تذكر أول يوم تعرفت عليك تذكر أول محادثة دارت بيننا
تذكر يوم قلت معجب فيك تذكر ايش قلت وايش اتفقنا
قلت لي خلنا عن الحب بعيديـــن
واتصلت فيني وتبكي فاتصالك
كنت تبكي وخايف من الحنيـــن
خايف أحبك أو أعشق جمالك
كان ضميرك ما في مثله بهالوجــــود
كنت تبي العلاقة ماتتعدى الحــــدود
كنت ماتبيني أقول أحبك أو أموت فيك
كنت خايف تجرحني أو اني أنصدم فيك
والله كبرت في نظري
وقلت بتكون صديقي
ومسحت كلمة حبيبي
وقلت في نفسي الصداقة أحسن من الغرام
وقلت ان الصداقة تصير أحلى بمرور الأيام
فجأة لقيتك تموت فيني و فيك معالم الهيام
مادريت ان الصداقة بتخلق فيك هالأحلام
وكنت تلمّح فكلامك
اني أنا فارس أحلامك
أجل وين كلامه اللي قاله لي أول
وين اللي مايبي قلبي للحب يتحول
للأسف ما أقدر أتجاوز حدود الصداقـة
وهذا اللي اتفقنا عليه من بداية العلاقـة
تكون صديقي و لا تكون حبيبـــــي
تكون رفيقي ولا تكون معشوقـــــي
هذا اللي أنا أشوفه و هذا اللي بيصير
مستحيل اني أحبك مهما كان المصير
خلنا نكون أصحاب
بلاش نكون أحباب
أنا صعب اني أحبك حتى لو حـبـيـت
لأني رجال عند كلامي اذا حـكـيـت
وأظن تذكر اتفاقنا من البداية
وهذا اللي بيصير حتى النهاية
وانتبه تقول اني انسان ظالــم
لأني ما ظلمتك وربي العالــم