شبكة ومنتديات صدى الحجاج - عرض مشاركة واحدة

16-05-2010, 14:20

بطعم اللوز الأخضر
من أرض بلادي
وحَكايا النجم الساهر
على ألحان الحَسّون الشادي

بَحلم بالفجر النادي
بعد ليل النكبه والحزن الرمادي
بَحلم بالصبح يهِِل
للعوده ينادي

بَحلم أطرُد مِن طرَد أبوي
وأمي واجدادي
وأشَرِّد من شَرّد أهلي
وسرَق جبالي سَهلي والوادي

بَحلم بطاحونة سِتّي تُجرُش
وبنات العيله يغَنّن
وجدي من بعيد يدَندِن
ألف صلاه وسلام ع الهادي

بَحلم بعنتره وبعَبله
وابو زيد الهلالي

بَحلم وبَحلم وبَحلم
فجأه صحيت ولقيت قبالي...
صورة "أحمد ياسين " ع الكرسي
بيقوللي .. قوم صَلِّي الفجر, إلحَقني
هات رشّاشك
لو بدّك بلدَك تتحَرّر
ويعود كرْم اللوز الأخضر
وألحان الحسّون الشادي
قوم إلحق إخوانك... رابِط
لا تقف معصوب العين
مكتوف الأيادي

فلسطين بدها رجال وخيل
بدهاش أوهام وأحلام يقظه
ولا بدها مواويل وغناوي
ومفاوِض ذليل يستجدي
ولا تقبيل خدود وأيادي

فلسطين بدها أسود
حافظه القرآن
لا تسَلّم لغير الله الرحمن
جنود وقيادِه
بتعود البلاد
وتكون للإسلام ع فلسطين السياده
هيك يتحقق حق العوده

وإلاّ نغرَق في أضغات أحلام
وضياع زيادِه

المصدر: شبكة ومنتديات صدى الحجاج

إحصائية مشاركات »
عرض المواضيـع :	[+]
عرض الـــــــردود :	[+]
بمـــعــدل	3.50 يوميا