حجة الاسلام ابو قنوة؟؟؟

الاوسمة · 22-03-2009, 21:39

حجة الاسلام ابو قنوة؟؟؟

يا حبيباتي .. مليت وكفرت وعفت حالي من بلاوكين بهاذا المنتدى ..
يوم عندنا نتف الحواجب ..ويوم تفعيص لخشوم... ويوم انزال الوزن, ويوم قشط الدهن... ويوم سرطان الثدي.. ويوم جلد الارداف.. ويوم نتف شعر لخشوم... ويوم طبخة مش عارف شو .. ومرة ريما بتتحفنا بفن تنسيق الزهور .. اسرار متخصصة بتنميص الحواجب .. ميسم على علم تام باللياقة البدنية ... موضوع عن فن الولادة.. وموضوع عن فن غرفة النوم... وموضوع عن القفز الى المجهول... وموضوع عن شد البراطم... وموضوع عن طبقة الاوزون ...وموضوع عن البيبي دول .. وموضوع عن الرضاعة من الكندرة .. وموضوع عن العجيب في علم الطرنيب ... او عن نساء بلا امل ..او نساء خرجن الله لا يردهن .... او عن الحجاب بكل اطيافة والجلباب اكثر اغراءا .. او عن المايوه الشرعي او عن سهران لوحدي ... وممكن عن يا عمي اعطيني بنتك .. واحسب الله خذاها .... الى مالا نهاية
كل هذا مش مشكلة ..مهضوم ...
المشكلة لما بأخر كل موضوع .. هل هذا حلال او حرام ... ما شاء الله وكان .. يعني هامكن الحلال او الحرام .. ليش من وين نجيب حطب للجهنم ...
اصلا القايم مقام على ابواب جهنم ما عندو يامة ارحميني .. على الجنس الله وكيلكم .. معروفة فلان .. باص رقم اطنعش على الجنة .. فلانة باص رقم اثنين على جهنم الحمرا ... محسومة من اساسها ....
ايه الله وسماحة السيد ابو قنوة رضي الله عنه وسدد على طريق العصف المهتري خطاه يقول لكل اناثي وحريمات المنتدى من صبايا ونسوان خالص كازهن الى العجايز انتهى مفعولهن .. (قصدي ريما) الى الخناشير( قصدي كامل ) المتواجدون كلهم في هذا المنتدى :
حلال .. على الحلال .. حلال ...
انتفن حواجب واحلقن شواربكن ... ودخنن هيشي .. واحملن مواس كباس .. ومشارط تشبيح .. وشمن تنر ...والطعن بيرة امستل .. العب شلاليط بالحارات .. العبن حدرة بدرة .. او ساني قراني سه .. البسن جنابيز .. وشماغات ... طخطخن بالفاردات .. اتعشلقن بالباصات ... طاردن على الحمير ...
كله حلال .. مشان عيونكن .. هاي فتوة من قاع الدست .. حتى الدست حلال ..

سرن على بركة الله
بركاتك يا سيدي الشيخ ....
يا الله اسمحونا عاد ....
المصدر: شبكة ومنتديات صدى الحجاج

23-03-2009, 10:27

لكان خالص كازنا ،،، مهو عشان رخص

بس عنجد مبسوطة لتحليلك كل هالأمور اللي من زماااااااااااااااااااان بنتمناها لأنها كانت حكر عليكم ايها الخناشير التماسيح

سر وعين الله ترعاك مولاي

23-03-2009, 12:24

خخخخخخخخخ .... مش معقووووول ابو قنوة ... انا قلت الا يرجع لطريقه وينك يا زلمة وانا واقف لحالي وانت صرت تلاحقلي القصايد وابو معمر وخواطره .... بس قلت اكيد الا يرجع لعقله
انت هوون نازل تعطي فتاوي الهن والنسوان فتحوا النا منتدى خاص فينا وخذ يا بهادل وعينك ما تشوف الا النور
صاروا يشككونا في حالنا يزلمة ... هل انت رجل ... والى كل من يدعي انه رجل ... والرجل الاخضر والرجل الازرق ..والرجل الهبيله ابن الهبيله والاخوث ... والرجل المايص والرجل الخيخه والي مش عارف شوووو ...

ابو قنوة خذ مني من اخوك الصغير بطلب منك طلب ... اشلح هالعمامة واللفه واترك دفتر القيود تبع كتب الكتاب
وبلا فتاوي وفكنا منهن وارجع لقنوتك والله ما اخذها ناس بدالك .. هاي مش شغلتنا الفتاوي وما النا دخل فيها
وبكره الا يفقعنك النسوان يا كثر فتاويهن .... ويا كثر قضاياهن ..ويا كثر مشاكلهن ...
بكره بزهقن سماك .. هذا طلقني وهذا ضربني ... وانا بوخذ من عند حواجبي بس من تحت لانه بشوه وجهي .. واللي بتحكيلك بصير البس الحجاب على نص كم لانه الجو حار .... واهذيك بتقلك انا ذبحت حماتي لانها بتطلع علي في نص عيين افتي الي فيها انها لدفع الضرر ... وهذيك رايحه تيجيك وتقلك انا بقعد مع حبيبي لل 12 في الليل بس والله حب شريف .....

يا ابو قنوة .... القننننننناوي كلها مشتاقه لك
يلا قرر.... يا ..فتتتتتاوي... يا... قنننننننااااا وي
ابو فتتتوة ولا ابو قنوووة
ابو قنوة صح ؟
معناتو يلا عليييييييييييييييييييييييييييههههههههههههم

الاوسمة · 23-03-2009, 13:00

عن فقعنا ..

اشي ببط الكبد ...
صار بدها حل .. حل عنيف جدا ...
نسوان بطاطا اخر زمن ...

23-03-2009, 13:36

اخرتكم على ادينا والله

هع هع هع

الاوسمة · 23-03-2009, 13:42

بنتلاقى عند باص جهنم

23-03-2009, 13:51

ما راح يحمل غيركم وحيات شواربك

23-03-2009, 14:02

ابو قنوة الاشياء غير المحرمة وين الغلط لو الوحدة عملتها في بيتها والزينة للمرأة لكن داخل بيتها وعدم اظهارها لغير الزوج و (الحلال بيين والحرام بيين) ويبقى الاختيار لنا ولضمائرنا وانا اخدت الموضوع بشكل عام بكل جدية هي رساله وتذكير لكل النساء وعندما نقرأ ما يكتب عن حواء لماذا لا نختار ما يناسبنا ويرضي الله ونبتعد عن المنكرات

سلمت ابو قنوة باسلوبك الساخر الجذاب وسلم قلمك

الاوسمة · 24-03-2009, 13:22

ما في غلط نهائيا كلام صحيح ...

26-03-2009, 21:16

طيب يا شيخنا بس انا ما رح اعمل شي من هالاشياء لانه ما بهونلي تتعذب بسبي ههههههههههههه

إحصائية مشاركات »
عرض المواضيـع :	[+]
عرض الـــــــردود :	[+]
بمـــعــدل	0.78 يوميا

إحصائية مشاركات »
عرض المواضيـع :	[+]
عرض الـــــــردود :	[+]
بمـــعــدل	0.90 يوميا

إحصائية مشاركات »
عرض المواضيـع :	[+]
عرض الـــــــردود :	[+]
بمـــعــدل	0.00 يوميا

إحصائية مشاركات »
عرض المواضيـع :	[+]
عرض الـــــــردود :	[+]
بمـــعــدل	0.78 يوميا

إحصائية مشاركات »
عرض المواضيـع :	[+]
عرض الـــــــردود :	[+]
بمـــعــدل	0.90 يوميا

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
معاني الاسماء	حجاجكو	المنتدى العام	3	09-03-2009 17:35

حجة الاسلام ابو قنوة؟؟؟

يا حبيباتي .. مليت وكفرت وعفت حالي من بلاوكين بهاذا المنتدى .. يوم عندنا نتف الحواجب ..ويوم تفعيص لخشوم... ويوم انزال الوزن, ويوم قشط الدهن... ويوم سرطان الثدي.. ويوم جلد