رد: يا ايها القم صبرا ...
المصايب علمـتـني كيـف وقـفات الرجـال= وكشفت ناساً توارى خلف زيف الأقنعه
به رجالً بالمصايب شامـخـه مـثـل الجبال= وبه رجالً مثل ريشه في عجاج وزوبعه
التفت بيوم ضيقي عن يمين وعن شمال= كنت أدور وين شخصاً دايماً واقف معه
كنت احسب انه حزامي بالشدايد والنزال= كنت في كل المجالس امـدحـه والـمـعه
وانـقـطع حبله بـيـدي يـوم شـديت الحبال= حـبله الـواهـي بفعله يا اخوتي قـطـعه
اكـتـشفـت انه خرافه مثـل بيتـاً من رمال= مثل مركب في عباب الموج ماله أشرعه
اكـتـشـفـت انه خـرافه يا اخوتي من خيـال= قصةً تنـسج وتـحـكى والمغـفل يسمعه
ياعـسى اللي مثـل هـذا يا اخوتي للــزوال= حيـث مابه يا اخوتي في حياتـه مـنـفعه
ياعساه يـكـون فـدوه للـزحازيح الثـقـال= عزوتي وقت الشدايد والسيوف اللامعه
فـدوة لعـيال عــمي والمـحـبـيـن الخـوال= محزمي وسلاح حربي في نهار المعمعه
فـدوة للعـصبة اللي كالمـنـيـفات الطـوال=آل يحـيـى ياعساهـم بالـنــبـي مشـفـعـه
والله ان اللي خذلني رجعتي يمه محال=لايـفـكـر يوماً اني عـن مطيحه بارفـعه
والله ان اللي خذلني مايساوي لي ريال= بـعـت وده وانـتهـيـت من عـلاقاتي معه
وآه من حـكي بـفـمي هويقـال أو مايقال= والله اني لجل حشمة من حشمت ابمنعــه
وياجزى الله الشدايد خير ياعيال الحلال=أكشفت ناسً توارى خـلـف زيـف الأقـنعه
راق لي
|