|
الحب قبل الزواج
بسم الله الرحمن الرحيم
السلام عليكم ورحمة الله وبركاته في عندي موضوع جديد للنقاش ، هداك اليوم قعدت انا وبنت صديقتي وتناقشنا بموضوع وحابه اعرف رأيكم فيه الصغير قبل الكبير الموضوع للكل مو لفئه محدده (الحب قبل الزواج بالنسبة للفتاة هل هو خيانة لزوج المستقبل؟؟؟ ) أنا رأيي انه الحب قبل الزواج هو خيانة لزوج المستقبل لانه الشب لما ييجي لحتى يتزوج الفتاة الخلوقه اللي ما عرفت قبله ولا رح تعرف بعده وبهاي الحاله اذا كانت البنت حابه شب قبله بتكون خانته او بالاحرى ضحكت عليه إلا بحاله وحده اعترفتله قبل الزواج وسامحها وهون بتغير الموقف كليا . لكن اذا ما حكتله هون انا بعتبرها خيانه حتى لو تزوجوا وعاشوا حياتهم والزوج ما عرف بس انا بعتبر انه بما انها اعطت مشاعرها لرجل آخر غير زوجها شيء غلط !!! شو رأيكم هل الحب قبل الزواج خيانه لزوج المستقبل ؟؟؟ |
رد: الحب قبل الزواج
دانا انا معك بكل كلمة حكيتيها لانو بس تزوج رح تضل تذكر الانسان الي كانت تتحبه وتتحصر عليه وهاي بالنسبة الي اكبر خيانة ييييييسلمو على الموضوع الرائع
|
رد: الحب قبل الزواج
تجري الرياح بما لا تشتهي السفن
المشكله مش انه خيانه يا دانا المشكله في الاختيار الخطأ والبنت اللي بنت شب وما بكون زوج المستقبل هي اللي بتعيش بهادا الصراع وهو الشعور بالخيانه هدا ازا عندها مشاعر صادقه والنسيان ما بكون حل لانه يبقى جزء من الماضي والماضي جزء من حياة الانسان الذي نتصل به عن طريق التذكر سواء من العقل الباطن او المعاصر الموجود في العقل الظاهر. ف من الظلم ان تنقل هذا الشعور لزوجها ويكون الشماعه التي تعلق عليها خطأها بسوء الاختيار وبتحكي انا ما اخدت اللي بحبه بغض النظر عن الظروف فهو خطأها والبنت العاقله ما بتحط حالها بهالموقف وبتوفر على حالها وقت كبير من التذمر والسخط الذي تسبه على الزمن والناس والشريك القديم والشريك الجديد, وهدا الحكي ينطبق كمان على الشباب ف ازا بدك تشميه خيانه فهو غباء اكتر من انه خيانه. هدا رأيي وانا اسف للإطاله. |
رد: الحب قبل الزواج
الله يسعدك يا رامي هاد اللي كنت بحكي عنه من الاول لا تحط حالها بهيك موقف
كان زمان اجيت وحكيت هالكلمتين قال اسف لانك اطلت اي كان نفسي تكتب كمان وكمان بس خير الكلام ما قل ودل |
رد: الحب قبل الزواج
(الحب قبل الزواج بالنسبة للفتاة هل هو خيانة لزوج المستقبل؟؟؟ )
اكيد مو خيانه بس يا دانا الحب قبل الزواج مو حرام ولا عيب ولا غلط حتى لو ما تزوجتي يلي حبيته لانو قلبك موملكك وما فيكي تتحكمي فيه بس بتوقع مافي بنت غير حبت حتى لو ماكان يلي حبتو زوجها اكبر غلط انو الوحده تحكي لزوجها انها حبت واحد غيرو لانو هل شي راح ينعكس على حياتها دانا الحب مو عيب والا غلط بس نحنا يلي خلينا الحب شي تافه |
رد: الحب قبل الزواج
انا ما حكيت عن الحب لانه هاي المشاعر من ربنا والارواح جنود مجندة انا عم بحكي عن العلاقة الحب قبل الزواج من تلفونات وكلام غزل وما بعرف شو هاد انا بعتبره خيانه لانه البنت لازم تكون لشريك حياتها وبس
واكيد هبه رايك ع العين والراس والخلاف في الآراء لا يفسد للود قضيه |
رد: الحب قبل الزواج
انا مع هبه 100%
الحب ابدا مو غلط ولا حرام مشاعر الشخص مو بيدة وما بيقدر يتحكم فيها والانسان مو على الريموت كنترول بيضغط على كبسه و بدي احب هاد الشخص او كبسه تانيه انا ما بدي احب ابدا والحب مو خيانه لزوج المستقبل هاي كلمه كبيرة كتير الحب شي حلو وطاهر وبعدين هو زوج المستقبل ملاك يعني ما حب ولا جربه ليش حلال هو يحب وحرام على البنت وبعدين اكبر خطا انك تعترفي لزوج المستقبل انك كنتي تحبي لانه ابد ما راح ينسالك ياها وبعدين ما اله الحق يحاسبني على شي كان قبل ما اعرفة وما في شخص بالدنيا ما بحب ولا جرب الحب والي اصلا ما بحب هاد معقد او انه شايف حاله اشي كتير وما في حدا قده بس هو بكون فاضي من جوا شبه انسان |
رد: الحب قبل الزواج
اكيد هاد رايك ريماس بس انا ابدا مو ممكن اسلم قلبي لواحد مو متأكدة 101/100 اني رح اتزوجه
اما اني اقعد احب واحد قبل الزواج مستحيل وحتى لو حبيت لانه زي ما قلت قبل شوي الحب من عند ربنا والارواح جنود مجندة مستحيل اعبر عن حبي او اني احكي مع يللي بحبه لحد ما ييجي يخطبني لا انا بعد الخطبه عندي استعداد ابدأ اعبرله عن حبي يعني قصص التلفونات وهاي الاشياء انا بستفز منها هاد رأيي ريماس وهداك رايك والخلاف لا يفس للود قضية :092: |
رد: الحب قبل الزواج
اكيد دانا
بس هاد رايي وانا بحكي الواقع وهي بتضل قناعات الشخص |
رد: الحب قبل الزواج
اكيد دانا بس هاد ما بيعني انو الوحده ازا اتزوجت واحد ما كانت تحبو يعني ما راح تحبو بعد الزواج
واكيد زوجا وبيتا واطفالا راح ينسوا حبيبا الاول وازا ما نسيت بهل حاله بتكون خيانه |
رد: الحب قبل الزواج
حببتى دانا الحب قبل الزواج ابدآ مهو عيب ممكن تحبى واللى حبتيه تتزوجى منه والحب مش بأيد الانسان وليس خيانه ومينفعش تحكى لزوجها اى شئ لئته ما بيخصه حيتها قبله يخصه من حين ما ارتبط بها واصبحت زوجته هذا رئى وتقبلى مرورى :hh13:
|
رد: الحب قبل الزواج
على فكرة الكل حكى ما بخصو حياتها قبل الزواج انا مو مع هالشي وخصوصا عنا بالبلاد العربية ما بعرف انا بحكي البنت لازم تحافظ على حالها لحد ما ييجيها نصيبها
|
رد: الحب قبل الزواج
اوكي انا معك بس هل البنت اذا حبت معناتها ما حافظت على حالها غريبة هالفكرة
|
رد: الحب قبل الزواج
حببتى دانا انتى ما تقدرى تملكى نفسك والحب ما هو غلطه ومدام حب طاهر نقى ايه النشكله
|
رد: الحب قبل الزواج
ممكن اوضح شغله.....
دانا انت بتحكي عن الاشخاص اللي بعملو علاقات ترتدي اسم الحب وهي مش الحب وانا عارف انو قصدك هيك وانو هدول الاشخاص ما عندهم اي تصور لتطور هاي العلاقة لزواج بس مجرد محاولات فاشله وهمه عارفين انها فاشله غير ما يقال عن الحب الطاهر الذي يبحث عن علاقة صادقة واللي هو نادر هاي الايام ويحتاج الى عمليه قيصرية حتى ينجح. وحتى هدا الحب الطاهر اللي بنسميه مرات بطيخ او تعود زي ما انت بتسميه لازم يكون مدروس ومفكر فيه بشكل صحيح مش صعبه ولا معجزة ولا اختراع انه نعرف مين نحب حتى نكمل معاه للاخر ومش من الضروري انه لازم نحب عشان نتجوز وازا ما بنحب ما نتجوز. هدا رايي و زي ما بحكي المثل "cheat me once shame on you, cheat me two shame on me" |
رد: الحب قبل الزواج
يا صبايا انا ماحكيت الحب عيب ولا حرام انا اللي حكيتو انه النت رح تتزوج شخص واحد فليش تعطي مشاعرها لشخص تاني يعني انا ممكن احب بحلة انه ضمنت اني رح اتزوج هاد الشخص 100/100 وهاد شي مو مضمون افهموا علي ولا حدا فاهم علي من الصبايا
اما رامي يا فاهمني انت صحيح هاد الشي نادر جدا ومو اختراع نعرف مين نحب بس انا بحكي شو ذنبه يللي رح اتزوجه انه مرته كانت تعرف شب قبله وعلى فكرة البنت يللي حكيت معها بهالموضوع متلكمكانت افكارها وكمان حكتلي انه من الهبل انه اوفي لشخص اصلا انا لسا ما بعرفه ... بس هيك انا بفكر وبرجع بحكي الحب مو عيب بس و هو الحب يللي بكون قبل الزواج او لشخص هو مش زوجك ما بعرف انا يمكن افكاري معقدة او رجعيه بس انا بحب حالي هيك وبحبكم هيك متل ما انتو وآراءكم ع العين والراس |
رد: الحب قبل الزواج
نسوان متصربعه على الجيزه
لو كل وحده بتقعد بتستنى عدلها كان بتعيش عيشه هنيه وبنرجع نقول الطيبين للطيبات . . شكراااااااااااااااا دندون . . . . :girl02_2: |
رد: الحب قبل الزواج
ابو سلطان ضحكتني نسوان متصربعات على الجيزة ؟؟؟؟؟؟؟؟؟؟
نقعد بالبيت نستنى العدل هو الجيزة اصلا فيها عدل هاي ميلان حال وحياتك وعلى العموم من هذا المنبر يا صبايا اقعدو استنو بيت العدل او بيتهوفن اي بيت مش مهم انتو مكبرين الموضوع يا جماعة الخير اللي بدو يحب يحب والي مابدو هو حر |
رد: الحب قبل الزواج
دندون الرائعه اسمحي بهذه المداخله .. وتعريق لبعض المصطلحات بالحياة من وجهة نظري :- ان الإنسان قبـل الزواج (( شيء )) وعنـد الزواج (( كل شيء )) وبعـد الزواج (( لا شيء )) الحب : فرصة ليصبح الإنسان أفضل وأجمـل وأرقـى الحب : ليس عاطفــة ووجدانــا فقط إنما هو طاقة ـ وإنتــاج الحب : هو أعظم مدرسة يتعلم كل عاشق فيها لغة لا تشبهها لغة أخرى الحب : مثل أي لعبة يمارسها اثنـان … في نهايتهما : أحدهما يربح … والآخر يخسر الحب : تجربة وجودية عميقة تنتزع الإنسان من وحدته القاسية الباردة لكي تقدم له حرارة الحياة المشتركة الدافئة الحب : فضيلة الفضائل … به نعلو بأنفسنا عن العبث والتهريج والابتذال العاطفي ونحمي عقولنا من الضياع والتبعثر الفكري فهل عرفتي معنى الحب فعلاً يا دندون !!!؟؟؟؟ ما يخطر في بالي حين يتحدث أي شخص عن الرومانسية بأنها المنبع الرئيسي للحب ... فما هو الحب وما قيمته إن فقدنا الرومانسية .. حين تتواجد الرومانسية نسبح في تيارات الأفق المغادرة إلى الانهاية... تنسى كل الألم وتندمج مع السعادة الأبدية ... ومن فقد الرومانسية خسر جزء كبير من حبه... وأصبح الحب بالنسبة إليه مجرد روتين قاتل لا أكثر ولا اقل ... انا اعتقد ومن خلال هذا الطرح الرائع بان دندون واقعه لشوشتها بالحب ؟؟؟؟ هذه وجهة نظر دندون ... |
رد: الحب قبل الزواج
عفوا ابو سلطان كل شي نصيب كلامك ع العين والراس والله
|
رد: الحب قبل الزواج
ابو معمر اد الحكي كله حلو وع سلامته بس مو قبل الزوج
ولا تعتقد كتير ... ما في حدا لحد هلأ لفت انتباهي مو احبه كمان... بعدين المسأله كلها اني كنت احكي مع بنت وعجبني الموضوع وفتحته معكم لا تخلوني بحب وانا مو عارفه عن حالي . |
رد: الحب قبل الزواج
دندون انتي كبيره كثير
وبعيونا اكبر احنا بنشارك بسسسسسسسسسسسس . . . :hh13: |
رد: الحب قبل الزواج
وما في شخص بالدنيا ما بحب ولا جرب الحب والي اصلا ما بحب هاد معقد او انه شايف حاله اشي كتير وما في حدا قده
بس هو بكون فاضي من جوا شبه انسان كلام............... (ريماس صحيح) و أكيد لم تتزوج سوف تكن جميع الحب لزوجها مقيش غيرو شـكــ وبارك الله فيك ـــرا لك ... لك مني أجمل تحية . تقبلي مروري |
رد: الحب قبل الزواج
يعني بفهم من هالحكي انو لازم نحب عشان ما ينحكى عنا معقدين؟
والله فيها وجهت نظر بس يضلو يحكو عني معقد احسن من وجع الراس والقلب.... |
رد: الحب قبل الزواج
هو صحيح انا تبهدلنا:159[1]: :159[1]: :159[1]:
بس مو مشكلة بتموني يا تونس ورأيك اكيد بنحترمه نورتيييييييييييييييني :170[1]: :170[1]: :170[1]: |
رد: الحب قبل الزواج
الحب مو حرام ابدا بس الي بصير مع الشباب والبنات بهاي الايام حرام نحكي عنه حب اصلا
انا الي فهمته يا دانا انه قصدك لازم البنت تحمي حالها وتصون نفسها وما تحكي مع شباب وهيك وهاد اصلا مو حب هاد اسمه (لعب عيال) ،بس افرضي الوحدة حبت واحد والتنين حبو بعض وبس اجا يخطبها ما صار نصيب يعني هيك بتكون خاينة ...اكيد لا بس ازا كانت بتحكي معه وبتغزلو ببعض وبطلعو مع بعض هون ممكن نحكي انها غلط الحب شي ما بنقدر نتحكم فيه والمفروض كل واحد يفكر انه ربنا رقيب عليه وما يغلط بس مو خيانة ازا كان شعور طاهر وما في غلط والله يجمع كل الي بحبو بعض بالدنيا وبالآخرة :067: |
رد: الحب قبل الزواج
كلامك على العين والراس يا حرف ... بس بما انه حبك هاد بريء وصادق هل بتقدري تحكي لزوج المستقبل انك حبيتي قبله اكيد لا لانه مارح ينسالك اياها
واذا ما حكيتيله ....انا بعتبرة غلط مشان هيك بقول البنت ما تجازف من الاول وتحط حالها بهيك موقف شككككككككككككككككرا لمرورك الرااااااااائع يا حرف |
رد: الحب قبل الزواج
حواركم الراقى فلاى هذا المنتدى هو الحب اشكركم جميعا
|
رد: الحب قبل الزواج
انت الراقي والارقى ابو مجد شكرا لمرورك الرائع
|
رد: الحب قبل الزواج
انتى من نتعلم منه الرقيى غاليتى دمتى بود سلمتى وسلم قلمك ونبضك
:a20: |
| الساعة الآن 20:50. |
Powered by vBulletin® Copyright ©2000 - 2025, Jelsoft Enterprises Ltd. , Designed & TranZ By
Almuhajir
new notificatio by 9adq_ala7sas
Developed By Marco Mamdouh
جميع الحقوق محفوظة لشبكة و منتديات صدى الحجاج