مفعول البوسه !

26-01-2011, 12:41

مفعول البوسه !

blow_me_a_kiss_i_have_contact_allergies_to_tshirt-p235307996381552827stvj_400.jpg

صباح/ مساء الخير

يمكن تستغربوا عنوان هالبوست والموضوع اللي بدي احكي فيه

مبلى ما غلطتو هي الـ ( KISS ) اللي بدي احكي عنها 173[1].gif

تتسرعوش بفهمي بشكل آخر كل شي والو صورتين : 159[1].gif

حلوه وئريبه ومئبوله

بشعه وبعيده عن الفطره ومرفوضه

وهيك البوسه كمان

دائما استغربت شو سر الشعور الحلو اللي بتخلئو فينا البوسه !!
عمرك شبعت بوس من ولد زغير ؟
من امك ؟
من شخص بتحبو ؟
طب بالله شو اساسا هالبوسه هاي !!

بس ببوس ولاد زغار بكون نفسي ابلعهم بلع وبضل ملزئه ومدبئه بخدودهم ورجليهم وئيديهم وادحش فيهن بتمي يا الله بيتاكلو ولا بنشبع منهم بالمره
وبطوّل هيك سبحان الله شعور ولا احلى منو
ولا إمي !! يا حبيبي !!

بس ببوسها يم بحس حالي ماكله ازكى شوكولاته ولا آيس كريم بالدنيا !!

بتعرفوا انو بس بنبوس حدن انو ( 29 ) عضله بتشترك بهالحركه ؟!
وإنو ( 12 ) كالوري بنستهلك !! فرصه تعمل رجيم ؤسمو المباوسه
و ( 150 ) دئة ألب بالدئيئه بيدؤ البنا وبيزيد التنفس من ( 13 ) الى ( 60 ) وبيزيد ضغطنا اكنو ركضنا (100) متر !!
واثناء هالبوسه بيئل السكر بالدم لانو بنطرح ادرنالين وانسولين وكمانا بتتحطم دهون وسموم بتضر بالانسان من جسمو ،
وعلى سبيل الفكاهه آل بينصحو الواحد ئبل يسافر هالعلماء الفاضيين اشغال انو يكتر مباوسه شنو بتخليهم يسوقو سياراتهم بشكل أروأ !!
مع انو ان طارت مع اتخنها بوسه بتدومش اكتر من اكمن ثانيه !!
وشايفين شو بيسير خلالها !!!
سبحانك يا ربي !!

شو رايكم منشان نفيد ونستفيد ننزل اليوم مباوسه بكل اطفال العيله اللي بنشوفهم بطريئنا ؟!!
وبأمهاتنا لو عنا !! وخوانا وخواتنا ؟!!
مهرجان التبوييس 148[1].gif

تخيل انت ئاعد ومهموم

واجا لعندك حدن وباسك ما حتحسها بالدنيا ؟

طب انت اعملها مع غيرك تربك يبعتلك حدن وانت متدايئ يعملها معك

البوسه عنجد الها مفعول السِحِر بتحسين المزاج عمليا وعلميا فلا تبخلو باظهار مشاعركم للي بتحبوهم
ترى ممكن بأي لحظه نفئدهم ،

بتعرفوا ،
بس مات والدي ( ترحموا عليه يا جماعه )
كنت مش بالبلد
فبس رحت أزور ئبرو
أول مره بحياتي بروح على مقبره
واول مره بكون رايحه مكان تأشوف ابوي
ويكون موجود فيه
وما اشوفو !!
بس حطيت ئيدي ع الشاهد
حسيت فعلا متل زمان حاطه ئيدي ع راسو
وبعرفش شو سار فعلا حكيت معاه وسمعتو برد علي عزا !!
بس ما شفتو وما بستو وما حكيتلو اني بحبو
وولا مره بذكرحكيتلو اني بحبو اساسا !!
مع اني بحبو !!
ليش ؟!!
ما بعرف !!

كتروا يا جماعه مباوسه وتعبير عن مشاعركم للي بتحبوهم وغالين عئلوبكم

لا تزيدو تعنت وئسوه عليهم مشان برستيجكم ولا خجلانين ولا لاي سبب كان ( إلا الأسباب الشرعيه هاي بنحكيش فيها ولا عنها

)
بس بتفئدوهم ماحتسامحوا حالكم ابدا انكم ما حكيتولهم .

خلينانحكي لحبايبنا ، بنحبكم
ونحضنهم
ونعطيهم
بوسه 190[1].gif

المصدر: شبكة ومنتديات صدى الحجاج

إحصائية مشاركات »
عرض المواضيـع :	[+]
عرض الـــــــردود :	[+]
بمـــعــدل	0.14 يوميا

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
3ساعات يمكنه عكس مفعول الجلطة	حموووده	المنتدى العام	14	20-08-2009 10:30

الذين يشاهدون محتوى الموضوع الآن : 1 ( الأعضاء 0 والزوار 1)

مفعول البوسه !

صباح/ مساء الخير :hh27: يمكن تستغربوا عنوان هالبوست والموضوع اللي بدي احكي فيه :asking: مبلى ما غلطتو هي الـ ( KISS ) اللي بدي احكي عنها :173: تتسرعوش بفهمي بشكل