اللهم صلي وسلم وبارك على محمد وآل محمد وصبحه أجمعين


الاستعداد لهذا الشهرالكريم وتعويد النفس على الطاعات
والبدء باصلاح انفسنا والسعى الى رمضان
اكثر طاعة وعبادة وقرب من الله تعالى


لازم تصلح نفسك : إصلاحات قبل رمضان .







1 – إصلاح علاقتك بالله عشان ربنا يفتح علينا .

لازم تعرف إن فيه خمس سنن في فن معاملة الله :-

1-على قدر مقام الله عندك على قدر مقامك عند الله

2 – من جعل همه هو الله كفاه الله هم كل شئ

_ {إِنَّ الَّذِينَ قَالُوا رَبُّنَا اللَّهُ ثُمَّ اسْتَقَامُوا تَتَنَزَّلُ عَلَيْهِمُ الْمَلَائِكَةُ أَلَّا تَخَافُوا وَلَا تَحْزَنُوا وَأَبْشِرُوا بِالْجَنَّةِ الَّتِي كُنتُمْ تُوعَدُونَ }
فصلت30

3 – لا تلتفت عن الله فيلتفت الله عنك
( لازم تعرف أن أول عقوبة تنزل بتنزل على القلب )

4 - لا تؤثر شيئا ً على الله فبعذبك الله به
لَّوْلاَ كِتَابٌ مِّنَ اللّهِ سَبَقَ لَمَسَّكُمْ فِيمَا أَخَذْتُمْ عَذَابٌ عَظِيمٌ
الأنفال68

5 - لا تبدل فيبدل الله عليك

{فَبَدَّلَ الَّذِينَ ظَلَمُواْ قَوْلاً غَيْرَ الَّذِي قِيلَ لَهُمْ فَأَنزَلْنَا عَلَى الَّذِينَ ظَلَمُواْ رِجْزاً مِّنَ السَّمَاء بِمَا كَانُواْ يَفْسُقُونَ }البقرة59 ... ممكن يكون سبب راحتك يتدبل ويكون هو مصدر عذابك .

والعكس ممكن يحصل :
{إِلَّا مَن تَابَ وَآمَنَ وَعَمِلَ عَمَلاً صَالِحاً فَأُوْلَئِكَ يُبَدِّلُ اللَّهُ سَيِّئَاتِهِمْ حَسَنَاتٍ وَكَانَ اللَّهُ غَفُوراً رَّحِيماً }
الفرقان70



2 إصلاح علاقتك بالقرآن :

لازم يكون شعارك لن يسبقني إلى الله أحد .

وهنا عندنا مشروعين :

أول مشروع :
مشروع الفائقين . ورد قرآن يومي فتتفوق فيه تفوقا ً . بمعنى خلي القرآن في الشهرين دول كل حياتك ليل مع نهار متصل بالقرآن ، وردك يتقسم لجزئين جزء بالنهار وجزء بالليل

بعد كل صلاة ربع أو ربعين قرآن لكن , خلي بالك أهم شئ الخشوع ، عايزين نربط قلبنا بالقرآن .

المشروع الثاني :
حضر وصلي اسمع وصلي اقرأ وصلي

لكى ورد يومي ، جزء مثلا ً ، إما هتحضر هذا الجزء من المغرب للعشا من أي سلسلة ولتكن سلسلة تفسير القرآن
وبالمرة تاخد كتاب في عليين وتصلي بيه بالليل
أو تكتفي بسماعه من شيخك الذي يؤثر فيكى أو تقرأه
لكن , مش هنسى الخشوع



3 - إصلاح حال قلبك مع الله .

لازم تحافظ على كل عمل بتعمله مع الله
إوعي تتكلم ولا و تفعل ، جه وقت الفعل :
{يَا أَيُّهَا الَّذِينَ آَمَنُوا لِمَ تَقُولُونَ مَا لَا تَفْعَلُونَ }

الصف2
وصدقوني لو لم تعمل كل إلي في قلبك هيروح منك .

قواعد اتبعها عشان تصلح قلبك :

* وحد غذاء قلبك :

{مَّا جَعَلَ اللَّهُ لِرَجُلٍ مِّن قَلْبَيْنِ فِي جَوْفِهِ }

* فرغ قلبك من أي هم :
انسى همومك
* اعتبر قلبك منطقة عسكرية ، مافيش حاجة ممكن تقرب ، وتذكر وانت بتقول اللهم نقني من خطايايا

* استئصل أي مرض في خقايا قلبك الآن بدل ما يفجأك بعد كدة



4 – إصلاح الهمم والهمة :-

عارفيين قصة لما عبد الله بن سلام جالس مع الصحابة وهم يقولون لو إني أعلم أكثر مايحبه الله لفعلته فنزلت :
{يَا أَيُّهَا الَّذِينَ آَمَنُوا لِمَ تَقُولُونَ مَا لَا تَفْعَلُونَ }

صدقوني كتير بنتكلم وبنقول نفسي أعمل
ونفسي اشتغل بس مش لاقي فرصة
إوعي تقول كدة إعمل إلي تقدر عليه وإلي متاح الآن
وصدقوني هتلاقوا أمامكم متاح بس
اصدق في النية ، أي عمل متاح لكم بدل بصدق نية
أكيد ربنا هيحبه منكم .



5- إصلاح لياقتك الإيمانية وعزيمتك واستعدادك للمجاهدة : -

* خليكم جبل في ثباتكم .. في عبوديتكم لله .

* البطل بطل من اول موقف بيتعرض ليه

* إوعي تفوتم طاعة ممكن تعملوها لله
، إوعي ، حاذر إوعي تترك مجال للسبق إلى الله

قارن :
كانهم بنيان مرصوص ، وكأنهم خسب مسندة ..
الأول بيصف المؤمنين ، والثاني بيصف المنافقين .

* لازم تعرف على قدر سبقك الله على قدر عطاءات الله لك . وتفوقك في الدين .

* لازم تعرفوا إن الحل جواكم ،
إوعوا تقفوا في علاقتكم مع الله ، كملوا مهما حصل
حتى لو وقعتم قوموا وواصلوا



6 - إصلاح هدفك : -

متقولوش أحنا داخليين الدين عشان عايزيين
لأ إنتم بتعملوا للدين عشان تعطوا ، الدنيا مش مجال عطاء .



7 – إصلاح البنية الأساسية لديكم :-

لازم تأسسوا نفسكم صح ، تأسسى هدفك صح ،
خلي بالك إن أساس العمارة هو إلي بتقوم عليه العمارة ،
برغم إنه الجزء الوحيد إلي محدش بيشوفه ،
عشان كدة اهتموا بقلبكم ، اهتم بإصلاح الهدف بداخل قلبك
ابدأوا في بناء أنفسكم
خلي هدفكم أكبر من مجرد خطوة هتعملوها

وكما قالت حبيبة قلبي مني رشدي
(اناس يغسلون وجوههم دائما ولا يغسلون قلوبهم)

قواعد :

{إِنَّمَا الْمُؤْمِنُونَ الَّذِينَ آمَنُوا بِاللَّهِ وَرَسُولِهِ ثُمَّ لَمْ يَرْتَابُوا وَجَاهَدُوا بِأَمْوَالِهِمْ وَأَنفُسِهِمْ فِي سَبِيلِ اللَّهِ أُوْلَئِكَ هُمُ الصَّادِقُونَ
الحجرات15
إعرفوا إن الدين مراحل ، ولازم تحددوا مرحلتكم صح
وعلى أساسها هنبدأ
وعشان هو مراحل لازم نواظب عشان نرتفع
من مرحلة للي بعدها

قواعد جدول خطوة أولى إلتزام :



1 - التلبية الفورية فور سماع الآذان

وتذكر أن الحج مبني على كلمة لبيك
اقطع كل حاجة في حياتك ، متقولش خمس دقائق وأقوم
مش ربنا إلي يتقله استنى خمس دقائق وأجيلك
طبق الحديث : كأنه لا يعرفنا ولا نعرفه
خلي بالك إن الآذان خمس ابتلاءات لك
ياترى هتلبي ولا ؟

2 - ورد قرآن .

3 - السنن الرواتب ..
ممكن نضيع بيت في الجنة
ممكن
نضيع ركعتا الفجر خير من الدنيا وما فيها

4 - صلاة الوتر ... ثواب فرض .
5 – ركعتي الضحى .
6 - أذكار الصباح والمساء .
7 – أذكار بعد الصلاة .

8 - الصيام ... الإثنين والخميس
بدل مانصدم في نهار رمضان بفشل في الصوم لطول النهار .

9 - سنة السواك .

10- القيام .



8 – إصلاح أو استصلاح جوارحك

خشوع قلبك من القرآن ، بكاء عينك من الخشوع |
، توقف لسانك عن كل مايسيئ ،
لا تسمع أذنك إلا ما يزيدك إيمانا ً ...
مينفعش نعصي ربنا بحاجة خلقها لينا ... لازم نتوب .



9 - إصلاح قدر الدين في قلبك :

أخطر نقطة . لازم يكون دينك أغلى عندك من حياتك ،
شوفى أم كلثوم بنت عتبة بن أبي معيط لما آمنت
ووالدها فرعون من فراعنة هدم الدين في مكة
وكتمت دينها ورفضت الزواج
وهي بنت زي أي بنت نفسها تتزوج
وهاجرت بعد صلح الحديبية ، لوحدها في طريق كله
قطاع طرق ، كانت عارفة إنها ممكن ترجع
ممكن تتقتل ، لكن مهمهاش شئ إلا دينها
ونزلت فيها سورة الممتحنة ، والإمتحان العظيم
إلي مرت بيه ،

خلي بالكم كل واحد فينا هيمحتن
ياترى هيكون دينه أغلى عنده من أي شئ ؟؟؟؟؟؟

لما يكون تلبية النداء لديك
أغلى عندك من صفقة بمليون جنية
خلي بالك لما يكون عندك أقل قدر من الدين أغلى عندك
من أعظم قدر من الدنيا .... ساعتها
ساعتها ... إن شاء الله نوصل



10 - إصلاح قيام الليل والدعاء :

إوعوا نيجي في رمضان نلاقيكم رسبتم في إمتحان القرآن
والقيام
لأنكم في 11 شهر قبل رمضان نمتم
مش قادر تتأمل في القرآن ،
مش قادر تكمل صلاة التراويح والقيام

لازم نهتم يا جماعة ، قبل ما ننكسف أمام نفسنا في رمضان .

تلك إذ ً عشرة كاملة

الخطة : رمضان = قرآن ودعوة وصنائع معروف

الواجب :

* ربع قرآن بعد كل صلاة بخشوع .

* مشروع حضر وصلي أو اسمع وصلي أو اقرأ وصلي .

* مشروع التدريب على الصيام : بصيام إثنين وخميس .

* مشروع الأسر
* مشروع الدعوة إلى الله _ وإيقاظ النائمين
_
توزيع كتيبات صغيرة عن فضائل رمضان
ان امكن ذلك

اخراج صدقة



جدول خطوة أولى إلتزام

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 937x542.
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 892x539.

م/ن للأمانة