|
عكازة ريما وجاجات ابو معمر ..
ترويئــــه بنخش بالموضوع ..... خشيت وصحبة طيبة إلى منطقة الشميساني على ايدك اليمين وانت نازل , حيث المقاهي وحيث يحلو السهر .. ويا عيني على هيك سهر .. حتى القمر كان غير شكل هناك .. حيث العالم الآخر.. والناس الغير شكل.. وعلى ايدك لشمال وانت طالع ...دشينا إلى كافتيريا أو لنقل مقهى من طراز آخر انه وبلا شك .. مقهى الترويئــه هكذا كانت تقول اللوحة المعلقة فوق صباحك وانت خاش تروء.. .... يا مامي .. في الترويئة التي يصعب علي أن الفظ اسمها ربما لأني ما بعرف اغنج مثل ابو معمر .. أو ربما لأني غير مستعد للطعج والهبوط اكثر من الازم ... مع إني حفيت في ملاهي وخمارات ونايت كلبات.. بين ديسكو . ودحيه . وسحجة .وهلم لالي .وسهرت عند النور والزط .وسهرات صحراوية وشاطئية .. وبنت الجبل يا جبلية ... . وسهرت بثلاث ترباع المحلات الهاملة أيام الهمالة .. أيام الجاهلية.... التي عبرت وعدت كلمح البصر .. أيام ما كان عندي بصر... وقبل ما أصير على عكازه .. مثل عمتي ريما ..وقبل ما نطس بنظري مثل خالتي إسرار .. وقبل ما أصير افاحج مفاحجة مثل أبو معمر .. وهو ناتع شوال علف للجاجات الى فوق السطح ... وقبل ما انهبل .. والف بالشوارع مثل اللهم عافينا ..كامل ... وقبل ما يهتري وبري مثل غليون الحجة دانا . يعني قبل مية وتسعين اس ام ال . مع فتحة بالسقف .. ومدندشي .. وعليها صورة سميرة توفيق .. المهم شو بدنا بالطويلة ..القصير اريح .. اترزعنا على الكرسي شلة حسب الله من شبيحة أيام زمان .زعران العصر الذي مضى .. ودبيكة عمك أبو الزلف .ولويحة أتخن دبكة صارت في الهاشمي الشمالي .. مش بالجنوبي ..لانو عيال الهاشمي الجنوبي كانوا مطسة ... .. المكان يعبق برائح التنباك والمعسل والمعسول والعسل والغزل .ومليان لعين دينو صبايا ونسوان من كل الاعمار ..جاجات حبطرش يعني على مد البصر .. مثل جاجات ابو معمر اياهن الي حاطهن فوق السطح ... افرقت بالبيض .. جاجات ابو معمر ببيضن بيض ابو صفار .. وممكن صفارين .. لكن جاجات الترويئة ببيضن عسل.. وممكن موزز .. وممكن اسلحة دمار شامل .. عطورا أنثوية من شتى الجنائن..من كل الورود . وأزياء .. رائعة تشف وتصف... مستوردة خصيصا لهيك... فرفورات .وبيلبقلهن .. ليش الحكي ..... ازياء ومن كافة دور العرض.. وأجساد محشوره بقهر في ثنايا طرازا رفيع من تقاسيم وترية لأعذب لحن سمعته في حياتك ... .. سيقان .عارية الا من القليل كسنابك الخيل. ونهود تكاد تنفجر في قيدها... ..هذه تطلق ضحكتها .. وتلك تلف ساق فوق ساق ... هذا يداعب شعر تلك... وذاك تكاد يده تذوب في يدها... وآخرون يتضاحكون .. ويتهامسون .. ويعشقون بمرح .. وربما يكذبون .. وربما ؟؟ عالم اخر .. من كوكب بعيد . من سقف السيل .. بالتأكيد . ولكنة بعيد عن اتخن شنب ....ايام ما كان عندي شنب ... للجميع.... فرافير وامورات ... قصات شعر وتسريحات وطعجات وغنجات وأهات من كل صوب وحدب .. ماركة على الموس .إلى زيرو . إلى ماركة ما رينز .. وبانكس وفرند اكس .وكربوريتر ... وبلاتين لاذع ومش لاذع ... ويا مامي . وهاي هني . وهات يا جل .. وهات يا غنج . جاءوا لنا بارجيلة محشوة بعسل مش معسل .... بلاوي زرقا ... تذهب العقول أو ربما أن العقول ذهبت بلا رجعة .انمعست معس . وسكرت دون أن تمس الكأس...وطاش سهمك يا ابو قنوة .. طاش . وسلامة تسلمك ... وبدأ فلم الموسم ... طبعا كما تعرفون ... محسوبكم أبو قنوة .. شديد في كل شيء.. سحبت نفس عيار 44 بار وكركعة الارجيلة كقصف الرعد... وأخرجت الدخان . وكأنك تشاهد تركتر يعفط في حقل ترابي . أو كزفير ناقة في مخاضا عسير.. عسير جدا ..عسير ملعون والدين. الجمر التهب فوق رأس الارجيلة ... ورأس أبو القناوي أصبح فردة كاوشوك مرمية على جنب الصحراوي من عشرين سنة ...... أخذنا الحديث وانأ ابلبع الدخان وأخرجه بكثافة عالية ...لم يدر بخلدي إني أصبحت مادة للمشاهدة من الامامير والطنطات والامورات في كامل المكان .... الكل يراقب معركتي مع الدخان .. كونتينتال على الصحراوي بتغلي غلي ... وعينك ما تشوف إلا النور ... كل من في المكان كانوا يمصمصون اراجيلهم بنعومة ونكاشة ولطافة ورئه .. طبعا فرافير .... بعكس الخنشور الذي يضن نفسه داخلا في سباق لعمل الغيوم في سماء صبايا وصبيان لم يتعودوا مشاهدة الإنسان الأول يدخل المكان ... الي عليك عليك ... ما انا جاي بمهمة ..مش جاي افرفش مثل خلق الله ..... تفقدت خاصرتي ابحث عن رفيقة .. لا أضيعها ابدا .. ابحث عن قنوتي التي حتما ستجد لها لذتها في المكان ستجد عظاما تحتاج إلى تحطيم......ستجد ما تفترسه بأنيابها .. قنوتي.أريدها إن تفغش .وتهبش وتنبش .. قنوتي .... هذا وقتها ... أن أوان الجد.فاشتدي زيما ... حيث أهش هاولاء التيوس بها .. وأداعب بها جدائل الامورات .. ولي فيها مئارب أخرى .مئارب ومشارب كثيرة .... مأرب يقول بلش هبد بالمكان وما تخلي كرسي على طاولة .... ومأرب يقول انتع على كتفك كل الامورات سبايا .. وجواري...وشدهن من شعورهن إلى مضارب أبو قنوة .هارون الرشيد مش أحسن مني ... . خلهن يتعلمن عربي.. ويتعلمن كيف حلب النوق .. وكيف نفرق الجمل عن الناقة .. مش الجمل عن الجملة .. وكيف المرياع بجر النعاج مثل أسرى اثخنهم الجراح . خلهن يشمن ريحه الزبل طالع من الطابون ... خلهن يميزن ريحه ورص الجاج من بول النوق. خلهن يتعلمن كيف يزغردن لطلة أبو قنوة وهو راجع من الغزو راكب على القنوة وبلوح بالحصان ... ...خلهن يسرن سروه مع طلعة الشمس يلملمن حطب ويشعلن نارا للسهر على جمر الغضى .. سهرات سواريية وماتينييه من كعب الدست .. من كعب الست أم بربور .. من كعب العنز بعد ما تلد بربع ساعة ... هاتوا ملعون الوالدين صاحب ترويئة .. لازم اسلخ جلدة عن عظمة.. مش لاشي لكن لأنه اختار هيك اسم مايص لايص .. خالص مفعوله ... مثل شكلوه .. هاتوا لهون خليني احلقلو على الصحن مش على الصفر .وأركب الو شنب مثل شنب طوني حنا .... خليني أدق عظامه دق بلكي يجمد ويصير نص زلمة .. . ملعون الوالدين قهرني .. مش لأشي بس لأنو ... لامم كل الامورات وحاطهن بجاط فواكه .. وهات خمش يا أبو الحبايب .. .. طلع مقحف ملعون الوالدين .....وطلع أبو قنوة .. هبيلة .. لا بالصدة ولا بالردة .لخمة .. اخص على هيك زلم .. لو يطلقوني يومين بالشميساني ... أبوك يالموت....لأركب البعير واعطيها مزاعطة ... خلي الجل للركب.. هالمنتدى صار مثل هالترويئة .. يعني بنخلص من جاجات ابو معمر بتطلعنا عكازة .. تيتا ريما .. الحندءة .. شايفين .. الحندءة .. على وزن ترويءة .. هي الي اجاكو ... يا مامي ... |
رد: عكازة ريما وجاجات ابو معمر ..
وطلع أبو قنوة .. هبيلة .. لا بالصدة ولا بالردة .لخمة .. اخص على هيك زلم .. // أول مرة اشوفك عارف قيمة نفسك :hhh7:
هالمنتدى صار مثل هالترويئة .. يعني بنخلص من جاجات ابو معمر بتطلعنا عكازة .. تيتا ريما .. الحندءة .. شايفين .. الحندءة .. على وزن ترويءة .. هي الي اجاكو ... يا مامي ... /// فشرررررررررررررررت الترويئة على فكرة ابو قنوة ،،، من زمااااااااااااااااااان زمان اوي من قبل ما اتولد يعني (هم الي حكولي) كلامك بنقرأ حرف حرف وازا بضيع حرف بضل دور عليه لما أقرأه صاير تحكي حكي يخش المخ يا زلمة لا برافو والله عنجد برافو مع تحيات عكازتي اللي راح تلخمك على راس قنوتك :210: |
رد: عكازة ريما وجاجات ابو معمر ..
بالمناسبة طالما ما انت قد هالتروئية اطلع منها ولا تعتبها (اسلم تسلم ;))
|
رد: عكازة ريما وجاجات ابو معمر ..
الى الطنط والامور ابو آهه ... سابقا ابو قنوه لا .. لن أبكيك.. فلا شيء أنت.. أنا أبكي ربيع عمري الذي لم أحياه.. لن أذرف دمعة على عِـشرة لم تقربها معاني الحب .. سأتقيؤك من كل خلية في جسدي سأطردك من ذاكرتي وأمحوك من ذكرياتي .. ليت حياتنا كتاب بين أيدينا لأنزع صفحات عدد سنواتي معك وأمزقها وأحيلها رماداُ يتطاير وكأني لم أعشها أبداُ .. سنين عمري تجرعتها منك كطفل يتجرع دواءه المر.. يشربه طوعاً كي لا يشربه... سأتقيؤك من كل خلية في جسدي سأطردك من ذاكرتي وأمحوك من ذكرياتي لانك يا ابو قنوه مرتد .. ودخلت في دين الفرافير .. هذه من موبايل ابو قنوه بعد نفس الارجيله الاول http://up2.afra7.net/upfiles/70p36899.gif |
رد: عكازة ريما وجاجات ابو معمر ..
يعني حتى لو المو ضوع ما بيعنيني بيجيني الطخ وانا قاعدة في الدار مش عارفة ليش يا ابو قنوة ما احنا كويسين مع بعض
:confused::confused::confused::confused::confused: ليش الحكي الموضوع حلو ومن الاخر يعني مش ئد الغنج والدلع ليش بتدور وراه وبدور وبتوجع راسك يا خنشور والله انا عارف عنك ليش بتحب تتعب حالك:hhh13: |
رد: عكازة ريما وجاجات ابو معمر ..
:hh21: ........ بدي أغلط بس عارفه أبو معمر ........ رح يحذفه ........ بس بصراحة موضوع تافه........
|
رد: عكازة ريما وجاجات ابو معمر ..
والله يا ابو ئنوه انك حكيت الدغري
امبارح قاعدين انا و واحد "عدوان" بالشركة و بنحكي عن الدوام "الشفتات" فاتفقنا انه الشفت الصباحي هو الأسوء... و اتفقنا على السبب و هو " اننا بنداوم مع ناس مش ناسنا و مش من طبقتنا و لا أصلنا " بس يا ابو ئنوة صدقني كل راس مالها انك تصير نائب و تسكن بعمان الغريبة... شهر زمان بنلاقيك داق في ابو الطفايلة و عاداتهم و تأخرهم... |
رد: عكازة ريما وجاجات ابو معمر ..
طيب يا ريما .. اول مرة بحياتي بحكيلك شكرا ..
مش كرم اخلاق مني .. بس مجبرا ابن بنتك لا بطل .. |
رد: عكازة ريما وجاجات ابو معمر ..
ابومعمر رضي الله عنه .. شكلك ماخذ برد مع انه مافي كهربا يعني ما في كندشن .. طيب .. خذ بندول .. اشرب معسل ..دبر حالك
اسرار خالتي العتب على قد المحبة .. وبعدين انا الله وكيلك ما بحب هيك محلات ..هوايتي المفضلة .. دقين تركس بقهوة خبيني .. يعني بسقف السيل ... |
رد: عكازة ريما وجاجات ابو معمر ..
شوف يا احمد ..التخلف عادة حميدة هالايام .. يعني لولا شوية هالتخلف .. كيف بدو السواح يجو لعندنا .. خليها مستورة .. وبعدين النيابة بدها حسن سلوك .. هات دبرها ...
|
رد: عكازة ريما وجاجات ابو معمر ..
شكرا يا عهد ..انت صريحة .. وهاي صفة جيدة ..
حبيت اعلق على تعليقك باخر النص .. علشان انكش مخي ..... بس بحياتك .. هاتيلنا موضوع هيك يكون .. مش تافه .. يعني الله يسامحك زهقتي سمانا طبخ ونفخ .وبطيخ مسمر ..ومواضيع ما انزل الله بها من سلطان .... .. ومعجون اسنان .. ومواضيع .. مش تافه.. وبس .. لكنها .. بلاش اغلط .. لانه ابو معمر رايح يحذف .... وبعدين .. يا اختي .. الله يحميكي .. ما شفنا شطارتك .. في الجد .. والبعد عن الهزل .. وتراجيديا الام المسيح ..وعذابات الشعوب .. فرجينا شطارتك .. واحنا معك .. |
رد: عكازة ريما وجاجات ابو معمر ..
:hh2:
والله قوية يا ابو قنوة منك :210::hhh7: |
رد: عكازة ريما وجاجات ابو معمر ..
اه............. شديد ............بعض مرات ...بس ما بهون لي بعهد مهما حكت ..خليها على دلالها ..مثلك ..
|
رد: عكازة ريما وجاجات ابو معمر ..
:161[1]: يا حنين انت
انا مدللة ....يا حسرة اكثر واحدة بتعاني وبتتعب في الكرة الارضية حضرتي :p |
رد: عكازة ريما وجاجات ابو معمر ..
خسة التعب ... خذيلك حبتين ... اسبرين ............مع كاسة فلت او ديزل مهرب .. وبتصيري تمام .. وحطيها بظهر ريما بلكي خلصنا منكم ..يعني الطقة جوز ..
|
رد: عكازة ريما وجاجات ابو معمر ..
لاني بعرف ريما مشتاقة لسواقة .. وانت بعينك الله على سحاب .. عدل.
|
رد: عكازة ريما وجاجات ابو معمر ..
بشوفك حاب تلعب قلول الطقه بجوز
بعدين وين رايح انتا داعس على الاخر مش لاقي حدا يردك !!!!!!!!!!!!!!!!!!!!!!!!!!!!!!1 لاتخليني .......................؟ |
رد: عكازة ريما وجاجات ابو معمر ..
اسمع مين بحكي عن الغنج والطنطات
يا خوفي يا ابو قنوه لو يمسكك عيل منهم غير يخلي ......بالجواز :030: |
رد: عكازة ريما وجاجات ابو معمر ..
انت ادرى ... ابو سلطان ... كله بصير هالايام ..
|
رد: عكازة ريما وجاجات ابو معمر ..
شو الموضوع ... هون..
|
رد: عكازة ريما وجاجات ابو معمر ..
على دلالك ابو المعتز . ........
|
رد: عكازة ريما وجاجات ابو معمر ..
مأجره مفروووووش ،،،، مفروش؟؟؟ من وين يا حسرة بقرقع قرقعة هالمسكين .....
مسكين .....!!! سكييييييييييييييييييييييين شاطر في جلب الانتباه يحرق حريشك |
رد: عكازة ريما وجاجات ابو معمر ..
موضوع تافة .......... يعني دايماً بتاخذ الأمور مهزلة ومش جدي بالحكي وعمرك ما أعطيتنا شيء مفيد ........ وأنا قصدي تنوع ..... بس بالأخير بدنا شيء مفيد ....... شو يعني عكازة ريما وجاجات أبو معمر ... يخزي العين عنك ..:hh7:
|
رد: عكازة ريما وجاجات ابو معمر ..
ههههههههههههههههههههههههههه
ردها ان استطعت |
رد: عكازة ريما وجاجات ابو معمر ..
ايش يا حمزة ما عرفتك .....
|
رد: عكازة ريما وجاجات ابو معمر ..
:hh25::hh25:
هذه طعنه من الاخر.... عهد خفيها شوي على ابو قنوة...والله لو تعيدي قراءة النص والمقالات اللي بكتبها بعين ابو قنوة لا بعين عهد وبعين المجتمع كان لقيتي فيها شي يستحق القراءة |
رد: عكازة ريما وجاجات ابو معمر ..
تيب ابو ئنوة ازا انت مو ئد الدلع بتلنا الدلع مشان عيوناتك ولو من عيوناتي
ابو قنوة الجد والصح انك صح |
رد: عكازة ريما وجاجات ابو معمر ..
"بعين ابو قنوة لا بعين عهد وبعين المجتمع " عبارة حلوه .... من الآخر
أكيد ........... مهي نظرة أبو قنوة غير شكل للموضوع ............... بس أنا وكل المجتمع نظرتنا وحدة .................. يعني أبو قنوة صح ؟............ والمجتمع وأنا غلط :h11:؟؟ كل شي بيصير !!!.... وبعدين بشوفك واقفة بصفه ما قرأتي شو كاتب عنك .... دايماً طيبة وعلىنياتك :024:. |
رد: عكازة ريما وجاجات ابو معمر ..
الى عهد..
ان كان الموضوع تافه .. كما الذي سبقة والذي سبقة فلما اتحفتنا بمرورك .. المذعور ... ترددت في الرد قليلا .. ثم كان لا بد مما بد منه .. لا لشىء انما لتقف التفاهة عند طرف الاصبع .. انا وفي رد سابق .. اكدت لك تفاهه الموضوع ...انتظارا لابداعاتك ومعلقاتك وصولاتك التي تتعدى .. الفلافل تارة .. وكبسة الدجاج تارة .. واكشط واربح ... وافلام الرعب الدجاجية ... وكيكات الاطفال القرمزية .. وكل كلكشن نايس..تارات كثيرة .... كل هذه البطولات بقيت كما هي ولم تتعدى .. حدود نسخ موضوعا من هنا .. وتزوير وقلب موضوعا اخر من هناك ... حين يرد شخصا ما على موضوع اي كان نوعه .. وحين يفسر اي كان الماء بانه ماء .. خرج الحديث عن اطار الهدف .. وحين تجد انك تحاور شخصا في علم الارض .. فيجيبك في عن سعر الفجل .. هنا الامر حراثة في الماء ... وادراك انك تهوي الى غير مستقر ان دام حوارك .. خروجك من الحوار يعني يبقيك حيث رغبت .... لو كتبت لك عن ترادفات انحطاط ما بعد عصر النهضة ..لقلت انه موضوع تافه .. لو كتبنا لك عن مساندة شعب الايجور .. لكان الموضوع ثقيلا .. لا يستحق المرور .. لوكتبنا لك عن فتنه معاوية .. لقلت ماض وذهب ... اسمعينا الصوت ... وهات ما عندك .... فقد عجزنا ... وكل متننا وانحنى .. هات ما عندك لنصفق كثيرا .. ونتهتف كثيرا ... هات ما عندك فهو الرذاذ على سطح بحر لا يعرفه الا الغواص .. فهل تجيدين الحبو على السلالم ... الجمل كسر كثيرا من البطيخ ... |
رد: عكازة ريما وجاجات ابو معمر ..
نفضل كثيرا استخدام القلم الرصاص ليس لجماله
بل لأنه يمسح الأخطاء خلفه اذا أخطأ ولأنه بامكاننا أن نعيد فعاليته في الكتابه عندما نبريه ليعود حادا.. أما قلم الحبر نكتب به ونخطئ ولكن لايمكننا أن نمسحخطأنا اذا أخطأنا .. فنضطر الى استخدام المزيل لتغطية خطأنا فنشوه بذلك صفحات دفاترنا وقد نلجأ الى تمزيق تلك الورقه لنتخلص من شكلها المشوه.. بعض البشر مثل قلم الرصاص عندما يخطىء يتحمل أخطاءه و يعترف .. يمسح و يكتب من جديد ... من لا يخطىء لا يتعلم و من لا يتعلم من أخطاءه سيأتي عليه يوم و تنتهي ممحاته و لن يجد ما يمحو أخطاءه صحيح وجود الممحاة في قلم الرصاص شيء مهم بل أساسي و لكن قلة إستخدامها يدل على الشموخ و الذكاء في التعامل والتعلم سريعا من الأخطاء و عدم الوقوع فيها مرة ثانية..** والبعض منا كقلم الحبر ...يكابر في خطأه .. فلا يعود عنه ولا يعترف به .. يحاول أن يخفي أخطاءه ... ويتهرب منها ... ولكن ما النتيجة ؟؟ صحيح أن قلم الحبر ثابت لا يتغير ..يحمل معنى للقوة والثبات والثقة ...ولكنها الثقة المزيفة التي سرعان ما تجلوها قطرة ماء قد تسقط عليه ....لينتهي ... من هنا يبدأ النقاش ..!؟ |
رد: عكازة ريما وجاجات ابو معمر ..
صحيح أن قلم الحبر ثابت لا يتغير ..يحمل معنى للقوة والثبات والثقة ...ولكنها الثقة المزيفة التي
سرعان ما تجلوها قطرة ماء قد تسقط عليه ....لينتهي ... من هنا يبدأ النقاش ..!؟ كلامك صحيح 100% أبو معمر ..........وأفتخر أن أكون كقلم الرصاص .. مهما تعددت أخطائي .. في النهاية أصححها بدلاً من أن أكون قلم حبر .... أخطى فأصر على خطئي ... وبالتالي يتراكم الخطأ تلو الخطأ ..... مثل بعض الناس. |
رد: عكازة ريما وجاجات ابو معمر ..
ويا أبو قنوة ..........أنا قرأتي لمواضيعك .. من باب الفضول فقط لا غير ......بلكن الله هداك وكتبت إلك شيء يفيدنا .... :hhh4:
|
رد: عكازة ريما وجاجات ابو معمر ..
انا فقط اشعلت .. سيجارة اخرى ..
|
رد: عكازة ريما وجاجات ابو معمر ..
ولعت ....
|
رد: عكازة ريما وجاجات ابو معمر ..
والله إن شاء الله مولع كروز كامل مرة وحدة............ "No Problem" بالنسبة إلي
|
رد: عكازة ريما وجاجات ابو معمر ..
الهداية هنا كما ترينها .. انت . وكـاني هنا الضال الوحيد في في فريق الحجاج ...
لنناقش الامر اذا ... انت على طريقتك في الهداية لا تعرفين عن ابا جهل غير انه رأس الكفر ... وزعيم اشرار مكه ... حسنا هكذا تعلمنا كلنا ..... هذا صحيح انا اعتقد ان ابا جهل هو ما ذكرت انت وما اعتقدت انت .. ولكن .. هو في نفس الوقت .. انسان عربي .. دافع عن معتقد او عقيدة .. وعن اسس مجتمع مكة . وكان قويا ابيا كريما .. فارس مغوارا ..يكرم الضيف .. ويجير الملهوف ... .. حسنا هو قاتل وحارب ومات .. ببطولة .. وشرف .لانه ليس جبان ... .. انت تعتقدين انه مات .. ومصيرة النار .. انا اوافقك .. ولكنه ايضا مات ببطولة وشرف .. انت لا توافقين معي هنا .. هل رايت الفرق بيننا .. انا لا انطلق من قاعدة واحدة .. يمكن للنقاش ان يشمل .. حتى الجوانب التي حرمت علينا .. ونحن اطفالا ...... انت تعتقدين غير ذلك .. عندما اكون ضالا .. فهو الضلال .. المؤدي الى ما طلبت المؤدي الى الهداية ... .. الهداية .. من نفسي .. |
رد: عكازة ريما وجاجات ابو معمر ..
آآآآآآآآآآآه ، يا للهول ، اللعنة على تلك السيجارة المقيتة ، قد احرقت أصابعك وماذا ايضا ، ها قد فسد جنوني . نظرت الى تلك القهوة ، رشفت جزءا منها ، وابو قنوه أشعل سيجارة أخرى ....... أنظر الى ذاك الدخان ثم أعود ارشف القهوة مرة أخرى ،وهو ما زال ينفث سيجارته ، في تلك اللحظة ، تراقص في الدخان ذلك الشبح ، الذي أرق علي حياتي ، انسى القهوة وابو قنوه ... واتلذذ بخاطرة لهشام !! اعود الى ذلك اليوم حين رأيته أول مرة ، كان يجلس عندى كان يكتب بخط دقيق في متصفحهه كلمات لم افهمها ، نظرت الى ذلك المتصفح التي كان يكتب فيه . كان يكتب ....... ( مشيت بالشوارع .. أنظر الى وجوه الناس .. حبطرش .. ريما .. العكازة .. جنون ..أبحث عن ضالتي ، انشودتي ، أين أنت يا موتي ؟ ) أستغربت انا تلك الكلمات . ولكنه ابو قنوه الكاتب المجنون .. الذي ينسى ماذا يكتب ...!!! لان الحمار لايشعل سيجارة اخرى ؟؟؟ اشعلها ابو قنوه ؟؟!! |
رد: عكازة ريما وجاجات ابو معمر ..
تعددت الوجوه من حوله وتعددت خربشاته هنا وهناك ومازال حاملا لقنوته بردت قهوتي وانا ما زلت في حيره اهو منا ام منهم حير العديدين واغضب الكثيرين ولم يرض احداااا الا فيما ندر ... ولكن سيبقى يجر القلم وسيبقى يغوص مرة ويعوم مرة ويغرق مرة وقد يكون مسعفاً منقذا لكنه ضائع في الزحام زحام اللامعقول وزحام اللامستحيل فهل ستلد النساء من يوقفه ؟؟؟!! ربما |
رد: عكازة ريما وجاجات ابو معمر ..
هههههههههههههههههههه خلص ....... أنا مارح أرجع لها الموضوع ........ لاني بشوف أبو معمر بيغير فيه على طريقتو بصورة كثير حلوة ....... بس ما علينا ......... I am sorry أبو قنوة أنا أبداً ما قصدت في كلامي إنك جاهل .ولا أي عبارة من كلامي بتدل على هيك .... الظاهر إنك بتفهم الكلام زي ما بدك ........ :hhh17:
|
رد: عكازة ريما وجاجات ابو معمر ..
برغم المفردات المستعملة..... وكل العبارات الجرئية المستوحاة من الوضع الراهن
الذي نسكت عنه...وبرغم ان الابل في يوم ما حكم عليها بالوئد الا ان بين طيات حروفه وكلماته التي لم اكن اعي ما يقصد من ورائها ينبثق شي ما ..... لا يتسنى لاي احد ان يفهمه الا ما ندر..... وقد كنت قبل فترة ليست بالبعيدة ..... واحدة من اؤلئك الذين لا يفهمون خربشاته وتجليات قنوته...... ابحروا معه في كلماته ..... اماله ....وتاملاته..... ستجدون شيئا يستحق القراءة والابحار معه |
| الساعة الآن 14:34. |
Powered by vBulletin® Copyright ©2000 - 2025, Jelsoft Enterprises Ltd. , Designed & TranZ By
Almuhajir
new notificatio by 9adq_ala7sas
Developed By Marco Mamdouh
جميع الحقوق محفوظة لشبكة و منتديات صدى الحجاج