يا ناس أحبه وأحب أسمـع سواليفـه
صوتـه يشتـت همـوم عـايـش فيـهـا
يامـر وينهـي وأنـا دايـم علـى كيـفـه
أرجي ورود الهوى تنبت باراضيهـا
لا غاب عني يعيش الفكر مـع طيفـه
وإن صار عندي حياة الحـب ألاقيهـا
مسكيـن قلـب شكـى غيـبـة مواليـفـه
وغــزي لعـلـه تـعـذر مــن يداويـهـا
ظـل ظليـل علـي وأغصونـه مريـفـه
شمعة زمانـي عسـى الله مـا يطفيهـا
لا سل من نظرته لأهل الهوى سيفـه
يطيح قلبـي مـن غصـون نبـت فيهـا
لا من ضحك لي خذت قلبي تواصيفه
لا من زعل عفت أنا الدنيا وما فيهـا
لجل أن أحبه وأحب أسمـع سواليفـه
صوتـه يشتـت همـوم عـايـش فيـهـا