اقتباس : المشاركة الأصلية كتبت بواسطة rami [ مشاهدة المشاركة ]

"صديقي: عندما كتبت اسمك على دفتري ووضعته بين قوسين كنت اتصرف بفطرتي وحدسي وطفولتي, ليس حبي لك صديقي زينة او ورقة العبه وقت الضجر ليس معطفا البسه في محطات السفر احببت ابتسامتك الرقيقه عشقت اطلالتك المهذبه." قبل شهر تقريبا حكيت مع ابو زغيب كنت متضايق وزعلان كثير وكنت مقرر انه ما احكي ولا مع اي واحد من اصداقي بغض النظر مين هو الكل اقطع جميع العلاقات معهم وحكيت معه اخبره بهاد الموضوع مش استشيره بس اخبره وما كان بهمني راييه زعل او ما عجبه الموضوع خلص كنت اخذت القرار ورح امشيه بغض النظر عن العواقب طبعا ليش ما بعرف يمكن عشانهم ويمكن لؤم يمكن ما حبيت اشرك ناس بهمومي ومشاكلي واوجع روسهم بهالحكي يمكن لانه مالقيت مين يساعدني بحل مشاكلي ف بعدها لقيت صديق الي اسمه انس من اروع ما يكون والحمدلله مش مدح بس املك من الاصدقاء ما يغنيني عن العالم كله "الحمدلله" ف خبرته بالموضوع حكالي اعمل اللي بريحك وانت رح ترتاح بس انا رح اعمل زيك اذا عملت هيك لانه ما رح يضل من بعدك ناس احكيله واشكيله واقعد معه . حزنت كثير على حالي قبل اصدقائي وكنت عارف انها مرحلة زعل وبتعدي. اللي حاب اوصله انه الواحد مش ملك حاله وعليه واجب زي ما اصدقائه عليهم واجب باتجاهه. الاصدقاء انواع برأيي اولهم اللي تربو معنا من الصغر وما بنقدر نقطع علاقتنا معهم لانهم جزء من الماضي اللي صقل شخصيتنا وبغض النظر عن اخلاقهم وصفاتهم بنكون اخذنا واعطيناهم من هاي الصفات النوع الثاني اللي انفرضو علينا باسباب كثيرة ممكن طبيعة الحياة او الشغل وهاد النوع بنقصم لفئتين الاصدقاء الكويسين واللي مش كويسين كل واحد وحظه وهاد النوع ممكن نتخلى عنه ونقطع علاقتنا فيهم لانهم اصدقاء مؤقتين وممكن يصيرو دائمين احنا اللي بنحدد, النوع الاخير واللي انت حكيت عنه يا دانا همه الاصدقاء اللي احنا بنبحث عنهم لانه ما لقينا بالانواع التانيه مين يفهمنا ويساعدنا ويتحمل معنا جزء همه ما بقدرو وهاد النوع اكيد نادر واذا تمت علاقة الصداقه هاي اتوقع من المستحيل انها تنتهي بغض النظر شو صار بينهم. "هاد رأيي وانا اسف على الاطاله والفلسفه الزايده".

اولا لا فلسفة ولا اشي بالعكس ردك بيعني انك مهتم بالموضوع وهاد تقدير الي شكرا الك
تانيا بالنسبة للقصة اللي صارت معك انا بتصير معي والسبب انه بخاف احكي لاصدقائي لانه بخاف انهم يخذلوني او اكون بانيه امل وهم ما يحققوه او انهم يتأثروا باللي بحكي واصير بالنسبة الهم مجرد ضحية بريئة احكيها على بلاطة لاني ما لقيت اللي اوثق فيه مشان هيك عند الازمات بهرب منهم
بس الحمدلله انا بلجأ لصديقي لوحيد تقريبا اللي هو ابي

وبالنسبة للانواع المختلفة اللي طرحتها انا معك برأيك مليون بالمية