تـمنيتك مـعي يا ابوي تـبـــدل خوفي اطمئنـــان ... يـا أغـلى من رحل روحي تعايدك بوجداني
تـطوف الذكرى في قلبي تصحي خافقٍ شفقان ... وتـصرخ فيي اقداري ماعاد يرجع لك ثاني
واضـيع وتـنولد دمعة على خد الرجا حرمــان ... واصـيح ويحترق صوتي يا ابوي وتعيد احزاني
يـخذلني نـهار الـعيد لا قـبل يجرح النسيــان ... وذكرتك والحزن ينثر دموعه في ارض حرماني
دعـيتك طـالت الغيبة وفاضت فيني الأشجـان ... ودعـيت الله يـساعدني على تخفيف اشجاني
ورجـعت اعزف لاعيادي نشيد الارض للانسان ... لأن الارض تـبقى وعـمرنا وحده هو الفاني
تـمنيتك يا ابوي مـعي بـالعيد يا قلبٍ يعرف الغفــران ... لـو ان الـمستحيل اصعب تخطيته على شاني
يـا ويل اللي رهن عمره لحلمٍ طاف والوجــدان ... وانـا حـلمي رغم صغره من التعذيب اعياني
فـي يوم العيد زارتني مشاعر ترفض الكتمان ... تـقـيد بـداخـلي نــار اغلفها واخبيها بـكتماني
تـعيش بـداخلي صـورتك تردد معظم الأحيــــان ... وويـن اهـرب مـن الامي وانا الالآم عنواني
اهداء مني لوالدي /ابنكم احمد/
=============================