارحموا جامعة الطفيلة من ألسنتكم

لست على مساس كبير في الجامعة ، ولا أستند على شيء في حديثي سوى على ما أسمع ، وللأسف ما أسمعه يندى له الجبين ، حتى أنني أحسست وأنا أدخل الجامعة ، أنني أدخل على غزرة ، إلا أنني فوجئت بأن الكلام منافي للواقع ، لم أشاهد على مدار أسبوع كامل ترددت فيه على الجامعة ما تردده الألسنة من امور منافية للأخلاق ، وأنا أتحدث عن مجتمع الجامعة وليس لي في ادارة الجامعة فالأمر لا يعنيني ، المهم أن من يردد هذا الكلام هم أبناء الطفيلة وأبناء الجامعة
لقد عشت فترة طويلة في حياتي الجامعية في مرحلة البكالوريوس والدبلوم العالي والماجستير ، في جامعة مؤتة ، ولم أسمع بأي إساءة توجه لجامعة مؤتة رغم أن الحياة الجامعية هي ذاتها في معظم الجامعات الأردنية ، وهنا تساءلت لماذا نحن فقط من يذيع أخبار جامعة الطفيلة ويضخم ما يحدث دون وعي بانعكاساته على الجامعة وعلى مجتمع الطفيلة ، ومن هو المستفيد من نشر هذه الأخبار ، أنا أشير بأصبع الاتهام إلى كل أبناء الطفيلة سواء شاركوا أم كانوا من المتفرجين ، نحن بحاجة إلى نشر الوعي بين هذه الصفوف لأن الأمر أصبح لا يطاق .

البارحة كان هناك مهزلة سببها شاب عابث من أبناء الطفيلة ، والحمد لله استطعنا أن نلملم الموضوع .
أخواتي اخواني
صورة الطفيلة منذ سنوات صورة مشرقة ، أرجو أن لا نساعد المغرضين على تشويهها ، الجامعة فتحت لأبناء الطفيلة فرصا للعمل وللمشاريع الخدماتية التي تسهم في إنعاش الحياة الاقتصادية والاجتماعية في الطفيلة وعلينا استغلالها،أرى أننا بحاجة إلى تكاثف الجهود من أجل نشر الوعي بين صفوف الطلبة ، والمجتمع المحلي كي ندرك دور الجامعة في خدمة المجتمع المحلي
فتعالوا كي نشعل شمعة ولا نجلس ونلعن الظلام

المصدر: شبكة ومنتديات صدى الحجاج

ابو ريان ... كلامك ميه بالميه صح وانا بستغرب ..حتى انو بعضنا بتمنى لو ماانشئت الجامعه لتبقى صورة الطفيله كما هي .... تلوثت هذه الصورة بفعل ابنائها ان كان عن قصد ام لا ... وبعل ترديد الاشاعات

ابو ريان .. انت تعلم اني ادرس في الجامعه الهاشميه .. بعض الاحيان ازور جامعة الطفيلة ... اقسم بالله وانا صادق اني اتمنى ان اكون احد طلابها لما لها ميزات على جامعتي بالرغم من البناء الحديث للهاشميه والادارة الناجحه ...

كفانا تذمر ..... اليكم يا ابناء الطفيله ... لا يعجبكم عجب ... كل الجامعات يحصل بها اخطاء ... لماذا فقط في جامعة الطفيلة يصبح غلطة الشاطر بعشرة . وتثور الدنيا ...

انا اعترف ان هناك مشوهات وشوائب ومعوقات لازدهار الجامعه ( واعني كما قلت ليس كادارة بل كمجتمع طلابي )

ولكن من ياتي هذا التشوه الخلقي للجامعه من خارج اسوارها .... من هؤلاء العاطلين (الديونجية ) اصدرو لانفسهم القاب ومناصب تخولهم بان يتحكموا بمصير الطلاب والجامعة

انادي جميع الطلاب والهيئات التدريسيه والاداريه في الجامعه والمجتمع باكمله .... لكي يوقفوا هذا التشوه ويقضوا على من يضع نفسه حكما وقاضيا عن الجامعة وعن الطفيله


فلست انتم من تمثلونا ولستم اهل لذلك ... فاغربوا عن وجوهنا وارجعوا الى مجمعاتكم وارصفة الطريق ...

فلتصل رسالتنا الى نوابنا وشيوخنا ومسؤولينا .... عسى ان نصطاد عصفورين حجر

اشغلوا وقت العاطلين واقضوا على البطاله ... واريحونا منهم

هو خلص عن جد بيكفي حكي عن الجامعة
لانه فيها اللي بيكفيها ويحمدوا ربهم اللي صار الهم جامعة مع انه مافي داعي الها
ثم انهم ....هم اللي بيجيبو الحكي لحالهم
خليها ع كل الاحوال في تبنها يا جماعة الخير لسه انا موظفة وبسمععن اشياء ما بتخطر ع بال حدا بس الواجحد بيلتزم الصمت وما بيبشع صورة الجامعة لانه فيها اللي بيكفيها

ودمتم

صح لسانك يا اسرار وعلى رأي المتل (قلة الحكي حكي)

ميسم واسرار ..مو مثل هذا الحكي اللي انتوا بتحكوه كمان بنفر الناس منها ....
المشاكل الاداريه وين ما تروحي في كل الجامعات ...
احنا ما بنحكي انه نزوق المواضيع ونحكي انه ما في مشاكل .... بدنا نحكي عن مشاكلنا بدون تهويل وانها بتصير في كل الجامعات مو بس في الطفيله .. ونوخذ بعين الاعتبار انها لساتها تحت الانشاء


واهم شي نتخلص من الي وراء الاسورا اللي بتدخلوا في الجامعه سواء على الصعيد الشعبي الي بتمثلوا في الكنرولية والدوينجيه والحبيبه الي واقفين عند الدوار مثل الرصد

او على الصعيد الرسمي .. من اللي بسموا حالهم شيوخ البلد .. والنواب واللي كانوووووووووووا نواب (ركزوا عليها هاي كانوووووو نواب )

اقتباس : المشاركة الأصلية كتبت بواسطة gladiator [ مشاهدة المشاركة ]

ميسم واسرار ..مو مثل هذا الحكي اللي انتوا بتحكوه كمان بنفر الناس منها .... ليش ينفروا منه الناس احنا بنحكي عن اهل البلد نفسهم مو بس عن الجامعة لانهم بصراحة كل اللي بيصير من اديهم وهم المسؤولين عنه اول ما يجي غريب ع البلد بيروحوا يعزموا ع المناسف والهش والنش /// وبيطلبوا شغلات تافهة لمصالحهم بس مو للبلد بشكل عام المشاكل الاداريه وين ما تروحي في كل الجامعات ... احنا ما بنحكي انه نزوق المواضيع ونحكي انه ما في مشاكل .... بدنا نحكي عن مشاكلنا بدون تهويل وانها بتصير في كل الجامعات مو بس في الطفيله .. ونوخذ بعين الاعتبار انها لساتها تحت الانشاء صح كلامك احمد بس روح شوف الحسين ايام الانشاء الجامعة اللي انا درست فيها المعانية لانهم بدهم شغل صح عملوا منها اعجوبة بغض النظر عن المشاكل اللي فيها واهم شي نتخلص من الي وراء الاسورا اللي بتدخلوا في الجامعه سواء على الصعيد الشعبي الي بتمثلوا في الكنرولية والدوينجيه والحبيبه الي واقفين عند الدوار مثل الرصد حتى داخل اسوار الجامعة هذه الفئات متواجدة في المكاتب وفي اروقة الكردورات مو بس في جامعتنا في كل الدوائر الادراية في هالبلد اللي خرابها بايدها والله يهديهم//// حتى في مجالس العجائز صارت الجامعة تسلاية الهم انا بعرف واحدة وصلت امريكا تدرس ع حسااب الجحامعة ولساتها بتسب عليها من هناك ليش مو عارفين؟؟؟؟ وبتحكي الي الناس راح تنفر ؟؟؟؟ خليها في تبنها على راي جدتي او على الصعيد الرسمي .. من اللي بسموا حالهم شيوخ البلد .. والنواب واللي كانوووووووووووا نواب (ركزوا عليها هاي كانوووووو نواب )

كلها في الطفيلة شيوخ اسم الله

عارف ليه انا بحكي هيك احمد لأن اغلب الفساد اللي في الجامعة من اهل الطفيلة منا وفينا

تحياتي احمد
تحياتي اسرار
تحياتي ميسم
اعزائي ، اقسم بالله ليس لي أي مصلحة في كتابة الموضوع هذا سوى الغيرة على الطفيلة ، قلت انني حينما اسمع الكلام الذي يقال عن الجامعة اشعر انني سأدخل عرزة حشيش ، أو ... اجلكم الله لكن لم اجد مثل هذا وان وجد فإن المسألة لا تتعدى أخطاء فردية
اختي اسرار
دعيني نغير هذا الواقع ، ودعونا لا نلعن انفسنا او نجلد ذاتنا ، المسألة أكبر من الشيوخ ومن أصحاب العبي ، ولا اريد ان اقول الخلل أين ؟؟؟ لأن هناك من الأكاديمين يسيء للجامعة ، ونحن نردد ما يقول ، وهناك من الموظفين من يسيء للجامعة ، وأقسم بالله لولا وجود الجامعة لكان الان في البيت او في وظيفة أقل شأنا مما هو عليه ، دعونا لا نرجم البئر الذي نشرب منه
أخواني سمعة الطفيلة في خطر ... تنبهوا فقط هذا ما اريد ان اقوله
الأمر بحاجة إلى نشر التوعية وليس إلى ترديد هذا الكلام ، دعونا نأخذ خطوة عملية مرة واحدة في حياتنا ونتوقف عن الصراخ ... الطفيلة مظلومة ... ونحن أول من ظلمها
أنا اتهم نفسي اولا بالتقصير ، وانا على تواصل الان مع مجموعة لمحاولة ايقاف هذا الشيء
تمنياتي لكم بالتوفيق

يا اسرار انا معك في كل اللي بتحكيه ......
انا مابحكي عن رسميات ووراق وبعثات ومصاري وابنيه وعطاءات وهالشغلات .....
انا بحكي كابن الشارع بحكي كشب بلف كل الجامعات وعارف قصص الشباب بحكي الي بقصد فيه ابو ريان انه من السمعات بس تدخل الجامعه كانوا داخل غرزة ... بس ما في من هالحكي حكي كلها اشاعات وتهويل فيه اخطاء بس مش مثل الاخطاء اللي بره وكل الاخطاء الي جوا اصلها من بره من ناس ما الها دخل في الجامعه وما بتعرف تفك الخط اصلا

بصراحه .....
انا شب وفاهم شو بصير بره ...
مثلا بتيجي بنت من بره الطفيله او شب .. بسكنوا عند عيله .. بلاقوا احسن معامله من الاهالي ناس بتصرف ك طبيعتها الطفيليه بالكرم وحسن الضيافه ... الطفايله الصح

بطلعوا على الشارع مين بلاقوا ؟؟؟ بلاقوا فلان وفلان وعلنتان واذا بدك بسميلك اياهم ... حميييييير ترباية ما في .. اصلا المجتمع نابذهم وبكرهم ... بصيروا يتحركشوا في فلان وعلنتان بس الحمد لله بتلاقي ناس يصدهم من الشرفاء واللي بفهموا في اصول الضيافه والكرم .....


هاي الشريحه هي اللي مشوهة سمعة الجامعه .. اكمن واحد بنعدوا على الاصابع ....
هل يعقل مثل هذه الشريحه هي اللي تعكس صورة البلد ... وين المثقفين وين التربوين وحتى وين الناس الطيبه اللي كل الناس بتحبهم بره الطفيله ... خلونا نتصرف على طبيعتنا والله الناس بتحبنا هيييك

بلاش نخلي اكمن واحد همي اللي يعكسوا الصورة عنا وياريت صورة صح

فهمتوا شو انا بقصد

انا بالنسبه الي هذول خطرهم اكبر من الاخطاء الاداريه ....

تسلم ابو ريان على هذا الطرح الممتاز والمعروف عنك الغيرة على الطفيلة واهلها



تقبل مروري ابو ريان