محلاها الكلمة الباهية

محلاها الكلمة الباهية إلي تحسها من القلب خارجة
محلاها كلمة مبينتناش
محلاها كلمة وينك تحيرنا عليك
محلاها كلمة سلامتك وربى يسعدك
محلاها الناس إلي تحكي عليك بالباهي في غيابك
محلاها كلمة يرحم والديك
محلاها كلمة يعطيك الصحة

أمور صغيرة ينجموا برشا يراوها بلا قيمة
اما تسعدنا وتفرحنا
الدنيا هذه الكل ماخذة بالخاطر والمحبة والعشرة ماتدوم إلا بجبر الخواطر
ويا محلاها كلمة راك اخت ولا خو بالدنيا
هي الكلمة محلاها أما الي احلى واحلى كي يجي بعدها الفعل المزيان والمعاملة الباهية
محلاها كيف تكون نظيف في قلبك لا تحقد لا تحسد ،
محلاها كيف ناس تحبك في الله وتقلك محلاك ومحلاها طبيعتك
ربي يرزقني وإياكم بالناس الي تطيب خاطرنا وتاخو بخاطرنا وتقول الكلمة الباهية الزينة
الدنيا فانيه و يا سعد من ياخذ بالخاطر

المصدر: شبكة ومنتديات صدى الحجاج