شيل المطرة وأرحل
أصلو خريفك منك عافي
لمّن ترجع أغزل فرحك
من السحب الرامية عوافي
خلّي الكلمة حنينة بتعرف
وين المطر البنزل صافي
ووين الزول الأخدر جرفو
زولاً ..قاعد فينا..و..مافي
ليه بتعوّد زولك إريدك
باقي كلامك ليهو مرافي
ولمن أبحر ضد الواقع
أصبح بُعدك عنو منافي

ليه بتفارقو وانت معاهو
أهداك الريد أشعار وقوافي
وكلما تبعد عنو سواحل
موسم مدّك يصبح جافي
مابيضيع احساسو الزارك
شكّل فيهو الموج الوافي
أوعى تشيل ياقلبو الحسرة
أصلو الريد العُذري ..خُرافي
فاكر الحِس بنعيشو مَدَسة
فاكر الشوق عن غيرك خافي
سامعو..بردّد إنك واحد
لسّه مَيَقّن.. زيّك ..مافي.