ايهما الافضل الارتباط بمن يحبك ام من تحبه؟؟؟؟؟
 

يقول أحد العلماء الأميركيين، إنه "حينما يكون الإنسان في حالة حب، فإن العالم كله يدور حول من يحب، ثم يأتي الزواج، ويهدم جميع أحلامه. ويكشف أن هناك عوالم أخرى كانت موجودة، والمفروض أن ينتبه إليها ولا يغفلها. إنها عالم المفاهيم والقيم والعادات".
هذا من وجهة نظره لوحده.....

أما المثل الشعبي العربي، فحسب الأمر بطريقة مختلفة عندما قال: "خليك مع اللي قلبه يحبك ويسعدك، ولا تروح مع اللي قلبك يحبه ويبكيك".

ماذا يقول البعض حول هذه القضية؟

ايهما الافضل الارتباط بمن يحبك ام من تحبه؟؟؟؟؟

الافضل بكل تاكيد هو الحب المتبادل بين الطرفين ولكننا لا نجده في كل الاوقات

اريد تحليلاتكم ووجهات نظركم حول هذا الموضوع؟؟؟

رد: ايهما الافضل الارتباط بمن يحبك ام من تحبه؟؟؟؟؟
 

شخصيا افضل الارتباط بمن يحبني لذاتي وشخصي وانا واثقة من انني سوف احبه وانا بالاصل جبانة لا افتح المجال لنفسي حتى احب قبل ان احب
وراي العالم الامريكي بان الزواج يهدم جميع الامال من وجهة نظري راي محمدو الافق ضيق النطاق لا يحتمل ان يكون ضمن اطار العلاقة الزوجية المقدسة اصلاً

على العكس فالزواج هو الرابط الذهبي الذي يلف هذه العلاقة الرائعة جدا ويغلفها بالطعم الوردي المسكر بسكر من الجنة

رد: ايهما الافضل الارتباط بمن يحبك ام من تحبه؟؟؟؟؟
 

راح ارتبط في الي بحبني مو الي انا بحبه

لانه راح يعمل المستحيل لحتى يسعدني وان من خلال اهتمامه في اكيد راح احبه بعدين

موضوعك حلو اسرار

دمت بخير

رد: ايهما الافضل الارتباط بمن يحبك ام من تحبه؟؟؟؟؟
 

موضوع رائع حبى اسرار برئى اته اتزوج اللى يحبنى لئنه من خلال حبه ليا هيقدر يخلينى مرتاحه بحياتى وممكن اقدر احبه

رد: ايهما الافضل الارتباط بمن يحبك ام من تحبه؟؟؟؟؟
 

نور.....ريماس
الله يجمعكم في اللي بيحبكم
لانكم قمرات وعسل وبتنحبوا اكيد....... وراح تحبوهم لانهم حبوكوا

رد: ايهما الافضل الارتباط بمن يحبك ام من تحبه؟؟؟؟؟
 

أما المثل الشعبي العربي، فحسب الأمر بطريقة مختلفة عندما قال: "خليك مع اللي قلبه يحبك ويسعدك، ولا تروح مع اللي قلبك يحبه ويبكيك".
مشكورة أسرار موضوعك رائع
أما نصيحة خليك مع اللي فلبه يحبك
شـكــ وبارك الله فيك ـــرا لك ... لك مني أجمل تحية .

رد: ايهما الافضل الارتباط بمن يحبك ام من تحبه؟؟؟؟؟
 

رد: ايهما الافضل الارتباط بمن يحبك ام من تحبه؟؟؟؟؟
 

انداااااااري .. ههههههه والله دايما بسال هالسؤال ومحيرني

ايهما الافضل الارتباط بمن يحبك ام من تحبه؟؟؟؟؟


اسرار وريماس .. طيب افرض ارتبطتوا بالشخص الي هو بحبكم بس انتوا ما حبيتوا (المحبة من الله ) وحبيتوا شخص اخر مثلا ... كيف الوضع رايح يكون ؟؟

وسؤال اضافة للموضوع للجميع
هل من الممكن ان ترتبط بشخص فقط انك تحبه حتى لو علمت انه لا يحبك قد يكون يحترمك لكنه لا يحبك .. واذا ارتبطت ووجدته يحب غيرك او يتذكر من كان يحب هل تعذره ؟؟

رد: ايهما الافضل الارتباط بمن يحبك ام من تحبه؟؟؟؟؟
 

تونس.............. كلامك عين العقل
وانتي يا فلة ................نورتي:hhh16:

رد: ايهما الافضل الارتباط بمن يحبك ام من تحبه؟؟؟؟؟
 

تونس.............. كلامك عين العقل
وانتي يا فلة ................نورتي:hhh16:

رد: ايهما الافضل الارتباط بمن يحبك ام من تحبه؟؟؟؟؟
 

انا مني وعلي مقررة اني ما اسمح لحالي افكر باحتمال الحب قبل الزواج عشان اريح حالي يعني بدي 5 سنين لحتى اخلص جامعة وقبلهم ما رح اتزوج متلا رح اقعد احب 5 سنين ما عاش ولا كان
واكيد رح اتزوج يللي بحبني

بالنسبة لسؤال احمد انا لما اتزوج واحد هو بحبني رح يحببني فيه وبما اني وافقت عليه بكل ارادتي العقلية ما بصير اني اسمح لحالي افكر بحد تاني مجرد تفكير ...مش افكر فيه لحد ما احبه كمان يا سلام سلم ... ساعتها بستاهل انه .... ولا بلاش ... صدقني رح احتقر حالي ... ما حبيت وانا عند دار اهلي اروح احب عند دار زوجي !!!!!!!!!!!!!!!

رد: ايهما الافضل الارتباط بمن يحبك ام من تحبه؟؟؟؟؟
 

اعتذار ..
انا لم اقصد ريماس او اسرار بسؤالي .. قصدت بشكل عام .. اعتذر مرة اخرى

دانا الي قصدته .. انه ممكن الانسان يرتبط بانسان على امل انه يحبه في المستقبل بس ما يصير هالشي .. ويقلب لكره

رد: ايهما الافضل الارتباط بمن يحبك ام من تحبه؟؟؟؟؟
 

بدي امشي معك اشوف اخرتها يا بتطخني يا بطخك

ازا انا اخدت واحد بيحبني ازا ما كنت اقل شي بستلطفه ما راح اتطلع بخلقته ليش اظلم حالي واظلمه معي

طيب افرض يا فهلوي انا كنت بحبه وهو ما حبني وين اصفي انا بالشارع

وبعدين يروح يحب غيري ازا ما حبني ؟؟؟ يي يي حبته القرادة والله الا اقيم عليه الحد الا اقطعه اربا اربا

وبعدين راح يحبني غصب عنه اطلع منها انت بس

بعدين من الاخر اسمع مني البنت من المعامله الكويسه من زوجها مليون بالميه راح تحبه

بس انتو مو مضمونين والله ما بضمنكم بشلن

انتو من المعامله الكويسه بتتنمردو رووووووووووح طير

اخد واحد بيحبني اضمن

رد: ايهما الافضل الارتباط بمن يحبك ام من تحبه؟؟؟؟؟
 

رد: ايهما الافضل الارتباط بمن يحبك ام من تحبه؟؟؟؟؟
 

معناتها هون بنرجع لمربط الفرس

الي بيطلع من دارة بينقل مقدارة كل واحد فيهم ينطس ويقعد عند اهله وبلا من الجيزة كلها

وبنرجع للكلام الي دايما بحكيه ما في داعي الواحد يتجوز لانك دائما راح تصاب بخيبات الامل

بس طالما هي سنه الحياه فهو مكتوب ما منه مهروب

وبعدين بالنهايه كله بيرجع للنصيب ما حد بيعرف شو مخباله

ممكن اتنين يحبو بعض وبعد الجيزة يكتشفو شغلات في بعض وما يستمرو وعلاقتهم تفشل

وفي ناس اول مرة بشوفو بعض بعد الخطبه وبعد الزواج علاقتهم بتكون من اروع ما يكون

بس خدها قاعدة ازا حبيت شخص بتفني حالك لحتى تسعده وهو ازا كان بيفهم الا يقدر محبتك اله ويحطك بعيونه

ملاحظة: هاد ازا كان بيفهم اما ازا كان بعيد عنك ما بيفهم فالجواب في السطر التاني

رد: ايهما الافضل الارتباط بمن يحبك ام من تحبه؟؟؟؟؟
 

احمد....دندون.... ريماس
مشكوين على التفاعل والروح العالية في المشاركة
نيال الصدى فيكم:005 v:

رد: ايهما الافضل الارتباط بمن يحبك ام من تحبه؟؟؟؟؟
 

مع يلي بحبني أكيييد ...................... :hhh19:موضوعك قمة الروعة أسرار

رد: ايهما الافضل الارتباط بمن يحبك ام من تحبه؟؟؟؟؟
 

انت الاروع عهد ...... مرورك عسل زيك الله يخلي الك اللي بيحبك

رد: ايهما الافضل الارتباط بمن يحبك ام من تحبه؟؟؟؟؟
 

والله القضيه نسبيه .....
صعب وانا بفضل الاختيار ماينربط بالحب بل ينربط بالاحترام والتفاهم لانه مش كل واحد بحب بحترم او بفهم حبيبه ولا شو رأيكم؟؟؟؟؟؟؟؟؟؟؟؟؟؟؟؟؟؟؟؟؟؟؟؟:159[1]:

رد: ايهما الافضل الارتباط بمن يحبك ام من تحبه؟؟؟؟؟
 

وجهة نظر نحترمها جميها عذب

رد: ايهما الافضل الارتباط بمن يحبك ام من تحبه؟؟؟؟؟
 

يعني يا احمد اكيد البنت ما رح توافق ع اي شخص بتقدملها لانه هاي شغلة ما فيها مجازفة يعني لما توافق عليه لازم يكون في اشي جذبها فيه افكاره اسلوبه اخلاقه اما اذا ما لقت فيه شي يعجبها يعني ما قدرت تبلعه ما بصير انها توافق عليه على امل انها تحبه لانه متل ما قلت هاي شغله ما فيها مجازفة مو اي عريس والسلام ...
( انا بحكي ع اساس الجواب انه :الزواج من شخص بحبني )

رد: ايهما الافضل الارتباط بمن يحبك ام من تحبه؟؟؟؟؟
 

رد: ايهما الافضل الارتباط بمن يحبك ام من تحبه؟؟؟؟؟
 

هلأ السؤال ليش أصلا؟؟
يعني مستحيل الوحدة او الواحد يتجوزوا بعض إلا لمن يحبو بعض خصوصا بهاد الزمن:hhh14:
تفرجو على كل المخطوبين حواليكم:168[1]:
متلا لو أنا حبيته ما راح اخليه يتجوزني قبل ما يحبني وبكون واحد غبي ازا ما حبني والعكس صحيح
أنا برأيي لازم على الأقل الإعجاب من الطرفين يعني كل واحد بحب نص التاني عشان يقدر يحبه كله
أما واحد بحب والتاني لأ شو برادة الدم هاي
لازم التنين يكونوا بحبوا بعض
يا إما بلا من الزواج كله
:hh3:

رد: ايهما الافضل الارتباط بمن يحبك ام من تحبه؟؟؟؟؟
 

اول اشي شكرا اسرار على انتقاءك للموضوع
انا اللي فهمته من هالحكي انو البنت بتحرص انو توخد اللي بحبها او بقدرها بمعنى اصح عشان تلاقي السعاده اللي بدها اياها والشب ممكن يكون رايه بختلف بتوقعي انو الشباب بحرصو دايما يوخدو اللي بحبوها لانه فرص الاختيار بتكون اكتر وممكن يكون عندهم خيارات اكتر من البنت ومو قصدي انو البنت ما عندها خيارات بس هو بكون اكتر ف دايما بحاول ياخد اللي حبها هو مش اللي بتحبه زي ما بتفكر البنت لانه ازا ما اخد اللي بحبها بغلب عليه شعور الخسارة والفقدان لاشي كان ملكه
اما بالنسبه الي لا اللي بتحبني ولا اللي بحبها ووقت الزواج ربنا بفرجها.

رد: ايهما الافضل الارتباط بمن يحبك ام من تحبه؟؟؟؟؟
 

الله يفرجها عليك رامي وعلينا
موفق ومشكور على المشاركة

رد: ايهما الافضل الارتباط بمن يحبك ام من تحبه؟؟؟؟؟
 

كله انيل من بعضو
الاحسن على النصيب
والحب بعد الزواج احسن مليوووون مره
.
:150[1]:

رد: ايهما الافضل الارتباط بمن يحبك ام من تحبه؟؟؟؟؟
 

مشكور اخي على الطرح المميز

الافضل الارتباط بمن يحبك وتحبه

رد: ايهما الافضل الارتباط بمن يحبك ام من تحبه؟؟؟؟؟
 

بالفعل الحب بعد الزواج كثير حلو
وسبحان الله الذي قال في كتابه(((( وجعلنا بينكم مودة ورحمة))))
ولم يقل حب لان مشاعر المودة والرحمة اسمى بكثير سبحان الله
مشكور ابو سلطان وكمان استاذ الغرام

رد: ايهما الافضل الارتباط بمن يحبك ام من تحبه؟؟؟؟؟
 

والله سؤال صعب اخت اسرار
بالنسبة الي لازم ارتبط بالانسانه اللي بتحبني لأنها ممكن تقدملي المستحيل حتى تسعدني
وبعدين اكيد رح احبها طبعا اذا ما لعبت بذيلها
تقبلي مروري واحترامي :h5:

رد: ايهما الافضل الارتباط بمن يحبك ام من تحبه؟؟؟؟؟
 

رد: ايهما الافضل الارتباط بمن يحبك ام من تحبه؟؟؟؟؟
 

صحيح ندوش ....
الحب لازم يكون من قبل الطرفين
بس من هو الذي بدا وحمل مشاعر الحب اول شي...
يا ستي نيال كل حبيب بحبيبته
ونيال الصدى باحبائه.... مشكورة نادية