بعد اذنك ابو قنوة ممكن افش غل هالواحد عندك هون
العيد قرب يجعلكو من عواده انشالله .......... والذبايح عند الدار انشالله بيصل اجرهن قولوا انشالله ......( هو خروف واحد)
والولاد لبسناهم اواعي العيد الي فات ........ بس في ولد طلع ملوعون والدين وبفهم وما قدرنا نمشيها عليه ونلبسه اواعي العيد الي فات وحاسبها صح انه اواعي العيد الي فات صيفية........ وقال يابا بلكي اجا منخفض واحنا لابسين نص كم شو نسوي ...... ولك اسكت لا تشيط اخوانك ويعملوا ثورة ضدي وهات يا اواعي ..... احنا يادوب لملمنا حق الخروف المسكين ........ اسكت... لأ الدنيا حر انشالله يا يابا ولا تخاف اذا فيه منخفض بتقعد في الدار وبتنكب ع وجهك شو مطلعك برة في البرد ......... المهم المرة بدها حلو وجاي عبالها تغير سجادة غرفة الضيوف لانه اخوها جاي من الامارات ع العيد وبطل ناس يديّنا ....... فكرت وفكرت ومالقيت غير هالحل

اني اطلع انا وعيالي ومرتي على الوعر ( ارض وعرة ) ونوخذ معنا هالخروف ونذبحه هناك لانه ما بنقدر نصيد لانا في الاشهر الحرم والصدقة بتجوز علينا ف رايح اذبحه واوزعه على الولاد والمرة
وما نستقبل ناس ولا بنروح ع ناس......... مش هيك احسن اقل ما فيها بنحافظ على اواعي العيد الي فات وبلبس الولاد بذلات فوتيك وبساطير

فشة غل مواطن عنده عشر ولاد كان معي في الباص اليوم