امبلنصك بخلقتي ...
كل يوم يا صباح يا فتاح بنصبح وبنقول يا مسهل بنطلع على الشارع ....
بعدو محله ...امبلنص نقل موتى ... ..لا حول ولا قوة الا بالله ...
شو هالصباحات الي مثل الطين ..شو هاليوم الي مثل القشل ...
ما بخفيكم صارلي كمن شهر بكتب وصيتي لانى من النوع المتشائم خلقة الله..... كيف والامبلانص محله ما تحرك .... كيف لو كنت محلي وتصابحت واتماسيت بعالمصيبة ....
لا اله الا الله .... من كم يوم تصورت حالي نايم بالامبلنص ..يعني فارط .... وشو طلع معي بالحلم كمان ...... ابو معمر غاليها بالامبلنص ......وين على التاسعة ..يعني على المقبرة ....اكلنا بيتنجان .... .وكامل قاعد جنبة بتصهون وبتعاطى وبضحك ....وقال شو... دانا وريما واليتيمة واسرار وفله والولهانه والحيرانه والزهقانة وميسم الجنوب وميسم الشمال والمغربية والملاك وعفراء وكل نسوان المنتدى عاملات زفة وهات يا سحجة وهات يا زغاريد ... جليديتور ... كان قاعد على الرصيف وبقول للناس شو في .. عرس مين اليوم .... اخونا هشام قاعد على القهو وبقرا بجريدة عمرها اطنعشر سنة ..... واخونا ابو سلطان لاحقهم بالبكم وبقول لابو معمر كله تمام حفرنا وجهزنا الطوبات خمس دقايق وبنخلص ... وبلال الحجايا معطيها على الجمل وبهيجن وبلوح بالمنديل .. نشمي وشهم بصيحو على ابو معمر ... يا ابو معمر نسينا نغسلو ... وابو معمر بقول عمره لا تغسل .... خليه بوسخو .. الفايع قاعد بصندوق بك اب ابو سلطان ومعه دلا قهوة وقفة شميمتو ... الي قاهرني ..حجاجكو ... مربي الدقن .ولابس دشداش فوق الركبة بمتر .... وشو بقول لكامل ... ولك يا كامل بعرفش شو اقول على المقبرة ...شوفولكو شيخ غيرى ..... انا مش حافظ الفاتحة..... دبرو حالكم ...... جليديتور برد على حجاجكو ويقول حط بالخرج مين سائلك ... حط معا بكيتين دخان بالقبر ودشره ...ثاني يوم بتلاقي بخلقتنا ......
صوت زفير بخلفية الامبلنص ... وصت يقول ..شو في مين جاب سيرة الدخان ... اعطوني سيجارة .. على السريع ...
كامل ينظر للخلف ويشاهد مومياء ابو قنوة ملفوفه بالابيض .. ما اتحمل ..فرط كامل ونام محل ابو قنوة على المطرحه ... على طول ابو قنوة جلس مكان كامل بجانب ابو معمر ... وين رايح ... ابو معمر يرد على المقبرة كنا بدنا ندفنك .. وهلا لازم ندفن كامل ... ... ابو قنوة يرد .. ما بصير كامل وصاني اذا فرط ... ندفنه بالحفاير ...علشان الذكريات الي بالي بالك ..... ابو معمر يقول معاك حق ...وينك يالحفاير علشان عيون كامل تكرم مرج عيون ..... وهكذا كان ؟؟؟؟؟