الموضوع: حكاية ضمير
عرض مشاركة واحدة
قديم 04-11-2012, 10:40   رقم المشاركة : ( 1 )

 http://sadaalhajjaj.net/vb/images/name/3.gif



 
لوني المفضل : darkgreen
رقم العضوية : 1847
تاريخ التسجيل : 14 - 11 - 2009
فترة الأقامة : 5599 يوم
أخر زيارة : 28-02-2015
المشاركات : 1,319 [ + ]
عدد النقاط : 122
الدوله ~
الجنس ~
M M S ~
MMS ~
 
 
 الأوسمة و جوائز
 بينات الاتصال بالعضو
 اخر مواضيع العضو

حسين الحراسيس غير متصل

افتراضي حكاية ضمير



كتبها : حسين الحراسيس


منين جبت حكاية الضمير

هو بعده عايش واحنا فكرناه مات من زمان

انت المتني كثير بحكاية الضمير

بعد ما ارتحنا منه وبقينا عالحرير

انت مابتعرف انه عملنا هالوطن مزرعة

وصرنا نصدر اخلاق ووطنية

والناس بتحكي علينا وبطلنا نسأل

والفضائيات بتسب وبتحلل واحنا بنكذب


والكتاب في المواقع بتجلد

واحنا اذن من طين واذن من عجين

والمنظمات الدوليه بتصنفنا في الاخير

واحنا بنقول احنا شعب غير مثقف غير مدرك غير واعي

وبلا ضمير

مشان يفقدوا الامل فينا

ونقنعهم انا شعب ثالث

وكل اشي عندنا بصير

انت ما بتعرف انه ورثنا الوظيفة ولادنا

وبتظل الكرسي النا ولولادنا

و مابتعرف انه صار عندي شاليه على البحر

ومزرعة في الاغوار وفيلا في عبدون

وبلاش اكمل من الحسد

حتى الحسد بطل ينفع ويسال فينا

اذا بتفكر اني بستنى راتب واجار بتكون غشيم

وبتفكر اني بنافق وبكذب بتكون غشيم

و بتفكر اني ما بصلي بتكون غشيم

وبتفكر اني بطلت المشروب برضه انت غشيم

وما بتعرفني مليح

وما بتعرف شو صرت

ووين وصلت

انا بتوقيع صغير

او عطاء مدرسة او طريق

بغير الحاضر والماضي

اذا بدك اشي حاكيني

او جرب مر علي

او جرب تلفون صغير

انا واعوذ بالله من قول انا

اللي كان شريف خليته حرامي

واللي كان ناصح خليته ضعيف

واللي كان وطني اهههههه

خليته يشتري جرابات يدفي رجليه

وجاي تنبش قبر الضمير

و تحكي عن جماليات واخلاق

و تسولف طش في طش

اصحى اصحى اصحى

وخلينا نشوف واحد ننصب عليه

بلكي اللي بتقول عنه ضمير

ينام في قبره ويبطل شخير



  رد مع اقتباس