رد: حبطرش ؟؟.
بحبطرش الواحد بسرح مع زمانه :
بيوم كنا مروحين من مبارة بين نادي كان اسمة نادي الجيل هذا تبع الشيشان مش تبع الشركس لانه كل اشي بهالبلد مقسم ومعروف لمين ..
المهم ركبنا الباص من البلد مساء وكان ابو كريم بتشديد اليا كان هو الكابتن الرحلة .
كنا ثلاثة وانا رابعهم ...
جلسنا باخر الباص وكان بالباص بنتين من بنات جيرانا ...
واحدة اسمها ريتا والصغيرة اسمها رويدا ابوهن كان عندة مطحنة بماركا .... وهن نصرانيات ...
الله يستر على ولاياكو ........
ركبنا بالباص وياريتنا ما ركبنا .......... مشى الباص وصرنا نغني لانه كنا مبسوطين ليش ... لانه الجزيرة كان مازع نادي الجيل 3 صفر ...
المهم بلشنا نغني ونمزح واصواتنا عالية واحنا مش منتبهين انه راكب معانا ريتا واختها........... رويدا ........................
وصلنا عند اول طلوع الهاشمي وكان المخفر هناك .... نزل ابو كريم الله لا يسامحو ............... نزل شوي غاب خمس دقايق ولما حضر كان معا شرطي وواحد من التعقيب ... طلعو بالباص واحنا يا غافل الك الله .......
كل واحد منهم مسك اثنين منا ........ايش......... شو في ......... شو الموضوع .........شو صار............ شو القصة ...........ما بنعرف ... المهم هبدونا ورمونا بالنظارة .. النظارة كانت مساحتها مترين بثلاث وفيها حوالي عشرين ازعر .... ومن ضمنهم احنا ...
الساعة عشرة سحبونا من النظارة لوين لعند التعقيب ... طبعا احنا مش مفرقة معنا ..........لانها مش اول مرة بنندك بالحبس من وراه الزعرنة ...
المهم اخونا تبع التعقيب قال انه تهمتنا هي......... تحرش........ مع سكر......... مع عربدة ................ واحنا الله وكيلكم لا تحرشنا ........ولا كنا سكرانين ...........ولا عربدنا ...............ومش عارفين شو القصة ... طيب مزعونا كم كف وقالولنا اقلبو وجوهكو وروحو ........روحنا ...
وصلت البيت .... ريتا الله لا يوفقها على عملتها ..................سولفت القصة لامى الله يرحمها ويرحم مواتكم .............. وامي خافت علي............ وسولفت القصة لوالدي الله يرحمو ويرحم مواتكو ........................والدي ما كانت تفلرق معاه لو ظليت بالسجن سنتين ............................. ليش لانو يئس مني ...........و كان عارف اني ازعر........... وما مني فايده........... وظل قاعد يستناني .. لما روحت على الدار .. سألني سؤال واحد ( وين كاين ) قلت له بقرا عند فؤاد ......وفؤاد هذا صديقي .............. ومن اهمل خلق الله ...طبعا لانه الطيور على اشكالها تقع ... المهم والدي قال لي ...عند فؤاج ها .... والله للعن ابو ك على ابو فؤاد معاك......... يا هامل ................... وبلش لعقال يخبط ويهبد ويجبد لحد ما ستواني .... وكالعادة رفش ببطني وكتله نصها موت وحمار ما بوكلها ....
بعد كم يوم فهمنا القصة ...
واحد اسمة ابو رمزي ................. كان بالباص وما عجبو نغني طلب من ابو كريم احضار الشرطة وهكذا كان ....
ابو رمزي بعد كم يوم نازل بقزدر من قدام قهوة ابو محمود ... لمينا حالنا ولبدنالو علة الزقة الي بفوت منها على دارو .... هو فات من هون واخوكو ما يكون خياب ....................مرينه خشب وعلى حرفها .............هبدتو .....هوا........... بتبطح بغل .. وفركناها ........وابو رمزي مش عارف مين الي هبدو..... ابو رمزي اياه ظل يلف علينا بالقهو اسبوعين علشان يعرف مين الشرير الى سمطو .... وبعدين ما حصل شىء ....................... وفارقنا .......
المهم عندنا ايامها انه ما ضيعنا ثارنا ..... ورحنا بنفس الليلة وكملنا السهرة عند سيجان .............وسيجان كان اشهر هبيلة بالمنطقة ...............وكان ساكن بخربوش معفن ... وكنا نحط كتبنا عندو دايما .... ونصيع ... وعلي الحلال لحد اليوم ما بعرف كيف نجحنا بالتوجيهي ... ومن اول تست ... شكلو الحكومة لغت الرسوب على ايامنا ... الله والعليم.............. هي هيك .
|