لو كل غلطه على الصاحب نسجلها *فقدت ثلثين من مجموعة اصحابي
لكن نطوف هذيك وذيك نأجلهـا * ولا اقول وش قال زيد اليوم بغيابي
اشيــل زلـة رفيقـي واتحملهـــا *ولا اركض ورا كل فارغة بمشعابي

اشوف واصد واسمع واتجاهلها *واحجد مدى غيض قلبي واملك اعصابي
وارجي عسى صاحب السيٌه يبدلها *الى شافني عن طريقه قافل بابـــي
ولا ترك الكلمه -حتى لو تحللهـا *تطلع بوجهين من سلبي الى ايـجابي
واللي يبي المشكله دايم يحصلها *ياصعب درب الوفا ياهون الانشـــابي
سيرت هل الطيب مهونها ومسهلها *لو انها بالعلوم ومسح الاشنــــابي
لكن تجي ساعة وتبين عللـــها *لا صار وقت اللزوم وحــــــزم قلابي
والهرجه اعرف عواقبها وكايلهـا *قدام تخطي هدفـــــها وانت بالنابي