ياما حلا عقب العصر شبة النار

21-10-2008, 12:53

ياما حلا عقب العصر شبة النار
في مجلس كل النشاما يجونه
يلفونة اكبار ويلفونه إصغار
من طيب من هو فيه ويقدرونه
في بيت ماحطوله أبواب واسوار

ذراه من صوف الغنم ينسجونه
وفية الدلال الصفر والعود يندار
والشاي في بريق حمر يشربونة
والطرش حوله على يمين ويسار
راتع ولا يبغي هله يتبعونه
والخلف عنده كثيرات وادرار
واللي يبي من درهن يطعمونه
والجو غايم والسما كلها امطار
والبرق يبرق والرعد يسمعونه
والصيد واجد والحباري لها اذكار
والفقع نابت والبدو يلقطونه
واليا اصبحو فطورهم خبز مجمار
مفروك من سمن الغنم يفركونه
هاذي طراة الروح لاصرت محتار
أخير من بيت هله يزلجونه
(م،ن)

المصدر: شبكة ومنتديات صدى الحجاج

21-10-2008, 16:42

يا بجاد شب النـار وادن الدلالـي * وأحمس لنا يابجاد ما يقعد الـراس
ودقه بنجـر يـا ظريـف العيالـي * يجذب لنا ربع على اكـوار جـلاس
وزله الى منـه رقـد كـل سالـي * وحله يفوح وقنـن الهيـل بقيـاس
وصبـه ومـدة ياكريـم السبالـي * يبعد همومي يوم اسمه بالانفـاس
فنجال يغـدي مـا تصـور ببالـي * وروابع تضرب بها أخماس وأسداس

إحصائية مشاركات »
عرض المواضيـع :	[+]
عرض الـــــــردود :	[+]
بمـــعــدل	1.46 يوميا

إحصائية مشاركات »
عرض المواضيـع :	[+]
عرض الـــــــردود :	[+]
بمـــعــدل	1.86 يوميا

الذين يشاهدون محتوى الموضوع الآن : 1 ( الأعضاء 0 والزوار 1)

ياما حلا عقب العصر شبة النار

ياما حلا عقب العصر شبة النار في مجلس كل النشاما يجونه يلفونة اكبار ويلفونه إصغار من طيب من هو فيه ويقدرونه في بيت ماحطوله أبواب واسوار ذراه من صوف الغنم