بسم الله الرحمن الرحمن الرحيم

عجبني الموضوع وحبيت أنقله




من أهم قوانين الطبيعه:

قانون الاصطفاف :

إذا صاف في طابور بطيء وقمت غيرته، طابورك اللي غيرته فجأة يصير يمشي أسرع من اللي انت الحين فيه







قانون الهاتف :

عمرك ما تتصل على رقم غلط ويطلع مشغول







قانون التصليح :

إذا جالس تصلح سيارتك وإيدينك توسخت من الأيل و غيره، خشمك يبدأ يحكك







قانون المعدات :

إذا طاح من إيدك أي شي، تأكد انه بيظل يتـدحرج إلى أن يوصل لألعن مكان ما تقدر تطلعه منه







قانون الأعذار :

إذا تأخرت عن الدوام وقلت لرئيسك أن كان عندك اطار بنشر، اليوم اللي بعده بتبنشر صح







قانون سباحة :

توك تريد تحط جسمك في البانيو ولا تدخل تاخذ دش، يبدأ التلفون يرررررن وما يسكت







قانون الالكترونيات :

إذا أخذت جهاز خربان و بتوديه عند مصلح تبي توريه انه ما يشتغل، ساعتها يشتغل أحلىكلام







قانون السينما :

اللي حاجزين كراسي في النص لازم يجوا آخر ناس ويدوسوا على رجولك








قانونالقهوة :

أول ماتجيب لك كاس قهوة ساخن، يجي رئيسك ويعطيك شغلة ما تخلص الا لما تبرد قهوتك







قانون المصادفات :

إذا كنت رايح مكان و ما تبى حد يشوفك، فجأة كل اللي تعرفهم يطلعون من كل مكان







قانون الأقساط :

إذا عندك سيارة أو أي سلعة عليها أقساط،،، مجرد أن تنتهي الأقساط تبدا تخترب !!!







قانون الزواج :

بعد شهرين من زواجك... يسألونك ها في شي بالطريق ؟؟؟







قانون الراتب :

آخر الشهر لازم كل العزايم والهديا والطلبات تزيد ) حبكت يعني(!!!







قانون الطقس :

لازم بنهاية الاسبوع وانت حدك متحمس بتطلع رحله صيد أو تروح البر مع الربع

يصير الجو هوى وغبار وحر و رطوبة بمعنى ثاني الفصول الاربعه بيوم واحد







و أخيرا قانون البحث :

إذا حبيت تبحث عن شي معين(ما تلقاه).... مع إنك كنت كل يوم تشوفه قدام وجهك ؟؟