شبكة ومنتديات صدى الحجاج - عرض مشاركة واحدة

07-06-2011, 13:55

اقتباس : المشاركة الأصلية كتبت بواسطة بطوش [ مشاهدة المشاركة ]

العزيز الورد الحزين او العزيزه
حلوات الصور بس بخافو منهم ضعفاء القلوب ياريت المره الجايه تحط ورده بكون احلى

أنو ضعاف قلوب ؟

نحنا بنعجبك عمي ئد حالنا ولا بنخاف اشي الا الحشرات ، والجماعه تبعول بسم الله الرحمن الرحيم اسكنهم بمساكنهم ،

غير هيكت بنخافش

بس بذمتك وضميرك .. هالأصنام ما هي شنعه وبتنفر العين والروح ؟ ولو انك شفتهم وانت ماشي فجأه بالله ما حتنؤز ؟

احكيلك هالموقف ..
هادا رحنا ايام الجامعه رحله على مصر ، بمتحف القاهرة فيه هناكا فرع خاص بتدخلو بدخوليه خاصه .. مخصص للمومياءات المحنّطة ..
عاملينلو جو بيعرفوا يتاجرو بالسياحه شطار آل خمسين جنيه لو بعرف هيك خليت الخمسين جنيه شريت فيهن اكم صحن كشري احسنلي !
المهوم دخلنا ..
عميد شؤون الطلبه كان دكتوري وهو عمو وكبير وعارفني رئيس قسمي ..وعارفني ، هو المفروض بس شفتو مصمم ادخل انا فهمت انو ما ادخل
ودخلنا هالمقبرة ..
آل حاطينلي جثث بسناديئ زجاجية محنطه
عليهم وع اللي جرالي
انا اللي ئتلني وخلاني بدي انفجر
في واحد من اللي معنا من شباب اتحاد الطلبة .. وانا صدقا لا عمري حكيت معاه ولا عرفتو غير بهالرحله تشفت وجهه
آل شو عامل.. هو من الحجايا .. وكان مئضيلي الرحله صافن ويغني : انا اشهد ان البدو حلوين !! ريتو سنحو شايفني لابسه ثوب وداقه وشم على لحيتي مثلا ؟!!
المهم آل كوّع على تابوت منهن على جثه محنطه لسيدة فرعونية يبدو سوداء البشره
مكوّع ومنشكح عالآخر وصافن !!
انو افهم عشو منشكح ومبينات سنانو للطواحين !!
اجيت عندو وانا بعرفوش
بؤلو : ممكن لو تكرمت تحكيلنا شو شايف بلكي ننشكح بالمعية ، انا من ئد ما انا بدي انخنئ بدي حد ادؤ فيه افش غلي من خسارة المصاري وئلب المعده ..
طبعا هو ضل صافن بالشِــقفه اللي بالتابوت ومنشكح عالآخر
وانو دكتورنا يسمحلي اطلع ابدا !!
عموما خليهم بستاهلو شنو انا فضحتهم .. استفرغت بنص المتحف

إحصائية مشاركات »
عرض المواضيـع :	[+]
عرض الـــــــردود :	[+]
بمـــعــدل	0.14 يوميا