الـحــب عـنــدي شــي واضــح ومـفـهــوم
مـاالـعـب عـلـى الـحـبـلـيـن يـابـنـت لـلـه


انـا بــدوي تـحـكـمـنــي اعــراف وسـلــوم
اعـــز نـفــســي عـــن دروب الـمــذلــه

بـلاش مــن حــبٍ يـجــي عـقـبــه الـلــوم
ابـعــد عـنْــه يـابــنــت دقـــه وجــلــه

الـحـب كـلـمـه صـعـب تـنـطـق عـلـى الـدوم
مـاهــو مــســج ولا صــداقــة مـجــلــه

انـتــي تـحـسـبـيــن الـغــلا مـعرفة يــوم
وانـا الـغـلا عـنــدي مــدى الـعـمــر كـلــه

بـس ارحـلـي احـسـن لـي اعـيــش مـحــروم
حـبـك مـهـونــة نـفــس والـبـعــد حـلــه

وش عـاد لـو عـيـنــي جـفــت لــذة الـنــوم
مـاهـو بـنـا اول مـن خـســر شــوف خـلــه

ابـي احـتـفـض بـالـجـرح والـسـر مـكـتــوم
لـو حــل فــي حـالــي ثـمـانـيــن عـلــه

واقــول يـاقـلــبــي مــقــدر ومـقــســوم
اصـبـر عـلـى مـاجــاك واجــرك عـلــى الله