اتعبني فراقك حيل

اتعبني فراقك حيل

بعد مانهيت أسبوع قاسي من حياتي...عزمت أطلع وأشوف الناس وأحوالها...


لبست واكتسيت أجمل ماعندي.... قلت خلني ارتاح من هم فراقها....


صادفتني شمس بغيابها وانا طالع بحلتي... منظر منه حسيت انها رجعتلي علتي...


ضليت اناظر على مد النظر وأتأمل... يمكن هالمنظر شوي ويتحول....


أبعدت عيني عن غيابها وصديت... إلا بصدتي طاحت عيوني على شجرت هالبيت...



كلها بيوت لطيور متزاوجة... راجعه من شقا يومها تبي ترتاح...


كل زوج أكثر من الثاني مرتاح... آه ياهالمنظر اللي ذبحني... وآه من شوق قام علي وكسرني...


قمت أتحسف على حالتي وأنوح... وينك يابعد هالكون وينك يادوا الروح...


حبيبي خليتني أحسد الطير بأعشاشها... ذبحني الشوق مالي الطير ومالها....


كنت دايم بعيني بشروق الشمس وبغيابها... كنت أحسد نفسي عليك تراني لك مشتاق...


وأنا من بعدك حيل ماعاد أنطاق... خليتيني وحيد بغربتي لا حب ولا حبيب...


حالتي ماتسر لا قريب ولا غريب... يعني عاجبك هالحال اللي أنا فيه...


ماعاد في شي أحس اني محتريه... وماعاد لي حتى حبيب أشتكيه...


تعبت أوراقي ماتعرف وش اللي ابيه... وجفت اقلامي من كتابة والله ابيه...


تعالي شيليني تعبت من كثر مافيني... تعبت أشكي والبكى دايم هو اللي يجيني...


مابي شي من هالدنيا غير قربك حياتي... شفتي هالطير أبي أكون مثله
بحياتي...


أبيك وعسى ربي يصبرني على كلمة أبيك.... محتريك وعسى ربي يقويني على إني أحتريك...


وماراح أخليك كلمة وردي غطاها أبد ماخليك... غابت الشمس وماعاد أشوف حتى العصافير...


يعني ماعاد لي طلعة أو اني ارتاح من تفكير... طلعتي صارت هم عند الباب محتريني....


أبشرك بأرجع لجدراني وقسوة سنيني... وبأرجع للقلم يمكن إني ألاقي شي بأوراقي يبيني

المصدر: شبكة ومنتديات صدى الحجاج