و .. . شنهي آخر أخبارك ؟
عساها مثل ما كانت .. .
علومك طيّبة و بخير ،
عسى للحين تهديهم ..
فرح عمرك /
عمر فرحك .. .
وترفرف في سماهم [ طير ] ،
عسى في غيبتك عنّي .. .
حنيني بـ. الخفا زارك ؟


حبيبي :
حيل ( واحشني ) .. .

و طيوفك تشبه السكّين ،
نصل سكّيني ذابحني !
ولاأدري زمانك .. .
وين ؟


عسى للحين يا ناسي .. .
[ وعودك ] تذكر أيّامي ،
عسى للحين تذكرني !
عسى تطري لك أحلامي ؟



و إذا تعني لك أخباري ؟
تراها حيل تتغيّر ،
مـ عادت ضحكتي /
ضحكه !
حزينة ..
و ذابلة ،
و .. .
( صفرا ) !


و إذا للحين لي خاطر ..
وعندك لي حبيبي شان ،
يهمّك تعرف اللي صار ؟
تراني فاقدة نفسي ،
و .. .
[ كسرني ] بُعدك الكافر !
عسى ما يوصلك يأسي ،
و عسى ما ينكسر لك حلم .. .



عسى مرتاح من دوني ،
عسى كل الحنين إنزاح ..
عسى ذاك الهوى روّح ؟

مثل ما رحت وتخلّيت ،
وأنا اللي أحسبك ( عوني ) .
وأنا اللي أحسبك ( عوني ) .


أبد .. .
أبد لا تهمّك أحزاني ،
ولا تحاتي دموع العين !
ولا [ غصّاتي ] وأشجاني ،
ولا جرح الشعور اللي .. .
نبت في دفتر أيّامي !


و بـ. أبقى بداخلك :
( طفلة ) !

تعدّى عمرها العشرين ،
و ظلّت تحتريك سنين .. .
ولا شابت ترى للحين :


تبيك بعافية .. .
وبـ. [ خير ] ،
تبيك بـ عافية وبخير !
تبيك .. .
بعافية !
وبـ خير .

المصدر: شبكة ومنتديات صدى الحجاج