انا عاوز ربع جنيه واروح

شو القصه شو صار من وراي مين مهبب شي .. الله يستر ما بيجي من وراكوا غير المصايب ....
وابو قنوة شو دخله في الموضوع . ومين مزعله او هو مزعل مين ؟؟

والله كل اهل الصدى منيحين ومحترمين بس نكد الله يسلمهم وين ما في موضوع فيه نكد بروحوا عليه ركض عملوا معي نفسيه الله وكيلكم

وبعدين كسروا ايدينا ورجلينا وظهرنا واحنا طول وقتنا بنشطف وراهم قد ما بقروا وبحكوا لوك لوك لوك لوك مش ملحقين عليهم في الشات تنظيف ولا في المواضيع
والله يا ابو معمر مش ملحقين عليهم غولدن وشامبو .. وطول الليل والكهرباء شغاله .. خليهم يخفوا علينا فواتير . يضلوا يردوا الصبح على ضو الشمس

ما شاء الله عليهم والله ما بتلحق عليهم حكي خصوصا تاء التأنيث ...موتهم والحكي .. عملوا في راسي مزرعة جاج .. سحبوا مخي بشلمونه .. اخذو راسي ع الخيط
من كثر سواليفهن ..

بس يا ابو معمر رد علي واحذف هالعضوين والله غير تشوف المنتدى صار غير شكل ( رامي & يزن ) الثنائي المرح وكمان معهم ريماس لا تنساها .. الله يذكرك بالخير ياريماس ياترى وين ديارك اكيد في الموزمبيق .. هذول سبب النحس خربوا الدنيا .. ان شاء الله وانا شايف كل واحد فيهم في مستشفى الفحيص برقصوا مع اصحابهم المهابيل هناك


ابو معمر ومن الاخر الشباب والصبايا والختاير والختيارات والله ما في منهم .. وكلام دانا في منه يعني في تصرفات شخصيه بس يا دانا عديها هالمره عشاني يعني لاتحسب هاي الامور وبنقدر نتخطاها والكمال لله وحده.. وان شاء الله يد بيد نحارب كل ما هو ضعيف وركيك وكل ما هو مشين في حق الله اولا وحق ديننا وانفسنا وحق عادتنا وتقاليدنا وفي حق عروبتنا .. اننهض بكل رقي في افكارنا ومعتقداتنا ونوصلها لاقصى بقاع العالم

واخيرا اطلب في نهاية البرنامج اغنية ست الحبايب ياضنانا انت