شبكة ومنتديات صدى الحجاج

مبروك عيدك ياحبيبي فديتك
لايابعد عمري مع ذكرياتي
لاتحسبني ياحبيبي نسيتك
ياغلا من الغالين لا ياغناتي
قلبي تري ملكك وهو صار بيتك
بالمختصر بالك بحبي تحاتي
بعت الحبايب كلهم واشتريتك
ومن شان حبك بعت كل البناتي
عصيت غيرك وانت لا ماعصيتك
امشي بشورك ياحسين الصفاتي
تدري ليامن في طريقي لقيتك
يضحك حجاجي قبل تضحك شفاتي
ليتك قريب اليوم عندي ياليتك
يالصاحب اللي صرت تسوي حياتي
يالغالي اللي يدعم الحب صيتك
يالكنق ياللي صرت غايه مناتي
لو كان يدرون العرب كيف جيتك
كان اكثر العالم تسوي سواتي
ولو كنت ليلٍ مظلمٍ ماسريتك
بس انت شمسٍ واضحى في سماتي
ومبروك عيدك ياحبيبي فديتك
وهذي هدية عيد لك ياحياتي