|
جاملني اجاملك ...... صارحني اكرهك
http://img510.imageshack.us/img510/328/07basmallah.gif
احبه الصدى موضوع مهم واصبحت ظاهرة منتشرة جاملني اجاملك واحترمك صارحني ستلقى مني مالا تحمد عقباه وابتعد عنك ...هل أصبح النفاق هو السمه الغالبة فى حياتنا ؟ ! |----| جاملني أجاملك صارحني أحتقرك |----| جاملني كي أحبك ! يعتنق كثير من الناس هذا المبدأ ، في تعامله مع الناس ، . وهي المجامله . . !! أنا .. لاأرى أن نحاربها . . ولكن ! مجاملة عن أخرى تختلف بإختلاف الشخص والموقف في مواقف تتطلب حقا أن نجامل ولكن بحدود وتعقل ، وهناك مواقف صعب عليك أن تجامل فيها وخاصة عندما نعلم عن نتائجها المتوقعة إذا عاش على وهم مجاملة غير صادقه وليس هذا فحسب !! بل حتى في حياتنا اليوميه نجد من يجامل وينافق ويصل إلى أرقى وأفضل المستويات سواء في عمله أو بين أهله وأقربائه . . تساؤلات بحاجه الى ردود إلى متي نجامل على حساب غيرنا ؟ ! وإلى متى نهضم حقوق غيرنا ؟ ! وإلى متي لا نتقبل الصراحه؟؟؟؟؟؟؟؟؟؟؟؟؟؟ ارجو المشاركه وابداء الراي في صحه او خطأ هذه المقوله جاملني اجاملك.... صارحني اكرهك |
رد: جاملني اجاملك ...... صارحني اكرهك
الريعه ريماس
مبدعه فى طرحك هكذا الحياه فيها الزين وفيها الشين حقيقه الطرح جميل ويجب ان يكون هناك حوار موسع فى هذا الموضوع او نقله الى المجموعه التى تدير الحوار والمناقشه فى هذا المنتدى سلمتى ودمتى بود :005 v: |
رد: جاملني اجاملك ...... صارحني اكرهك
يا هلا اخ كامل اسعدتني كثيرا بمرورك
|
رد: جاملني اجاملك ...... صارحني اكرهك
تسلمي يا اخت ريماس
:005 v: |
رد: جاملني اجاملك ...... صارحني اكرهك
اه والله في ناس بس شاطرة بالحكي :029fff:
يعني مجاملة بداعي وبغير داعي المفروض لكل مقام مقال:189[1]: ويكون الانسان واعي شو بيحكي لانه الندم على الكلام اكبر من الندم على السكوت :hhh2: طبعا الصراحة ازا كانت بقالب لطيف فهي افضل بكثير من المجاملة الكذابة :160[1]: سلمتي يا ريماس على الطرح المتميز :170[1]: |
رد: جاملني اجاملك ...... صارحني اكرهك
يا هلا حرف ابدعتي في ردك( الصراحه بقالب لطيف افضل من المجامله الكاذبه)
سعدت بمرورك حبيبتي |
رد: جاملني اجاملك ...... صارحني اكرهك
مشكوره قلبى ريماس على الطرح المميز الرائع اى والله عندك حق فى ها المقوله بس طبعآ مو كل الناس مثل بعضها يعنى فى أشخاص ما بيحبو ولا بيحترمو هذه الشخصيه كثيره المجملات الكاذبه والنفاق الواضح وضوح الشمس مو عيب ولا خطاء انى أقول رئى بطريقه لطيفه ومهذبه أحسن لى من النفاق والتكلف فى الرد
أسفه على الاطاله تقبلى مرورى قلبى جد موضوع رائع بدون مجماله ههههههههههههه |
رد: جاملني اجاملك ...... صارحني اكرهك
يا هلا نور نورتي بمرورك حبيبتي
انا معك نور بس الناس ما بتحب الصراحه لو حتى باسلوب مبطن بيزعلو |
رد: جاملني اجاملك ...... صارحني اكرهك
صدقينى هادول اكتر ناس بيبقو عارفين حالهم كويس بدون مجامله من احد يعنى بيبقو عارفين عيبهم وشايفينه كويس آوى فى مثل عندنا بمصر انا بحبه جد بحبه آوى(يا بخت مين بكانى وبكى الناس عليا ولا ضحكنى وضحك الناس عليا )يعنى بالنسبه ليا اما تقوليلى انتى مخطئه فى هذا الامر او انتى كنتى مثلآ سيئه فى هذه الشغله عندى احسن ما تجملينى وتنفاقينى وبعدين اكتشف ان كل الناس شايفنى فى صوره وحشه بعتقد ان الخطاء اصلآ من عند الناس اللى فى طبعهم النفاق (أسفه والله على الاطاله )
|
رد: جاملني اجاملك ...... صارحني اكرهك
للأسف ظاهرة المجاملات لها أثر سلبي على المنتديات
فنرى الاشخاص يدخلون الى أحد المواضيع ولايكونون مقتنعين بمحتواها ونرى عكس قناعاتهم نرى الاطراء والمدح بلا أبداء بالرءي بكل صراحــه فالاختلاف بالرأي لايفسد بالود قضيه فجميل ان نبدء بالصراحه الطيبه اللتي لاتخدش بالمشاعر أن نبتدي بالصراحه ونضعها من ضمن القواعد شكرا ريماس الغالية على الموضوع القيم http://alfrasha.com/up/12653013071411644944.gif |
رد: جاملني اجاملك ...... صارحني اكرهك
راضيه حبيبتي زدتي الموضع جمال بردك
انتي حطيتي ايدك على الجرح |
رد: جاملني اجاملك ...... صارحني اكرهك
شكرا ريماس كتير ع الموضوع الرائع وحاب اعطي رايي يمكن اطول بس سامحيني ولا تسبي علي بحب اتفلسف مرات في الرد,
المجامله كلام رائع لطيف بنسمعه كتير بحياتنا وهدا هالحكي جزء ما بنقدر نتخلى عنه بحياتنا على الاغلب يعني احكيلك عن طبيعة شغلي متلا انا اغلب شغلي بيتطلب انه اجامل الزباين لانه شغلي بقوم على اساس التسويق ف لازم اجامل واحسس الزبون انه رائع يعني بتلاقيني مش بجامله بتلاقيني بحكي فيه شعر لساني بمية شعبه لدرجه بحس حالي وانا بحكي معاه عنجد اني بكذب كتير وهاد الاشي مش عيب ولا غلط بالعكس هاد اساس الشغل مع انه ما بسوى تعريفه بس بكون بايدو يمشي طلبية بمبلغ وقدره بس والله مرات بتشيط معي وبتبطل تفرق بلعن ابوه ع ابو اليوم اللي فات علي فيه ع المركز وبحكي معاه بطريقه لما يطلع من عندي بسب علي مية مسبه, المهم: هاد على صعيد الشغل اما على صعيد حياتنا واهلنا واصدقائنا وهاد اللي انت قصدك فيه ف عالعكس تماما بستخدم اسلوب القمع مش الصراحة بس وهاد الشي ما كنت عليه بالاول كنت يالله شو بجامل لدرجة انو بتعدى على راحتي وحريتي عشان الناس التانيين لحد ما فقعت معي وكنا انا وشب صاحبي رائع احمد الزغايبه بعرفه اسمه مامون الضروس بدورة مع المجلس الاعلى للشباب وكانت من ضمن الدورة محاضرة عن كيفية اكتساب الثقة بالنفس والنجاح في الحياة الاجتماعية والعملية وطرح من ضمن هاي المحاضرة مصطلح اسمه "مملكة اللاء" طبعا احنا زيك استغربنا شو بخبص هاد الزلمه, المهم هاد بحكيلك يا ست الناس انه لازم لكل واحد يكون اله مملكه خاصة فيه وهي مملكة اللاء وهي انه الانسان مايعمل اشي هو مش حاب يعمله او انه لازم يعمل الاشي اللي هو حابه بغض النظر عن العواقب او اراء الاخريين او انهم يزعلو او لا المهم انه الانسان يحقق ذاته واهدافه وراحته يعني متلا لما احمد الزغايبه يقوللي بدنا نروح ع السوق نتفرج على الناس وهو نفسو نطلع واكون انا تعبان ونعسان ما بجامله وبروح معاه وانا قرفان ومن جوى بسب عليه مليون مسبه لا بحكيلو انا تعبان وبدي انام روح لحالك او خليها لبكرة هلا ازا هو انسان متفهم بستوعب الموضوع وازا كان ما بستوعب بقوله الله لا يردك ازعل واقلب وجهك لانه ما قدر تعبي وقيسي على هالمنوال. طبعا هاد الشي ما بنقدر نعمله فجأة مع الناس اللي حوالينا بدها وقت يعني بالتدريج لحتى ما يتعودو على شخصيتك الجديدة تحت شعار لا للمجامله. وانا اسف كتيير على الاطاله وسلامتك... |
رد: جاملني اجاملك ...... صارحني اكرهك
نورتني بردك رامي بالعكس انا كنت مبسوطه وانا بقرالك
المهم انا ما قصدت عن الشغل والعلاقات الرسميه انت مضطر تجامل وانا معاك بهالشي انا بحكي عن العلاقات الشخصيه قرايبك واصحابك بالذات انا هاد الي بقصده ليش انت دايما المفروض تجامل ولما بتحكي مرة وحدة المزبوط وبتكون صراحتك لمصلحته بيزعل وبياخد منك موقف ؟؟؟ |
رد: جاملني اجاملك ...... صارحني اكرهك
شايف انك اهبل يارامي وما بتعرف تجامل .. يعني انا لو بدي اشتري من عندك جهاز او اي قطعه بعد ردك بعرف انك بتضحك علي والله لو يطلع براسك شجرة ما اشتريت من عندك ..
على فكرة يا ريماس تجربة مملكة اللاء انا رسبت فيها اما رامي نجح فيها ذلني الله وكيلك عليها في شغله انا كثير بتضايق منها وبعاني منها انك لما تجامل وتصدق مجاملتك وتصير فرض عليك .. يعني لما تجامل انسان غصبا عنك وانت من جوا مش طايقه بس انت عارف ومتأكد انه بحبك وبعزك انت عارف انه مش منيح مع العالم بس المشكلة انه منيح معك .. بتصير تتمنى انك تكون مثل العالم ويصير مش منيح معك او تجامل انسان لفارق السنوانت متاكد انه بتصرف تصرفات اصغر من سنه بكثييير مع الايام وكثر المجاملات بصير عندك واحد من الحلين يا انه بتفقع وبتطق وبتنفجر في وجهه مرة وحده او بتصدق مجاملتك وبتصير مش مجاملة اما بالنسبه للزعل لما تحكي بصراحه فهذا شي طبيعي لانه احنا جوعانين مجاملات بنعرش لما حدا يحكي عنا كلمة منيحه يسلمو ريماس على الموضوع ( غصبا عني بدي اجاملك هههههههههههه) لا بدون مجاملات موضوع حلوو |
رد: جاملني اجاملك ...... صارحني اكرهك
الي ساعة بكتب ردي بس في الاخر بيعطي error
|
رد: جاملني اجاملك ...... صارحني اكرهك
h,ttttttttttttttt شو بدي اتذكر شو كنت كاتبة ......... حكيت انه المجاملة مطلوبة بس مو في كل الاوقات.....وما تتعدى على الواقع اللي احنا عايشينه وماتكون كذب كمان ولازم الواحد يتعود الصراحة وما يكون منافق وكذاب هناك مصطلح يطلق عليه (((((((((النفاق الوظيفي)))))))))))))))) قيل لي بانه مسموح به في مكان العمل حتى نصل الى غاياتنا من مبدا ان الغاية تبررر الوسيلة ولكن بالفعل هذا المصطلح متداول ومعمول به........ حتى اصبح في الوقت الحاضر ليس فقط من بهارات الطبخة ولكن من مكوناتها الاساسية التي لا بد من توافرها حتى تنجح الطبخة وتطلع زاكية وكما ان الصراحة والحقيقة في اغلب احيانها مرة فلا مانع بتغليفها لاحلو والمطيبات التي لا تغير في جوهرها ولكن تصل الى المعني بطريقة محببة له رماس الموضوع كثير حلو...... مش مجاملة :h7: والله عن جد بحكي مشكورة عزيزتي |
رد: جاملني اجاملك ...... صارحني اكرهك
ابو زغيب نورتني بمرورك عزيزي
اسمع هاد رامي بياع كلام ومابيرضى يطلع معك بس يكون تعبان سيبك منه هههههههههههههههههههه وبالنسبه لمملكه اللاء متى يكون عنا الجرأه ونصير نحكيها علنا انا عارف بعدين مع هالخجل الي ذابحنا اسمع يارب يصير الي مو كويس مع الناس مو كويس معك انت كمان علشان تنفجر فيه وتفشل غلك هههههههههههه فاهمتلك شو قصدك هههههههههههههههههههههههههههههههه |
رد: جاملني اجاملك ...... صارحني اكرهك
اسرار نورتي صفحتي بردك حبيبتي
والله يا اسرار النفاق الوظيفي وما اكثرة مضيع حقنا انا بجامل بدوامي لكن بحدود لكن انا شخصيا بعرف ناس في دوامي يا لطيف مو مجامله لا تمسيح جوووووووووووخ من الاخر بيطلعو على اكتاف ناس انا شخصيا صارت معي مواقف بتموتي بشغلك والسمعه لغيرك لحد ما الواحد انفجر وفجر القنبله الموقوته فيهم وصارو يحسبولي مليون حساب يعني بهالدنيا ازا ذبحتي حالك مجاملات وتمسيح جووووووخ بتوصلي وما اسوء هالاسلوب |
رد: جاملني اجاملك ...... صارحني اكرهك
[marq]
سلام الله عليكم احبابي من خلال تصفحي للنت اعجبتني هذه الكلمات الجميلة عن المجاملة وعقدت العزم ان آتي بها لكم فارجوا الله لنا الفائدة ودمتم طيبين،،، يعتبر أسلوب المجاملة واحداً من الأساليب الاجتماعية المحببة التي امتدحها الإسلام وحض عليها وعلى كل أشكالها وخصوصاً بين الأزواج حفاظاً على ديمومة العلاقات الزوجية واستمرارها ونموها، وإذا كنا لا ننكر بأن هناك أساليب ووسائل كثيرة تسهم في الحفاظ على الألفة والإدام بين الزوجين، فإنه يمكن القول: إن أسلوب المجاملة يهدف بالأساس إلى تواد وتحبب كل طرف إلى الآخر والتقرب إليه، وذلك عن طريق إفشاء عبارات الاستحسان والإطراء والتعبير بالكلام الطيب والجميل· ويبدو أن الإنسان إذا كان يضطر في حياته اليومية والعملية إلى مجاملة رئيسه في العمل وزميله في الشغل وجاره في الشارع، فإنه من باب أولى أن يجامل رفيق عمره في بعض المواطن التي يجمل أن يكون فيها ذلك، وخصوصاً في المناسبات الكثيرة التي تظهر فيها الحاجة إلى المجاملة والمداراة وتوظيف أساليب المعاملة بالتي هي أحسن· إن سلوك أسلوب المجاملة وتقديم الكلمات الطيبة والمواقف الإنسانية الجميلة كل ذلك يولد لدى الزوج أو الزوجة شعوراً بالتواد ورفع المعنويات وتحبيب الخاطر، بل إنه في كثير من الأحيان يكون نهج أسلوب المجاملة عاملاً من عوامل حسم الخلافات والنزاعات الزوجية، إذ كم من معارك زوجية أنذرت بالانفصال أو القطيعة فتدخل أحد الطرفين بأسلوب المجاملة واللباقة لإيقافها وتلطيف الأجواء· إن أحد الزوجين يجامل الآخر في أمور كثيرة ومسائل اجتماعية متعددة قد يراها بعضهما عادية أو تافهة لكنها في واقع الأمر ذات أثر بالغ في تحسين العلاقة الزوجية وتمتينها وتقويتها، فالزوج قد يهنئ زوجته على الفستان الجديد ويبدي محاسنه ومميزاته ويشكرها على طبخها الجيد وأنه ألذ أنواع الطبخ التي تشتهيها نفسه، والزوجة من جهتها تسعى إلى تغيير ترتيب أثاث البيت من حين لآخر وتفاجئ زوجها أحياناً بطبق من الطعام الشهي الذي يحبه ويتوق إليه، إن مثل هذه المجاملات الفعلية والعملية إذا صاحبتها مجاملات قولية عن طريق الكلمة الطيبة والمعاملة الحسنة وإفشاء عبارات الإطراء والمديح والاستحسان كل ذلك يسهم بقوة في نمو العلاقة الزوجية وحمايتها من عوامل الضعف والشقاق والخلاف· قد يقول قائل، إن المبالغة في المجاملة قد تؤدي إلى نوع من النفاق الاجتماعي والاصطناع الذي لا يعبر عن حقيقة المشاعر وطبيعتها، فيجاب عن ذلك إن هناك شعرة تفصل بين المجاملة والنفاق، وهذه الشعرة هي النية التي تدفع للإطراء أو المديح، وفضلاً عن ذلك، فإن النفاق خصلة ذميمة لا مكان لها في العلاقات الزوجية لأنه لا توجد بين الأزواج مصالح كما هي بين الناس فلا مجال إذاً للحديث عن النفاق بين الأزواج، ورسول الله صلى الله عليه وسلم، هو القدوة لنا في ذلك، حيث روت كتب السنَّة والسيرة كثيراً مما كان يعبر عنه عليه الصلاة والسلام لأزواجه من حسن المعاملة >خيركم خيركم لأهله وأنا خيركم لأهلي < وتقديم عبارات الإطراء والاستحسان والمزاح الحق وغير ذلك من أساليب إدخال السرور والحبور على نفوس أزواجه· إن أسلوب المجاملة بين الأزواج يسمح بالقضاء على الخلافات وتبديد حالات الشقاق وفض النزاعات، وهو كفيل بأن يحقق فرص التسامح المتبادل وتجاوز خلافات الماضي والقضاء على سلبيات وانعكاسات الرتابة الزوجية التي كثيراً ما أدت في وقتنا الحاضر إلى تفكك الأسر وانفصامها، هذا فضلاً عن تقوية روابط وأواصر العلاقة الزوجية بما يحقق نوعاً من الاستقرار والاستمرار والتعايش الاجتماعي. تحياتي الخالصة للجميع ،،،:h7: [/marq] |
رد: جاملني اجاملك ...... صارحني اكرهك
اخ تيم نورتني بمرورك
بس ممكن طلب صغير الصراحه مابلحق اقرا ردك لانه سريع ازا في مجال تعمله رد عادي ازا ما فيها غلبه عليك تقبل احترامي عزيزي |
رد: جاملني اجاملك ...... صارحني اكرهك
والله ياريماس هاد احمد بستحي من الناس ومو راضي يطبق مملكة اللاء وانت كمان بس بدها شوية مجازفة جربوها والله غير ترتاحو بلشوها مع ناس بتمونو عليهم
|
رد: جاملني اجاملك ...... صارحني اكرهك
انا بتشاطر على اهلي بس والله الي برا بخجل عن جد احكيلهم لأ
|
رد: جاملني اجاملك ...... صارحني اكرهك
البداية دايما صعبة اكييد رح تخسري ناس كتير بس اللي بتخسري اعرفي انو ما بفهم او ما براعي افكارك الجديدة
|
رد: جاملني اجاملك ...... صارحني اكرهك
ايواااااااااا عبي راسي كمااااااااااااان
والله شكلك لتضل وراي لحتى اتطلع ما الاقي حدا ههههههههههههههههه يا وش السعد علياااااااااااااااااااااا |
رد: جاملني اجاملك ...... صارحني اكرهك
ههههههههههههه والله ياريماس نحن بامس الحاجه لنعيد رسم وخط حياتنا من جديد فقد سئمنا من ما كتب علينا واجبرنا بفعل امور لا تناسبنا
|
رد: جاملني اجاملك ...... صارحني اكرهك
احنا ماشين على مبدأ حط راسك بين هالروس وقول يا قطاع الروس
بس انا ضد هالفكرة اذا هم بدهم راسهم ينقطع انا مو مستغنيه عن راسي ههههههههههههههههههههه بمعنى انه الكل بيجامل وبيضحك على بعض والناس بتحكي انه الكل ماشي على هالقاعده ليش ما اعمل متلهم بس انا ضد هالفكرة مستحيل اجامل علشان مصلحتي هاي شغلات ما بحبها بس والله من الي بشوفه هم الي حالهم ماشي والله |
رد: جاملني اجاملك ...... صارحني اكرهك
والله يا ريماس كلامك مزبوط احنا اللي رايحة علينا بس في متل بواسي الواحد بحكي " ما دام في عقبات بحياتك ف اعر انك ماشي بالطريق الصحيح"
|
رد: جاملني اجاملك ...... صارحني اكرهك
بالفعل ريماس ...... تابع لكلامي وكلامك (تمسيح الجوخ) صار هاد الشي في هاي الايام شي اساسي في كل المعاملات الانسانية وعن تمسيح الجوخ بحب اورد كلمات وعبارات تدل على نفس المعنى .... احمد .... رامي ساعدوني ازا بتعرفوا شي 1. بيهز ذنب 2. في الانجليزي انا بعرف المصطلح ودايما بحكيه للناس اللي ما بيعرفوا وبكون مستمتعة apple polisher 3. بيلمع كلامه 4. بلش يرش قطر على الطبخة 5. بهرها شوي |
رد: جاملني اجاملك ...... صارحني اكرهك
اسعد الله اوقاتك ياكبير المهندسين ابو معمر .بدي اتعلم كل شي في المنتدى
|
رد: جاملني اجاملك ...... صارحني اكرهك
ياريت اقدر اجامل المشكلة اني بطس الواحد برايي وما بهمني يزعل ولا لا المهم انه احكي رايي بس يكون صح مش اقعد أألف على حسابه
|
رد: جاملني اجاملك ...... صارحني اكرهك
اسرار بدي اساعدك بمصطلح جديد
(يهلّس ) عمرك سمعتي في هالمصطلح ؟؟؟؟ |
رد: جاملني اجاملك ...... صارحني اكرهك
يا هلا بسهر نورتيني بمرورك حبيبتي المجامله بحدود حلوة لكن ما تزيد عن حدها لا تكن لينا فتعصر ولا صلبا فتكسر الاعتدال مطلوب بكل شي ويا هلا مرة تانيه |
رد: جاملني اجاملك ...... صارحني اكرهك
ومن نكد الدنيا على الحر ان يرى عدوا له منا مجاملته بد
:187[1]: . شكرا ريماس |
رد: جاملني اجاملك ...... صارحني اكرهك
عفوا....
ما من مجاملته بد |
رد: جاملني اجاملك ...... صارحني اكرهك
يا هلا ابو سلطان نورتني بمرورك عزيزي
|
| الساعة الآن 21:39. |
Powered by vBulletin® Copyright ©2000 - 2025, Jelsoft Enterprises Ltd. , Designed & TranZ By
Almuhajir
new notificatio by 9adq_ala7sas
Developed By Marco Mamdouh
جميع الحقوق محفوظة لشبكة و منتديات صدى الحجاج