يا ويل البي يا امي بكيتني الله يسامحك يا عمو
بي هو في اغلى من الام والله ما في والله غير اللي انعم علينا بهالنعمه ، ربنا احب النا ورسوله صلى الله عليه وسلم اما والله غير هيكت ما في ابدن
بس جيت بدي اولد لين ، كان عدة امي بعد وفاة الحاج خلصت
فحبيت شني ما صحلي انزل الاردن شوفها لظروف اقامة
انو جيبها لعندي ،
اجت يوم الخميس
وكانوا طلعوها ليلة الؤربعا من المدينة الطبية
هي صحتها تعبانه جدا يا روحي وحكت لو بدي اروح ماشيه غير اروحلها رغم ان اخوتي ما حد ئابل هالسفر ولا طبيبها اصلا
والحمد لله اول فتره صحتها هون تحسنت والله بس شفتها عالكرسي الجرار بالمطار روحي طلعت
ربك اراد بعد ؤسبوعين ئبل ولادتي بؤسبوعين تئريبا ، يسير معنا حادث سير ، السياره تعجنت تعجين
ابو عمر مغمى عليه ومحبوس ما عم يعرفوا يطلعوه
عمر ابني شايلتو ئيدين غريبة من ئيد لئيد
والوالده سحبوها تطلعوها ومرمية ع الأرض
اقسم بالله ولا شايفه الا هي !!
عيوني ما انزاحن عن عيونها خوف تغمضهن بجوز لو غمضتهن متت بأرضي
تعرفنا على جماعه سوريه من الحادث الرجل وئف كنو اخ واكتر معنا يومها
بحكيلي يومها الكل مو مفكر اصلا الا بحالتك انتي ئد ا كنت منهارة وانا والله ما انا شايفه غيرها ولا واعيه اصلا شو بساوي !
كاينه صرخ عليهم المتجمعين ان هداك ابني راقبو اللي حاملو !!!
ويحكولي زوجك منيح هدي شوي وارد عليهم لا مو منيح لو منيح كان ما خلاني وائفه وسطكم !!
خخخخخخخخخخخخخ كاينه ابهدل بالناس شر البلية ما يضحك انا الخلايجه بحوبهمش !!
بس اجت سيارة الاسعاف ، وطلعوا ابو عمر وتأكدنا عمر بخير
وهي طول الوئت بتحكيلهم افحصوها هي حامل بالتاسع شوف احنا بشو وهي بشو الامهات ولا حبه حزينات
شالوها وضلت بالعناية المركزه تلت ليالي ما شفنا فيهن نوم ولا اكل ولا راحه اساسا يكحشوني كحش من الغرفه ممنوع ندخل وادخل سرئه !
ولان ولادتي قيصرية بولدش طبيعي تعمدت اخرها ئد ما فيني منشان اعطيها ابر السكري وحممها ودواها بدو مراقبة بعد خروجها من المشفى يعني
وحصل ان ربنا اراد اعاني من ابرة التخدير وتأثيرها وطلعت عمسؤوليتي من المستشفى مشان رعايتها شنها بتخجل من ابو عمر

وبعدين هي كانت كل ما احني ضهري احممها او هيك اشي
يا حرام تبكي وتحط ئيدها عراسي وآل تعتذر تجلطني بهالحركات جلط يا بي شو عز علي شوفتها هيك
امي طول عمره امرأه قوية جدا وسندنا كلياتنا اساسا محور العالم النا امي !!
بس سافرت .. تكمل علاج بالمدينة الطبية شنو هون بدل يعالجوها زادوا كسور جسمها ضرر ، حكينا ترجع هناك احسن واول ما لين يسمحو تطلع بطياره الحئناها
ما كان ممكن اطلع معهم ع المطار
بس طلعت من البيت ، رحت عسريري وضليت ابكي كل اللي مخزن من هالفترة !!
جيت بدي ئوم لين بتبكي
ما حسنت حكيت آه من العملية يعني اجا عمر عند رجلي ،
وباسها اقسم بالله ما بألف حرف
باسها كيف ما كنت ببوس رجل امي العيانة
وحكالي : معلش حبيبي ماما ومسح بئيدو على جسمي بطبطب علي !
والله حسيت لحظتها الملائكه حوالي بتؤلي شفتي صورة من عملك لامك نفسها حرفيا ابنك عملها !
يا الله الام !!
ولا في بالدنيا كلها لا اغلى ولا اهم منها ابدا !
موضوع بجنن يا عمو اما انا خلصت على اثره !!
مشتائالها كتير والله !
خليك بمواضيع السناديئ في بوليفيا بطلت احتج شنو هيك مواضيع تأثيرها نيله
انيسه هرت بدنا من ؤسبوع ببر الوالدين بكفي خلص كفيتو ووفيتو