الحجاب
 

حبيت احكي معكم عن موضوع الحجاب و طريقة التلاعب

به كلنا نعلم معنى الحجاب و هو أن تقوم المرأة بستر جسمها عدا وجهها و يديها لكن ما نراه اليوم مختلف تماما عما أمر به ربنا عز وجل
إذ أصبحت الفتاة تكشف عن نفسها أمام أقاربها الذين يفترض بها ألا تنزع الحجاب أمامهم كإبن العم و الخال وغيرهم و تخرج نصف شعرها و تدعي أنها متحجبة
ولا تنسو الرقبه والاذن يلي بيكونو باينين
على قولة هيك بنات الشعر لرب والرقبه للشب هادا كان رد بنت وقفتا وسئلتا وهيا بلشارع

على كل ندعوا الله أن يهدينا و يغفر لنا ذنوبنا و خطايانا
أتمنى أن يعجبكم الموضوع وفي إنتظار ردودكم الرائعة فلا تبخلوا علي بها

رد: الحجاب
 

الحمد لله على نعمة الاسلام

والله يا هبه الي بتحكي عنه يوميا بنشوفه

الحمد لله اني ما الي ابن عم

والله يا هبه انه اذا بتنزلي مشوار بتشوفي شغلات بتحسي حالك بتحلمي

بلاطين الجينز الديئة وبلايز قصيرة والمصيبة لابسه حجاب انا ما مر علي هيك حجاب

الله يهدينا ويهدي بنات المسلمين يارب

رد: الحجاب
 

لا والمشكله صارو يتننو بلبس الحجاب

وفي بنات بتلبس الحجاب وصرتها مبينه
ونص صدرها بره

وهي مو عارفه بدها ترضي مين

الخالق ولا الخلق
.
.
.
.
:hh13:

رد: الحجاب
 

والله يا ريماس الواحد ساير يشوف البنات وهما بيشوهو سمعة الحجاب

لو ما يتحجبو بيكون افضل
انا مومحجبه بعترف بس ازا تحجبت يا بلتزم بشروط الحجاب يا بلامنو نهائي

مشكوره على مرورك

رد: الحجاب
 

مو عارفا شو احكيلك يا ابو سلطان
بس ربي يهديهم يارب
وبلا من الحجاب افضل

بس اتوقع هل نوع من البنات يا ابو سلطان بيكونو ارغمو على لبس الحجاب ما بيكونو لبسوه عن اقتناع تام

مشكور على مرورك

رد: الحجاب
 

موضوع رائع ربنا يهدى بنات المسلمين الحجاب عفه للبنت وهو امر الله ورسوله ربنا يعفينا ناس كتير مسلمين ما بيعرفو شئ عن الحجاب الشرعى وسبحان ربى مسلمين
كل ودى وحبى لكى حببتى هبه:hh13:

رد: الحجاب
 

اللهم امين

ومشكوره حبي نور على مرورك

رد: الحجاب
 

:hh13:هو الاساس انه الموضة صارت بالحجاب يعني اللي ما ببين من شعرها شي والرقبة لازم تبان ولا تنسو الادن هاي بتكون متخلفة وياريتها موضه حلوة المهم انه تقليد اعمى وشوفوني يا ناس الله يهدي

رد: الحجاب
 

الحجاب لغة هو الساتر، وحجب الشئ أي ستره، وامرأة محجوبة أي امرأة قد سُترت بستر, وجميع علماء الإسلام يرون وجوب الحجاب على المرأة وإن كانوا يختلفون في هيئته فمنهم من يرى أن على المرأة ستر جميع جسدها بما فيه وجهها، وهناك من يرى جواز كشف الوجه و الكفين. وهذا ما ينافي الآيات و الأدلة الصريحة من الكتاب والسنة. و توجد بعض الدول تمنع المسلمات من ارتداء الحجاب في المؤسسات العامة كالجامعات والمدارس أو المؤسسات الحكومية مثل فرنسا و تونس و تركيا. يقول الله عز وجل: (وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ) (سورة النور أية 31). وإذا فسرنا هذه الآية كما فسرها أهل العلم مثل ابن كثير وغيره وبالذات (وَلْيَضْرِبْنَ بِخُمُرِهِنَّ عَلَى جُيُوبِهِنَ)ّ وجدنا أن مكان الجيب هو فتحة الصدر وإذا تدلى الخمار من الرأس إلى الصدر لستر الوجه وهدا وضح جدا ولا يحتاج إلى تأويل وقد روى البخاري عن عائشة رضي الله عنها قالت " لما أنزلت هذه الآية أخذن أزورهن. فشققنها من قبل الحواشي فاختمرن بها " . قال الحافظ ابن حجر :فاختمرن أي غطين وجوههن, ولكن البعض من مال عن هذا القول وتأول المعنى حسب رأيه واضعاً الآيات و النصوص ورائه. وقد يستدل بعضهم بقول الله تعالى ( إِلا مَا ظَهَرَ مِنْهَا) ويدعي أن المقصود من ذالك هو الوجه والكفين إلا أن المقصود من ذالك هو ما يظهر من المرأة بغير قصد فأظهر الأقوال في تفسيره : أن المراد ظاهر الثياب كما هو قول ابن مسعود رضي الله عنه، أو ما ظهر منها بلا قصد كأن ينكشف شيء من جسدها بفعل ريح أو نحو ذلك . والزينة في لغة العرب ما تتزين به المرأة مما هو خارج عن أصل خلقتها كالحلي والثياب ، فتفسير الزينة ببعض بدن المرأة كالوجه والكفين خلاف الظاهر.

سورة النور,أية: 31 (وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلا يُبْدِينَ زِينَتَهُنَّ إِلاَّ مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلا يُبْدِينَ زِينَتَهُنَّ إِلاَّ
لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَآئِهِنَّ أَوْ مَا مَلَكَتْ
أَيْمَانُهُنَّ أَوْ التَّابِعِينَ غَيْرِ أُوْلِي الإِرْبَةِ مِنْ الرِّجَالِ أَوْ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاءِ وَلا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ
زِينَتِهِنَّ وَتُوبُوا إِلَى اللَّهِ جَمِيعاً أَيُّهَ الْمُؤْمِنُونَ لَعَلَّكُمْ تُفْلِحُونَ)صدق الله العظيم.

سورة الأحزاب , أية: 59 (يَا أَيُّهَا النَّبِيُّ قُلْ لأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلابِيبِهِنَّ ذَلِكَ أَدْنَى أَنْ يُعْرَفْنَ) صدق الله العظيم.

ليس كما يظن أغلب الناس أن الحجاب هو فقط تغطية شعر المرأة ولكن الحجاب له ثماني شروط ليكون صحيح كما يرى فقهاء الإسلام الأوائل وهذه الشروط هي:

أن يكون ساترا لجميع العورة, حتى الوجه والكفين وليس كما قال بعض العلماء الذين اخطئوا في هذه المسألة.
ألا يكون زينة في نفسه، أو مبهرجا ذا ألوان جذابة تلفت الأنظار، حيث ذُكر في القرآن:{ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا}، الآية 31 من سورة النور.
أن يكون سميكا لا يصف ما تحته من الجسم.
ان يكون فضفاضا غير ضيق ولا يصف الجسم.
لا يكون الثوب معطرا، قال رسول الله(ص) : (( كل عين زانية , والمرأة إذا تعطرت فمرت بالمجلس فهي زانية )) وفي رواية (( أيما امرأة تعطرت فمرت على قوم ليجدوا منها ريحاً فهي زانية ))صحيح أبو داود وأحمد والترمذي والنسائي.
ألا يكون الثوب فيه تشبه بأزياء الرجال، للحديث الذي رواه الحاكم عن أبي هريرة : ( لعن النبي (ص)الرجل أن يلبس لبسة المرأة ، والمرأة أن تلبس لبسة الرجل ).
ألا يشبه زي غير المسلمين, لقول رسول الله صلى الله عليه وسلم : (من تشبه بقوم فهو منهم).
ألا يكون ثوب شهرة، أي الذي يقصد بلبسه التفاخر والتكبر بين الناس لقول رسول الله صلى الله عليه وسلم (من لبس ثوب شهرة في الدنيا ألبسه الله ثوب مذلة يوم القيامة)، رواه ابن ماجة في سننه.

رد: الحجاب
 

والله يا ميسم كل شي سار عند البنات موضه انا من رأيي بلا ما يلبسو حجاب بيكون افضل

مشكوره على مرورك

رد: الحجاب
 

مشكوره كل الشكر ريما على مشاركتك الرائعه

بس ان شاء الله اقتنع بلحجاب انا

لكِ مني كل الشكر

رد: الحجاب
 

:hh13:آمين هبه الله يهديكي

رد: الحجاب
 

امين يارب

بس والله يا ميسم ازا بدي البس الحجاب متل يلي بيلبسو هلاء خليني هيك افضل

رد: الحجاب
 

:hh13:بس انتي هبه لما تفكري تلبسي الحجاب أكيد رح يكون عن قناعة وقتها حتلبسي على الطريقة الشرعية الصحيحة

رد: الحجاب
 

ان شاء الله حبي ميسم

رد: الحجاب
 

هبه

الحجاب هل ايام
مو التزام لا امر الله لا

الحجاب صار موضه

اصلا حتى مو محجبات صارت تتحجب للموضه فقط

ولسئ ماشفتي الخصر الساحل للبنات
او الموضه الجديده انو زرار البنطلون فاتح في داعي يتسكر هههههههههههههههه

الله يهدي الجميه
ويرحمنا برحمته

رد: الحجاب
 

السلام عليكم
موضوع حلو كتير هو هاد الحكي صحيح والله يهديهم يارب
بس الحجاب فرض من عند ربنا يعني ما بصير نحكي رأيي تلبسو ورأيي ما تلبسو يعني هو متل الصلاة فرض ع كل مسلمة بالغة اما كيف تلبسه هاد اشي برجع بينها وبين ربنا احنا بس علينا النصيحه اللي بتقبل النصيحه نالها الخير واللي ما بتسمعها الموضوع كله بينها وبين ربنا اما الحجاب فهو فرررررض وما في لعبه

في حديث سمعته بس انا مو شاطرة بالحفظ ياريت حدا يجيبلنا نصه وانا اذا لقيته بجيبوا( بما معناه انه النساء يللي ما بكونوا بيرتدوا الحجاب بيتعلقوا من شعرهم في نا جهنم هاد حديث سمعته وياريات تتأكدوا منه )

رد: الحجاب
 

اسمحولي اتطفل عليكم
انا معك يا هبه فيما تقولي ... فانا لا احب التذبذب في الشخصية اما ان تلتزم الفتاة في الحجاب او ان لا تشوهه
والله بستغرب من بعض البنات الي مثل ما قلتي من فوق لربي ومن تحت للخلق ..... يا ابيض يا اسود
ومعك انه كثير من البنات ما بكونوا مقتنعات فيه وطبعا هذول خطرهن اكبر
وانا بحكي في وقتنا الحجاب صار ما يعبر عن ادب البنت لانه كثيير بنشوف انه بنات مش محجبات عندهن ادب اكثر من بنات محجبات
الحجاب مش لتقييم البنت هو لحفظ البنت يعني الحجاب مش للناس هو للبنت اولا واخيرا
لو عندك ماسه ثمينه مش راح تلفيها وتخبيها عن عيون الناس ؟


انا اكثر شي اتذكره في هذا الموضوع قصة سيدتنا عائشه
وعلى ما اذكر اني قلتها لفتاة بمثابة اختي زمان وما بعرف اذا اقتنعت ولا لأ لانها كانت مش متحجبه ... اسأل الله ان يمن عليها في الحجاب ويرزقها حلاوته والراحة النفسيه التي يمنحها الحجاب ... امين امين امين
فاني اريد الخير لها واذا تحجبت الكوا مني احلى حلوااااااان بس قولوا امييين يارب

تقول عائشة رضي الله عنها(كنت أدخل بيتي الذي دفن فيه رسول الله صلي الله عليه وسلم
وأبي فأضع ثوبي فأقول .. إنما هو زوجي وأبي . فلما دفن عمر معهم فوالله مادخلت الا وأنا مشدودة علي ثيابي
حياءً من عمر)
يا الله ... ام المؤمنين تشد ثيابها وتستحي من انسان ميت ..

هذي هديه اهديها لكل بنت تحب الله ونبيها محمد صلى الله عليه وسلم
واهديها الك يا هبه يا اروع اخت في الدنيا
http://www.youtube.com/watch?v=PClBhvHiTlw

رد: الحجاب
 

وفاء شو قصدك بموضوع الخصر الساحل انا بفرجيكي يا بطه منتفاهم بعدين
اما موضوع زرار البنطلون يلي مافي داعي يتسكرو شفتا وحياتك

مشكوره على مرورك حبي وفاء

رد: الحجاب
 

دانا انا معك انو الحجاب فريضه من عند الله
بس يلي بلاحضو على البنات انو يلي بتلبس الحجاب وما بتكون مقتنعه فيه سدقيني وانا شفت هل شي انو بعد ما تبعد البنت عن بيت اهلها بكم متر بتشيل الحجاب عن راسها

وكتير بنات محجبات وملتزمات بلباس الشرعي وبعد شوي وقت تبعد عن مكان سكنها بتشلح الحجاب والجلباب وبتكون لابسا اخر صرعات الموضه

كرمال هل شي لازم البنت تلبس الحجاب عن اقتناع

مشكوره حيبي دانا على مرورك

رد: الحجاب
 

ربي يخليك ابو حميد ياروع واعز اخ ليا على قلبي ربي يخليك ليا ياخوي

بس والله يا ابو حميد اتوقع اختك يليبدك تتحجب بعد يلي بتشوفو من البنات المحجبات وبتشوف تصرفاتهم ما راح تتحجب
وانتا حكيت الحجاب مو مقياس لا تصرفات البنت واخلاقها
ما راح ازيد على كلامك شي

ربي يخليك وما يحرمني منك انتا وخاله ام يزيد يلي هيا أمي التانيا وعمري كلو الها

رد: الحجاب
 

:hh13:نحنا مبدئنا هلأ هو ارضاء رب العالمين في ارتداء الزي الشرعي اما مسألة التصرفات فهي ترجع للشخص ذاته يعني انا محجبة انا اللي بحدد احترامي للزي من خلال تصرفاتي ومدى ايماني وقناعتي بما افعله

رد: الحجاب
 

اكيد ميسم بس التسرفات هيا يلي شوهت سمعة الحجاب

رد: الحجاب
 

:hh13:بس هبه في النهاية لا يصح الا الصحيح

رد: الحجاب
 

ويخليك يارب ...
انا مع ميسم ... الهدف ارضاء رب العالمين .. ومثل ماحكيت انا انه الحجاب مش للناس مش عشان تعطي صورة عنك بس والله انك محجبه
الحجاب للمراة حفاظ عليها في الدنيا وفي الاخرة
في الدنيا كلنا عارفين ... وفي الاخرة هو ارضاء رب العالمين

يلا هبه اتشاطري انتي واعكسي صورة صح عن الحجاب لما تلبسيه
اذا انتي وانتي مش ملتزمة في الحجاب بتعطي صورة صح عن البنت المؤدبه ..احنا مابدنا تعطي صورة عن الي مش ملتزمات بدنا تعطي صورة صح عن المحجبات والبركه فيكي

يا هبه خذي هالكلمتين من اخوك وفكري فيهم منيييح
بحكوا العلماء ...
دائما انظر للذي ادنى منك في الاشياء الدنيويه واحمد ربك انك افضل منه
وانظر للذي افضل واعلى منك في العبادات ومخافة الله واطلب من الله ان تكون مثل الذي اعلى منك

يعني اذا وحده او ثنتين او الف شوهن صورة الحجاب احنا نوقف ونترك الحجاب .... المشكله مش في الحجاب المشكله في الي بلبسوا الحجاب

رد: الحجاب
 

:hh13:صح لسانك يا احمد اختصرت كل الحكي علينا بكلمات الذهبية وان شالله هبه تقتنعي بالحجاب رح تحسي كم هو راحة نفسية ومتعة وثقة بالنفس

رد: الحجاب
 

ولسانك ميسم ...

رد: الحجاب
 

هبه بارك الله فيك وجزاك الله خيرا على هذا الموضوع القيم

رد: الحجاب
 

بدك البس خمار فله :|
حرام عليكي بدك كون عباره عن ..........
مع احترامي للمخمرات بس انا لحتى اقتنع بلحجاب وانتي بدك اتخمر

رد: الحجاب
 

هبوش والله كل يوم بفتح هاد الموضوع ع امل اشوفك كتبتي انك تحجبتي الله يهديكي حبيبتي لكل خير يارب ويشرح صدرك للحجاب ياااااارب

ما في حدا بيستاهل هبوش صدقيني ما في حدا واكيد انت فهمتيني اكسبي حالك ما في حدا رح يفيدك

رد: الحجاب
 

ان شاء الله راح اتحجب دانا

دانا انا مبارحا طول الليل ما نمت وانا عم بفكر بيلي صار معايا مبارحا لقيت انو مافي حد بيستاهل ابكي كرمالو وقررت اكبس خيي ونور عيوني ويلي راح ما بدي ياه وما بدي يكون في بديل عنو انا بدي اكسب هبه وهبه بدا ما تخسر اخوها

رد: الحجاب
 

رد: الحجاب
 

شكرا هبة ، الحجاب في يومنا هذا أصبح إسم فقط ...
و الأغرب من ذلك تجدها متحجبة من فوق و الباقي ...!!!! كما قال الأخ أبو سلطان مشكور
ربي يهدي الجميع:hh13:

رد: الحجاب
 

مهوا هادا التصرف يلي بتصرفو البعض من المحجبات بيخلي الواحد ما يقتنع كتير بالحجاب
لانه هما يلي شوهو صورة الحجاب

واتوقع انا نقلت من قبل راي وكلام بعض المشوهات المنظر الحجاب ( الحجاب للرب والرقبه للشب)
مشكوره راضيه على مرورك

رد: الحجاب
 

انا فعلا بتمنى هبه انك تتحجبي ولا تستغربي ان مرات بتخطري على بالي مع اني ما بعرفك والله العظيم وصرت اتمنى انك تتحجبي وحتشوفي الروعة الله يهديكي هبوش